Dagblaðið - 14.09.1979, Side 15

DAGBLAÐIÐ. FÖSTUDAGUR 14. SEPTEMBER 1979.
Finnskan
vandamál
FINNLAND: í Finnlandi eru gefin út
þó nokkur tímarit sem fjalla um
kvikmyndir. Því miður eru þau á
finnsku sem fáir hér heima geta lesið.
Þó er undantekning á sem er árs-
fjórðungsritið FINLAND
FILMLAND — facts about film in
Finland, en það er gefið út af finnska
kvikmyndasjóðnum og skrifað á
ensku. Tilgangur þess er að kynna
finnska kvikmyndagerð bæði nú og
fyrri ára hinum enskumælandi heimi.
Fjallað er um nýjar finnskar myndir,
leikstjórar kynntir og teknir fyrir
ýmsir málaflokkar er snerta kvik-
myndir. Með reglulegu millibili birtir
blaðið svo tölfræðilegar upplýsingar
um stöðu finnska kvikmynda-
iðnaðarins.
Í fyrra átti tímaritið
FILMIHULLU 10 ára afmæli en það
kemur út 8 sinnum á ári. Eftir
upplýsingum úr Finland Filmland
virðist hér á ferðinni vandað tímarit
sem birtir greinarflokka og viðtöl við
þekkta leikstjóra hvaðanæva að úr
heiminum. Einnig hefur blaðið leitast
við að þýða hluta af þekktum hand-
ritum til að gefa lesendum sinum
innsýn í hvernig leikstjórar vinna.
Filmihullu virðist mjög útbreitt i
Finnlandi og reynir það að kynna
jöfnum höndum klassísk verk og það
nýjasta sem er á ferðinni. Blaðið er
prentaðá finnsku. Að lokum mágeta
timaritsins KINO-LETHI en
upplýsingar um það liggja ekki fyrir.
Kvikmyndatímarit
á Norðuriöndum
Fyrri hluti — Danmörk og Finnland
Á undanförnum árum hafa æ
fleiri fengið áhuga á kvikmyndum
enda býður kvikmyndin upp á
fjölbreytta tjáningarmöguleika. í
dag er kvikmyndin líklega einn sá
sterkasti- og áhrifaríkasti miðill sem
völ er á til að koma skoðunum og
túlkun viðkomandi á framfæri.
íslendingar hafa löngum verið taldir
miklir kvikmyndaunnendur enda
förum við 3—4 sinnum oftar á ári á
bíó en aðrir Norðurlandabúar sé
miðaðvið fólksfjölda.
Hingað til lands kemur mikill
fjöldi mynda þótt uppruni þeirra sé í
flestum tilvikum bandariskur eða
breskur. Þó hafa samtök eins og
kvikmyndaklúbbar, vinafélög
erlendra landa og sendiráð kynnt
kvikmyndagerð annarra landa auk
þess sem ein og ein mynd þaðan
hefur slæðst í kvikmyndahúsin.
Þekking almennings á kvikmynd-
um hefur einnig aukist til muna á
undanförnum árum. Margt hjálpar
þar til. Dagblöðin hafa aukið efni sitt
um kvikmyndir og svo eru bækur um
sama efni ásamt nokkrum erlendum
kvikmyndatímaritum flutt inn.
Einnig má ekki gleyma hinum öru
utanlandsferðum íslendinga þar sem
þeim gefst oft gott tækifæri til að
fylgjast með þvi nýjasta sem er að
gerast i kvikmyndaheiminum.
Lítið úrval
Ef litið er yfir úrval norrænna
kvikmyndatimarha, hér í bóka-
verslunum kemur i Ijós að það er
harla fátæklegt. Samt sem áður gefa
frændur okkar á Norðurlöndum út
nokkur tímarit sem njóta mikillar
virðingar viða um heim meðal kvik-
myndaunnenda. í þessari grein er
ætlunin að kynna nokkur þessara
tímarita ef vera skyldi að einhver
hefði áhuga á að kynna sér nánar efni
þeirra. Þessi kynning er langt frá þvi
að vera tæmandi og byggist aðallega
á sýnishornum þessara rita, sem hafa
borist undirrituðum i hendur.
DANMÖRK: í Danmörku ber tíma-
ritið KOSMORAMA höfuð og
herðar yfir önnur timarit sem fjalla
um kvikmyndir. Þetta er árs-
fjórðungsrit sem á 25 ára útgáfuaf-
mæli i ár og er gefið út af danska
kvikmyndasafninu og þvi styrkt af
danska ríkinu. Ritið er gífurlega
vandað hvað varðar uppsetningu og
frágang og er í A4 stærð.
Fjölbreytt efni
Fyrir utan að fjalla um myndir
sem eru sýndar í dönskum kvik-
myndahúsum býður Kosmorama upp
á greinarflokka um ýmis málefni.
Sem dæmi má nefna að í nýjasta
heftinu er grein sem ber heitið stríðs-
myndir, leikstjórinn John Cassavetes
er tekin fyrir og rætt er um vestur-
þýska kvikmyndagerð í dag. Einnig
er oft með blaðinu „Kosmorama
Leksikon” þar sem ýmis lönd eru
tekin fyrir. Þar koma fram upp-
lýsingar um helstu kvikmyndagerðar-
menn sem eru virkir í starfi í við-
komandi landi, verk þeirra og feril. í
þessum flokki hafa verið tekin fyrir
lönd eins og Frakkland, Vestur-
Þýskaland, Ítalía, og USA.
Fyrir þá sem vilja kynnast meira
listrænu hlið kvikmyndanna skal
bent á 10000 0JNE sem er gefið út af
samtökum litlu kvikmyndahúsanna i
Kaupmannahöfn. Þar birtast greina-
flokkar og viðtöl við leikstjóra þótt
megin áhersla sé lögð á kynningu á
þeim myndum, sem siðar verða sýnd-
ar í viðkomandi kvikmyndahúsi. Hér
er yfirleitt um að ræða myndir, sem
hafa litið aðdráttarafl í stóru
húsunum. Blaðið hefur ýmsa góða
penna eins og Christian Braad
Thomsen sem styður það dyggilega.
Blaðið er i dagblaðsformi og kemur
út mánaðarlega. Það hóf göngu sína
fyrir rúmum tveimur árum.
Farið niður í kjölinn
Þá skal getið ársfjórðungsrits sem
ber heitið MACGUFFIN en það
þróaðist út frá kvikmyndaklúbbi i
Árhús háskólanum. Blaðið tekur
lyrir ákveðna málaflokka eða
ákveðnar myndir sem það skoðar
niður í kjölinn. Auk þess er i styttri
pistlum rætt um markverðar myndir
sem veéið er að sýna. Blaðið er í A5
broti og hefur mikið lesmál, þótt það
sé oft sett upp á frekar óaðgengileg-
an máta.
LEVENDE BILLEDER er ekki
einskorðað við kvikmyndir þó þær
skipi stóran sess i efni blaðsins. Það
ræðir um fjölmiðla og fjölmiðlun al-
mennt þótt sjónvarpið og kvik-
myndir eigi meirihluta efnisins.
Einnig birtir blaðið kvikmyndagagn-
rýni. Flestar greinanna eru mjög
læsilegar og komið þar inn á margt
BaldurHjaltason
skemmtilegt og fróðlegt sem önnur
kvikmyndarit fjalla ekki um. Brotið
er A4. Einnig er undirrituðum
kunnugt um nokkur önnur dönsk
kvikmyndarit en veit litið um
innihald og gæði þeirra. Eru það ritin
FILMORIENTERING sem sam-
band danskra kvikmyndaklúbba fyrir
börn gefur út, FILM-UV, sem fjallar
um kvikmyndir og sjónvarp, FILMS-
AMLEREN sem tekur fyrir Super-8
kvikmyndir og SUNSET BOULE-
VARD sem fjallar eingöngu um
bandariskar kvikmyndir.
—harðsnúið lið ,
skákmanna í Alfta-
mýrarskóla
Kvik
myndir
Skákstrákarnir í Álftamýrarskól-
anum vörðu titil sinn í norrænni
grunnskólakeppni, sem haldin var í
Noregi 6. og 7. september.
Þetta er í annað sinn í röð, sem
þessi sveit hlýtur titil Norðurlanda-
meistara í grunnskólakeppni í skák.
I
Hérna sitja skákstrákarnir úr Álfta-
mýrarskóla rétt fyrir eina síðustu æf-
inguna fyrir Norðurlandameistara-
mótið: Ólafur H. Ólafsson,
fararstjóri og þjájfari, Lárus Jóhann-
esson, Árni Ármann Árnason,
Gunnar Freyr Rúnarsson, Páll Þór-
hallsson, Matthías Þorvaldsson, Jó-
hann Hjartarson og Ragnar Július-
son, skólastjóri og fararstjóri.
Var hún skipuð sömu piltum og í
fyrra: Jóhanni Hjartarsyni, Árna Ár-
manni Árnasyni, Páli Þórhallssyni,
Lárusi Jóhannessyni, Gunnari Frey
Rúnarssyni og Matthíasi Þorvalds-
syni.
Þeir Jóhann Hjartarson á 1. borði
og Lárus Jóhannesson á 4. borði
unnu allar sínar skákir í mótinu.
í hraðskákmóti, sem haldið var
fyrir aðalkeppnina, vann Jóhann
allar sinar skákir og hlaut íslenzka
sveitin 1., 4. og 5. sæti.
öll Norðurlöndin nema Færeyjar
áttu sveitir á þessu áriega skákmóti
norrænna grunnskólanema.
Fararstjórar í þessari keppnisferð
eru þeir Ólafur H. Ólafsson við-
skiptafræðingur, stjórnarmaður. í
Taflfélagi Reykjavíkur, og Ragnar
Júlíusson, skólastjóri Álftamýrar-
skóla.
Eftir keppnina í Noregi fengu
skákstrákarnir að fara til London í
heimleiðinni til að skoða sig um í
heimsborginni. Er þeirra von heim i
dageðaámorgun.
- BS
Þetta er aðeins hluti af úrvalinu.
Haldgóðar
skólatöskur
Góð skólataska er hverjum nemanda nauðsyn.
Við höfum meira úrval af töskum en nokkru sinni fyrr. Stórar,
smáar, einlitar, marglitar, handtöskur, axlatöskur, baktöskur. Allt
töskur, sem halda út hvert skólaáriö af öðru.
Komdu og veldu þér skólatösku tímanlega, eina sem hald er í.
HALLARMULA 2. HAFNARSTRÆT118. LAUGAVEGI
argus