Dagblaðið - 31.05.1979, Blaðsíða 28

Faraiannaverkfallið:
YFIRMENN FARNIR AD
RÁDA SIC ERLENDIS
—farmenn ekki ýkja hrifnir af „pakka” VSÍ
„Við höfum nú slcoðað „pakka”
vinnuveitenda og erum ekki ýkja
hrifnir,” sagði Páll Hermannsson,
blaðafulltrúi FFSÍ. „Þetta er nánast
sami pakkinn og þeir lögðu fram
fyrir nokkrum vikum, að því undan-
skildu að þeir hafa viðorkennt
„prinsipatriði”, sem er vaktaálag.
En engar upphæðir eru nefndar.
Ég get ekki „kommenterað” á
hugsanlega verksviptingu VSÍ,”
sagði PáU. „Verksvipting er að ske í
raun víða í þjóðfélaginu, eins og t.d. í
Sjöfn og þá fer fólk á atvinnuleysis-
bætur.
Nú um helgina stöðvast fleiri skip
og þá nálgast það að fjörutíu skip
hafi stöðvazt. Nokkrir yfirmenn eru
nú farnir að þreytast og hafa sumir
þeirra ráðið sig sem yfirmenn á skip
erlendis. Það er okkur hættulegt, því
það gæti leitt tU þess að ekki fengjust
réttindamenn á okkar skip.
Það sér hver heilvita maður að
vinnuveitendur verða eitthvað að
fara að gera. Við höfum slakað veru-
lega á. Ég veit ekki hvor aðUinn er
ábyrgðarlausarinú.” -JH
Búið ai skoða DC-10
Flugleiða íParís:
Engin málm-
þreyta fannst
í skeyti sem Flugleiðum barst í|
morgun, eftir að skoðun á DC-10 þotu
félagsins lauk í París nú undir morgun-
inn, kom fram að engin merki málm-,
þreytu né neinir gallar fundust í|
hreyflafestingurn þotunnar. Stendur til
að hún hefji áætlunarflug í dag.
-GS.I
Bráðabirgða-
lög ekki
fyrir helgi
— segirSteingrímur
Hermannsson
„Bráðabirgðalög koma ekki fyrir
helgi,” sagði Steingrímur Hermanns-
son, sem nú gegnir starfi forsætisráð-
herra í fjarveru Ólafs, i viðtali við DB.
Ráðherrarnir segjast aðeins hafa
„frestað” setningu bráðabirgðalaga í
launamálum en ekki gefizt upp við þá
hugmynd.
-HH.
Það fór heldur ilia f harðindunum I vetur húsið sem reist var eftir hugmyndum hins heimsfræga arkitekts Buckmister Fullers
austur f Gaulverjabæ á Eystri Hellum. En þau Einar Gunnar og Vilborg standa þarna fyrir utan mannvirkið sem var notað
sem gæsa- og andakofi og til stendur að endurbyggja aftur i sumar. - BH / DB-mynd Bjarnleifur
900% launahækkun aðeins
9% kaupmáttaraukning
„Verksvipting þar sem
þörf krefur” segir
Vinnuveitendasambandið
„Frá 1972 hefur 900% launahækkun
leitt til 9% kaupmáttaraukningar.
Þetta þýðir, að aðeins 1% af launa-
hækkunum síðustu ára hefur komið
launþegum að gagni,” segir í ábending-
um, sem fram koma í umsögn Vinnu-
veitendasambands íslands.
Almennur félagsfundur í VSÍ var
haldinn í gær. ítrekaði fundurinn þá-
kjaramálastefnu, sem fylgt hefur verið
af hálfu sambandsins og styður þær
aðgerðir, sem þegar hefur verið gripið
til vegna yfirstandandi kjaradeilna.
Telur fundurinn augljóst, að efna-
hagslegar aðstæður leyfi ekki frekari
launakostnaðarhækkanir eins og sakir
standa, eigi að stöðva vaxandi verð-
bólguþróun.
í framhaldi af fundinum er vakin
athygli á einstökum þáttum í efnahags-
mála- og verðbólguþróun og hnykkt á
fyrri yfirlýsingum VSÍ í mörgum at-
riðum.
- BS
Stokkseyri:
„Reisum a/ft frá grunni... ”
— reyntaö koma á fótbráöabirgðaaðstöðu
„Það er alla vega Ijóst, að við
munum reisa hér allt frá grunni á
ný,” sagði Guðni Einarsson bókari
hjá Hraðfrystistöð Stokkseyrar í
viðtali við DB í morgun, en uppbygg-
ingarstarf eftir brunann mikla í fyrri-
nótt er nú hafið. Fulltrúar trygginga-
félaga og stjóm stöðvarinnar voru á
staðnum í gær auk ráðherranna
Kjartans Jóhannssonar og Magnúsar
H. Magnússonar og þingmannsins
Jóns Helgasonar til þess að kanna
skemmdir og var strax farið að vinna
að þvi að forða frá frekari skemmd-
um á þeim afurðum sem geymdar eru
í frystigeymslum.
„1 frystiklefunum tveimur eru
verðmæti fyrir um 200 til 300
milljónir og var byrjað á því að
tengja rafmagn á þá á ný til þess að
komast hjá skemmdum,” sagði
Guðni. „Reykur og sót komst inn í
annan klefann, og verður að skipta
um allar ytri umbúðir á fiskpökkum
þar, 20 til 25 þúsund pökkum.
Vandamálið er, hvar hægt er að gera
það.”
Guðni sagði að skreið og saltfiskur
allur hefði sloppið við skemmdir og
nú væri verið að huga að því að reisa
einhverja bráðabirgðaaðstöðu til þess
að verka humar. Móttökusalur og
flökunarsalur skemmdust ekki og
bátunum átta hefur verið komið í
löndunaraðstöðu annars staðar þar
til úr rætist.
„Tjónið er mikið og ákafiega
bagalegt, sérstaklega fyrir konur og
unglinga,” sagði Guðni ennfremur.
„Karlmenn fá trúlega nóg að gera við
byggingarvinnu en sumarvinna 40—
50 unglinga, aðallega frá Selfossi er
fyrir bí og vinna fyrir konur hér við
fiskverfcun verður auðvitað eitthvað
minni.” -HP.
m ■ >
Unnið við slökkvistarf á Stokkseyri í
fyrrinútt.
-DB-mynd: MKH, Eyrarbakka.
frýilMt,óhii áagblai
FIMMTUDAGUR 31. MAt 1979.
Niðurdýfing-
arskírn
ísjónvarpi
— hjá Ffladelfíuinönnum
á hvítasunnudag
„Á þessari samkomu fer fram skirn,
niðurdýfingarskírn eins og forðum á
hvítasunnudag,” sagði Einar J. Gísla-
son, prestur hvítasunnusafnaðarins i
Reykjavik, í samtali við Dagblaðið.
Á hvítasunnudag verður sjónvarpað
frá guðsþjónustu hvítasunnumanna
þar sem meðal annars fer fram niður-
dýfingarskim sem er að formi til tölu-
vert frábrugðin þeirri skírnarathöfn
sem flestir landsmenn eiga að venjast.
Hvítasunnumenn segja, að þetta sé sá
háttur sem hafður hafi verið á, á tímum
Nýja testamentisins. Þeir skira ekki
börn og segja að fólk verði að vera
komið til vits og ára þegar það kýs sér
trú.
Er ekki að efa að ýmsum mun þykja
forvitnilegt að sjá þessa skírnarathöfn
hvítasunnumanna í framkvæmd.
-GAJ
Stórbrani
á Skaganum
Á níunda tímanum í gærkvöldi tók
mikinn reyk að leggja til himins á
Akranesi. Héldu margir, m.a. hér í
Reykjavík, að um stórbruna væri að
ræða og linnti ekki símhringingum til
lögreglunnar lengi kvölds.
Orsök reyksins var sú að unglingar
höfðu borið eld að netadræsum sem
fleygt hafði verið ofan í fjöru á at-
hafnasvæði Nótastöðvarinnar. Var
þarna um ónýtar netadræsur að ræða,
en margar. Stóð til að brenna þetta
þegar vel stæði á vindátt. Unglingamir
voru fyrri til og varð af mikið bál og
sérstaklega mikill reykur. Rýkur enn úr
netunum. En í gær steig reykur beint í
loft upp og urðu ekki óþægindi að.
- ASt.
Guðmundur
öruggur
„Guðmundur má heita öruggur í úr-
slitakeppnina en það getur allt gerzt hjá
mér og ég er eiginlega búinn að fá mig
fullsaddan á þessu móti. Það væri eng-
in dauðasynd þótt ég kæmi bara heim
með Margeiri,” sagði Helgi Ólafsson er
DB hafði samband við hann í Luzern i
Sviss í morgun.
Guðmundur tefldi í gær við Soos frá
Þýzkalandi og að sögn Helga virtist
leynast jafnteflisleið í skákinni fyrir
Soos en í fyrstu var talið að Guð-
mundur væri með unnið tafi. Margeir
gerði jafntefli við Wadberg, Svíþjóð,
en skák Helga og Pachmans var frestað
vegna veikinda hins síðamefnda. í A-
riðli er Hílbner efstur með 6,5 v.,
Kagan með 5,5, Guðmundur með 5 og
biðskák og Wadberg með 5. Sagðist
Helgi reikna með að þessir fjórir
kæmust áfram. í B-riðli er GrUnfeld
efstur með 7 v„ Hoi hefur 5 v.,
Helmers 4,5, Karlsson 4 og biðskák og
Helgi 4 en hefur aðeins teflt 7 skákir.
Innbyrðis úrslit úr undankeppninni
gilda ekki i úrslitakeppninni eins og i
fyrstu vartalið. -GAJ