Dagblaðið - 01.06.1979, Blaðsíða 32

útsetur
fyrir
Elton
„Þaö er rétt, ég hef verið beðinn að
gera þetta,” sagði Þórir Baldursson í
samtali við DB í gærkvöld er borinn
var undir hann orðrómur um náið sam-
starf hans við Elton John, einhverja
skærustu poppstjömu okkar tíma.
Það sem Þórir hefur verið beðinn um
er að útsetja öll lög á næstu plötu
Eltons John, sem taka á upp i júlí í
Musicland Studios í Mtlnchen.
„Þú getur rétt ímyndað þér hvort ég
ætla ekki að gera það,” sagði Þórir.
„Þetta getur skipt mjög miklu máli
fyrir mig.”
Þórir kvaðst að öðm leyti ekki vita
mikið um væntanlega plötu Eltons, en
kvaðst búast við stefnubreytingu,
þannig að Elton færi að meira eða
minna leyti út i diskó. Upptökustjóri
verður gamall samstarfsmaður Þóris í
Þýzkalandi.
Þórir Baldursson flyzt á þessu ári til
Bandaríkjanna frá Þýzkalandi. „Ég
hef orðið það mikið að gera i Banda-
ríkjunum, að þaðer hagstæðaraaðbúa
þar.”
-ÓV/ÁT.
Haukur
fékk níu
mánuði
— sex dæmdir í
„handtökumálinu”
Haukur Guðmundsson, fyrrverandi
rannsóknariögreglumaður I Keflavik,
var i gær dæmdur í níu mánaða fang-
elsi fyrir að hafa staðið að og stjómað
ólöglegri handtöku á þeim Guðbjarti
Pálssyni og Karli Guðmundssyni í byrj-
un desember 1976, við Voga á Vatns-
leysuströnd.
Auk þess var Viðar Ásmundsson Ól-
sen, fyrrverandi dómarafulltrúi
dæmdur fyrir þátttöku sína í hinni
ólöglegu handtöku og hlaut hann
þriggja mánaða fangelsi.
Fjórir aðrir hlutu einnig dóm fyrir
þátttöku sina í þessu máU, sem oftast
hefur verið nefnt „handtökumálið”.
Voru þar á meðal huldumeyjamar tvær
sem aðstoðuðu Hauk við hina ólöglegu
handtöku, lögreglumaður í Keflavík
sem visvitandi rangfærði framburð
sinn og kvaðst á sínum tima ekki hafa
séð huldumeyjamar í bíl Hauks í Vog-
unum þegar handtakan fór fram og
ræstingarkona úr Keflavík, sem útveg-
aði annarri huldumeyjunni fjarvistar-
sönnun með því að segja að hún hefði
verið við vinnu ásamt sér þegar hún var
hins vegar að stuðla að hand tökunni.
Dómar þeir er aðrir en Haukur og
Viðar hlutu vom skilorðsbundnir, svo
ekki kemur til fullnustu þeirra nema til
komi afbrot viðkomandi innan þriggja
ára.
Áfrýjunarfrestur er hálfur mánuður.
-BH
Eftirolíuhækkun
Stefnir í 43 pró-
sent veröbólgu
„Það mun sennilega auka verð-
bólguna um 1—1,5 prósent, ef olíu-
hækkunin helzt,” sagði Ólafur
Davíðsson hagfræðingur í Þjóðhags-
stofnun í viðtali við DB i morgun.
Verðbólgan yrði þá komin i nálægt
43 prósent á árinu miðað við það, að
þetta bættist ofan á verðbólgustigið,
sem Seölabankinn segir vera 41,8
prósent um þessar mundir.
Snemma á árinu töluðu ráðherrar
um að koma verðbólgunni niður í 30
prósent og virtust vongóðir um það.
Ólafur sagði, að metið hefði verið,
að olíuhækkunin, sem varð fyrr á'
árinu, yki verðbólguna um 1,5—2
prósent. Nú kemur ný stórhækkun
ofaná.
Ólafur sagði, að fyrir síðustu olíu-
hækkun hefði verið reiknað með, að
viðskiptakjörin rýrnuðu I ár um 7—8
prósent. Erfitt væri að meta, hversu
mikið þau rýrnuðu til viðbótar við
nýju hækkunina. Hugsanlega mætti
búast við, að aukin verðbólga i
öðrum löndum leiddi til hækkunar á
útflutningsverði okkar, sem drægi úr
rýmun viðskiptakjaranna.
Þá væru mestar líkur til, að
þjóðartekjur í ár yrðu minni en i
fyrra vegna verri viðskiptakjara.
- BH
Ég er persneskur hefðarköttur
Hellisheiðarundrið hefur náðst á mynd. Hinn guli persneski hefðarkðttur er örUtið úfinn þessa dagana, þar sem hann er að
fara úr hárunum. En i stuttu viðtaU sagði undrið að alls ekki mætti Ukja sinni æruverðugu persónu við útigangskvikindi svo
sem ref eða mink.
Sá persneski neitar og öllum skyldleika við Æjatolla þá er nú ráða rikjum i hans ættarlandi. Útigangi og músaveiðum á
heiðum úti neitar hann og en viðurkennir að aðstoða húsbónda sinn Steingrím veitingamann i Skiðaskálanum er hagamýs
gerast nærgöngular á haustin. JH/DB-mynd: Magnús Jónsson
Leggja Aöalverktakar f é til st jórnmálaf lokka?
ALUR STJÓRNMÁLA-
FLOKKARNIR NEITA
„Mér vitanlega hefur Alþýðu-
flokkurinn enga sUka greiðslu fengið
frá Aðalverktökum. Ég hef enga
vitneskju umneitt sUkt,” sagði Bene-
dikt Gröndal, formaður Alþýðu-
flokksins, í samtali við DB í morgun.
Helgarpósturínn staðhæfir í morgun,
að fyrirtækið Aðalverktakar á Kefla-
vUcurfiugveUi hafi reglulega lagt
ákveðna peningagreiöslu, fjár-
framlag, tU a.m.k. eins stjómmála-
flokks og að líkindum tU tveggja ann-
arra stjórnmálaflokka.
„Ekki mér vitanlega,” sagði
Sigurður Hafstein, framkvæmda-
stjóri Sjálfstæðisflokksins, við DB í
morgun. Hann kvaðst ekki kannast
við neinar slíkar greiðslur til Sjálf-
stæðisflokksins frá Aðalverktökum.
„Þetta er bara bull,” sagði hann.
„Það er nú nánast óþarft að svara
þessu,” sagði Ólafur Jónsson, fram-
kvæmdastjóri Alþýðubandalagsins,
„slíkur stuðningur frá Aðalverktök-
um til okkar hefur aldrei verið
orðaður og aldrei komið til greina.”
„Þetta er mikil fjarstæða,” sagði
Þráinn Valdimarsson, framkvæmda-
stjóri Framsóknarflokksins. „Ég
fullyrði að flokkurinn hefur hreinan
skjöld.”
-ARH/GM
frfálst,áháð dagblað
FÖSTUDAGUR1 ■ JÚNÍ1979.
Geymslurými margra
frystihúsa á þrotum:
Freðfiski
ekið hundruð
kílómetra milli
geymslna
— þrjú skip að lesta nú
Geymslurými margra frystihúsa er
nú á þrotum þrátt fyrir umstöflun eins
þétt og hægt er. Hafa sum húsin orðið
að gripa til þess að aka freðfiski allt
upp í hundruða kílómetra leið til staða,
þar sem enn er rými.
Nú eru þrjú skip að lesta físk
umhverfis landið og er reynt að taka
frá þeim húsum, sem fyllst eru. Það eru
tvö leiguskip, er SH hefur tekið og eitt
SÍSskip.
-GS.
Guðmundur
vann
biðskákina
í 10. umferð svæðamótsins í Luzern
sem tefld var í gær gerðu Helgi og
Guðmundur báðir jafntefli við and-
stæðinga sína þá Hammer og Helmers.
Þá vann Guðmundur biðskák sína við
Soos og hefur þar með endanlega
tryggt sér sæti í úrslitakeppninni.
Margeir tefldi við Soos í gær og fór
skák þeirra í bið og hefur Margeif
heldur lakari stöðu. Staðan í A-riðli er
sú, að Htlbner er efstur með 6,5 v. og
bið, Guðmundur hefur 6,5 v., Kagan
5,5 og Wadberg 5 og bið. í B-riðli er
Grtlnfeld efstur með 7, Karlsson er með
6 v., Helgi með 5 og frestaða skák gegn
Pachman sem tefid verður í dag, Hoi
hefur 5 og bið og Helmers 5. Athygli
vekur slök frammistaða stórmeistar-
anna Pachman og Liberzon. Þeir hafa
aðeins 3,5 vinninga. Helga nægir jafn-
tefli í þeim tveim skákum sem hann á
eftir til að komast í úrslitin.
-GAJ-
200 mílna
lögin
undirrituð
í dag rennur upp lokastundin í
stærsta baráttumáli okkar íslendinga á
undanförnum árum er forseti íslands,
Dr. Kristján Eldjárn undirritar lög um
landhelgi, efnahagslögsögu og land-
grunn, 200 mílna lögin.
FYRIR AUG-
LÝSENDUR
Móttaka smáauglýsinga verður opin
til kl. 18 I dag. Lokað laugardag og
sunnudag. Opið mánudag, annan i
hvitasunnu, kl. 18—22 fyrir auglýs-
ingar, sem eiga að birtast á þriðjudag.
Auglýsingadeildin óskar öllum
góðrar helgar.