Dagblaðið - 25.10.1979, Blaðsíða 9
DAGBLAÐIÐ. FIMMTUDAGUR 25. OKTÓBER 1979.
Erlendar
fréttir
London:
Heimtuðu f é
og skartgripi
af prinsinum
Konungssonur frá Saudi Arabíu var
rændur svo um munaði á dögunum.
Þar sem hann bjó í ibúð í Lundúnum
réðust að honum karl og konur, otuðu
að honum byssu og heimtuðu fé og
skartgripi. Þau komust burt með verð-
mæti sem metin eru á nokkur þúsund
pund.
Prinsinn, Isenden Bin Saud sem er 28
ára gamall, er sonur Khaleds konungs
af Saudi Arabiu. Þjófarnir komust inn
í íbúð hans með því að þykjast þurfa að
gera við símann. Lögreglan setti strax
og spurðist um þjófnaðinn mikið lið
manna i að reyna að finna þjófana.
Meðal annars var notuð þyrla við að
leita á svæðinu í kring um heimili prins-
ins. En allt kom fyrir ekki.
Kosið um heimastjórn
Baska og Katalómu
Atkvæði um takmarkaða sjálf-
stjórn tveggja stærstu iðnaðarsvæða
Spánar verða greidd í dag. Þetta er
annars vegar Katalónía og hins vegar
Baskaland eða Baskahéruðin á
Norður-Spáni.
Yfir 100 manns hafa látið lífið á
þessu ári í skærum og átökum hers og
lögreglu og heimastjórnamanna
Baska. Flestir hafa fallið fyrir skæru-
liðasamtökum Baska, sem nefnd eru
ETA.
ETA krefst algerrar sjálfstjórnar
Baskahéraðanna. Hefur ETA skorað
á fólk að fara ekki á kjörstaði tií þess
að kjósa, enda þótt það sé andvígt
takmörkun á heimastjórn. Það sé
vatn á myllu Spánarstjórnar.
Óttazt er, að sveitir ETA kunni að
fremja hermdarverk á borgurum,
sem þátt taka í kosningunum.
Aðskilnaðarmenn í Katalóníu hafa
ekki beitt hermdarverkum í kröfum
sínum fyrir sjálfstjórn. Þó er óttazt
að í dag kunni að koma til átaka milli
hersins og aðskilnaðarmanna. í
Barcelona, höfuðborg Katalóníu,
fundust í gær 50 metra löng jarð-
göng. Höfðu þau verið grafin áleiðis
að byggingarsamstæðu þar sem hátt-
settir menn í hernum búa ásamt fjöl-
skyldum sínum. Telur lögreglan ekki
vafa á því, að þessi jarðgöng haft átt
að nota til þess að sprengja hús á
svæðinu í loft upp.
Bæði Katalónía og Baskahéruðin
nutu nokkurrar sjálfstjórnar fyrir
borgarastyrjöldina á Spáni 1936—39.
Franco hershöfðingi var andvigur
henni og afnam hana. í dag eru það
rúmlega fjórar milljónir manna, sem
rétt eiga til að taka afstöðu með at-
kvæði sínu.
Sumir meðal Baska eru ekki ánægðir
með að héruð þeirra fái heimastjórn
heldur krefjast algjörs sjálfstæðis.
Myndin er af fundi fólks, sem óskar
eftir hinu síðarnefnda.
-'USf
Viö veljum framboðslista fyrir
FLOKK ALLRA STÉTTA
- SJÁLFSTÆÐISFLOKKINN -
í prófkjöri Sjálfstæöisflokksins reynir á, hvort
hann er ennþá
FLOKKUR ALLRA STÉTTA
Sigrum í Alþingiskosningum meö sterkum
framboðslista allra stétta
STÉTT MEÐSTÉTT
Stuðningsmenn
Guðmundar H. Garðarssonar
Frakkland:
Heldur langt
gengið í
vímuvörnum
Föður einum í bænum Cologne i
Frakklandi fannst dóttir sín vera full
ung til að byrja að reykja. Þvi var það
er hann rakst á hina 14 ára gömlu mey
púandi að hann ákvað að refsa henni
svo um munaði. Hann neyddi hana til
þess að sitja inni heilan dag og reykja á
annað hundrað vindlinga.
Eftir þessa meðferð þurfti stúlkan að
komast undir læknishendur og var lögð
á sjúkrahús til meðferðar við nikótín-
eitrun. Faðirinn var aftur á móti
dæmdur í 9 mánaða fangelsi fyrir að
valda skaða á heilsu dóttur sinnar.
Drykkja brezkra
kvennaeykst
gffurlega
Drykkjuvandamál kvenna fer
sífellt í vöxt, að því er segir í
brezku blaði nýlega. Þar i landi er
svo komið að þriðjungur félaga í
AA, samtökum alkóhólista, er
konur. Haft er eftir einum
forustumanna þeirra samtaka að
áfengissýki meðal kvenna aukist
stöðugt.
Samkvæmt athugun kemur í
ljós, að þriðjungur kvennanna í
AA samtökunum eru annaðhvort
við skrifstofu eða sölustörf. Auk
þess er ein af hverjum tíu konum í
félaginu í ýmiss konar þjónustu-
greinum.
Rúmlega fjórar af hverjum tíu
konum og fjórðungur karla, sem
eru undir þrítugu í AA samtökun-
um í Bretlandi á við ofneyzlu á
pillum að stríða auk áfengisins.
VIÐ VELIUM
FRAMBO
FYRIR FLOKK
ALLRASTÉTTA