Dagblaðið - 02.12.1978, Blaðsíða 6

DAGBLAÐIÐ. LAUGARDAGUR 2. DESEMBER 1978.
...
6
Utanlandsferðir á kostnað ríkissjóðs:
„Þjóðsaga” að embættis-
menn verzli fram hjá Ferða-
skrifstofu ríkisins t —**■ )
Mjög fátitt mun vera aö opinberir
embættismenn skipti viö aðrar feröa-
skrifstofur en Ferðaskrifstofu ríkisins
þótt sú hafi verið trú manna lengi, eins
konar þjóðsaga i kerfinu, sagði deildar-'
stjóri i einu ráðuneytanna.
Það er nokkurra ára gömul ríkis-
stjórnarsamþykkt fyrir því að ríkis-
sjóður og opinberar stofnanir skipti
eingöngu við Ferðaskrifstofu rikisins
um opinber ferðalög. „Ég held að það
sé einhver misbrestur á að menn skipti
við okkur, en það er litið,” sagði
Kjartan Lárusson, forstjóri Ferða-
skrifstofu ríkisins, í samtali við frétta-
mann DB um málið.
Halldór Sigurðsson ríkisendurskoð-
andi tók mjög í sama streng. „Ég held
að það sé frekar gott aðhald i þessum
málum eftir að sett var sem skilyröi
fyrir ferðapöntunum að ferðaheimild
frá viðkomandi ráðuneyti fylgdi með
ferðaáætlun,” sagði ríkisendurskoð-
andi. „Það eru einstaka ferðaskrif-
stofur-sem hafa umboð fyrir erlendar
ráðstefnur og þess háttar. Mér dettur
til dæmis í hug Norræni byggingar-
dagurinn sem haldinn er annað hvert
ár. Ferðaskrifstofa í borginni er með
umboð fyrir þá ráðstefnu.
Ferðaskrifstofa ríkisins veitir venju-
lega ferðaskrifstofuþjónustu og tekur
fyrir það sína þóknun, 7—10%
umboðslaun. „Átta prósent er
algengast,” sagði Kjartan Lárusson í
samtalinu við fréttamann blaðsins. „Á
þessu ári verða tekjur ríkisins af
þessum umboðslaunum um tíu
milljónir, sýnist mér í fljótu bragði.”
Kjartan sagði að rikið gæti haft
meiri tekjur af ferðaþjónustu skrifstof-
unnar en „misbrestur í kerfinu sl. 2 ár
eða svo” kæmi i veg fyrir það. Þannig
væri að ferðaskrifstofan pantaði ekki i
öllum tilfellum gistingu fyrir
embættismenn í opinberum erinda-
gjörðum. „Þegar við pöntum gistingu
verður alltaf að borga hana við brott-
för af viðkomandi hóteli. Það varð
misbrestur á að reikningar, sem
kvittað var fyrir, væru borgaðir fyrr
en eftir dúk og disk og því verðum við
þar af nokkrum umboðslaunatekjum.
Ég held þó að það sé óveruleg
upphæð.”
ÓV.
JOLABOKINI
FJÓRDA „ÆTTUД
Þessi mynd er tekin þegar jðlabókin er
komin i fjórða „ættlið” og á ekki eftir
nema tvo, seljendur og lesendur. Hinir
„ættliðirnir” eru að sjálfsögðu rithöf-
undurinn, þá setjarinn, prentarínn og svo
bókbandið, sem myndin sýnir. Hún var
tekin í Bókfelli i vikunni undir lok
strangrar haustvertiðar bókagerðarfólks
i ár.
-GS.
DB-mynd Bj.Bj.

VORUM AÐ FÁ ÚRVAL
SN YRTISTÓLAI"
HUSGAGNAVERZLUN
Brautarholtí
REYKJAVÍKUR Símar 11940 og 12691
TILVALIN
JÓLAGJÖF
PÓSTSENDUM
Leyfi fyrir pylsuvagna íReykjavík:
„Á sömu skoðun
og bolsévíkarnir
í þessu máli”
— segir væntanlegur pylsusali á Lækjartorgi
Borgarráð hefur samþykkt að heim-
ila pylsuvagna á Lækjartorgi, við
Sundahöfn og við Sundlaugarnar i
Laugardal. Tillagan var samþykkt
með fjórum atkvæðum gegn einu, Al-
bert Guðmundsson greiddi atkvæði á
móti.
Það má því búast við nokkurri
breytingu á bæjarbragnum innan
skamms en pylsuvagnar setja t.d. sér-
stakan svip á götulif í Kaupmanna-
höfn. Ásgeiri H. Eirikssyni hefur verið
veitt leyfið fyrir Lækjartorgsvagnin-
um en Árhjal sf. vagninum við Sunda-
höfn og Tulin Johansen við Laugar-
dalslaugarnar.
DB ræddi stuttlega við Ásgeir H.
Eiríksson en Lækjartorgsvagninn
verður að sjálfsögðu mest áberandi
þessara vagna. Ásgeir sagðist hafa sótt
um leyfi fyrir vagninum fyrir
nokkrum árum og síðan endurnýjað
það reglulega. Upphaflega sótti hann
um leyfi til að selja hamborgara og
fleira úr vagninum en ekki vissi hann
enn hvort hið nýfengna leyfi væri ein-
vörðungu bundið pylsusölu.
Ásgeir, sem er góður og gegn sjálf-
stæðismaður, sagði það merkilegt að
fyrst fengist leyfi til þessarar starfsemi
eftir að Reykjavík er komin undir ráð-
stjórn. „En á þessu sviði er greinilegt
að ég og bolsévíkarnir erum á sömu
skoðun,” sagði Ásgeir og var greinilegt
að hann glotti undirfurðulega í gegn-
um símann.
Hann sagðist snúa sér að þvi hið
fyrsta að athuga með heppilegan vagn
þannig að starfsemin gæti hafizt sem
fyrst. Þar sem málið var þó ekki sam-
þykkt einróma í borgarráði verður það
að fara fyrst fyrir borgarstjórn og
yerður það að öllum líkindum 7. des-
ember nk. Þá skýrast málin frekar.
- JH