Dagblaðið - 11.12.1979, Qupperneq 13

DAGBLAÐIÐ. ÞRIÐJUDAGUR 11. DESEMBER 1979.
13
Iþróttir
Iþróttir
Iþróttir
Iþróttir
I
;ð i undirbúningnum fyrir OL í Lake Placid.
landsliðið. Vakti þetta talsverða undrun en
engin skýring hefur verið gefin af hálfu
SKÍ.
Þá er mikil óánægja með að engar
landsliðsæfingar skuli hafa verið haldnar i
sumar. Eins og er er ótrúlegt annað en þeir
Sigurður Jónsson og Björn Olgeirsson
verði fulltrúar íslands á ólympíuleikunum.
Báðir eru mjög hæfir skíðamenn. Hins
vegar er það klúðurslegt hjá SKÍ að hafa
ekki skipulagðar æfingar fyrir landsliðið í
sumar.
íslandi var boðið að senda 8 keppendur
á vetrarólympíuleikana í Lake Placid í
Bandaríkjunum, en ákvörðun hefur verið
tekin um að senda 6. Finnst mönnum það
undarlegt hjá SKÍ að nýta ekki þetta boð
og senda fullskipað iið. Tveir göngumenn
munu fara utan á ólympíuleikana, tvær
konur og tveir karlar til keppni í alpa-
greinunum. Eins og dæmið stendur nú eru
þeir Sigurður og Björn næsta öruggir með
sæti sín og svo Steinunn Sæmundsdóttir
með annað kvennasætið. Hins vegar hefur
SKÍ ekki treyst sér til að tilnefna aðra
stúlku, hvernig svo sem á stendur. Flestir
telja að Nanna Leifsdóttir standi næst
auða sætinu en eitthvað virðist þessi á-
kvörðun vefjast fyrir SKÍ. Um sæti
göngumannanna er lítið vitað enn sem
komið er en telja verður líklegt að annar ef
ekki báðir verði fráÓlafsfirði.
„Mér finnst eins og skíðasambandið
hafi verið að draga okkar á asnaeyrunum
allan timann,” sagði Haukur í gærkvöld.
„Maður hefur það á tilfinningunni að
landsliðið hafi fyrir löngu verið valið og
þessi skrípaleikur sé aðeins hafður í
frammi vegna almenningsálitsins. Ég vil
taka það fram að ég tel þá Sigurð og Björn
báða mjög hæfa skíðamenn, en mér finnst
SKÍ engan veginn standa 'nógu hreint að
vali landsliðsins ” -SSv.
„Les allt upp til agna um
enska boltann í blöðum”
—segir Ingólfur Magnússon, sem vann 2,5 milljónir í Getraunum um helgina
„Maður er náttúrlega ekki búinn að
fi þessa peninga i hendumar ennþá en
það er þægileg tilfinning að vita af
þeim,” sagði Ingólfur Már Magnússon,
28 ára gamall Reykvikingur, er DB
spjallaði við hann i gærkvöld. Ingólfur
var svo heppinn að vinna rúmlega 2,5
milljónir i Getraunum um helgina og er
það hæsti vinningur, sem einn maður
hefur fengið hérlendis.
Ingólfur var sá eini, sem hafði 12
rétta á seðli sínum en þar sem hann var
kerfisseðill var hann með 11 rétta á 6
röðum að auki. Vinningsupphæðin
fyrir 12 rétta var 2.425,100 krónur en
fyrir 11 rétta fengust kr. 22.100. Alls
fær Ingólfur því 2.558.100 krónur sem
jólaglaðning. Ekki amalegt það! Auk
Ingólfs kom fram 41 röð með 11
réttum.
Forest kaupir
StanBowles
borgar fyrir hann 250.000 pund
Nottingham Forest komst í gær-
kvöldi að samkomulagi við Tommy
Docherty, framkvæmdastjóra, um
kaupverð á Stan Bowles. Forest er
reiðubúið að borga fyrir kappann
250.000 sterlingspund og átti undirrit-
un samnings að fara fram í dag. Aðeins
átti eftir að ganga frá nokkrum smá-
atriðum og svo þarf Bowles að gangast
undir læknisskoðun. Það ætti varla að
verða til trafala og að öllum likindum
mun Bowles leika með Forest á laugar-
dag gegn Middlesborough á City
Ground.
Kaupin á Bowles koma mjög á óvart
þar sem hann er 31 árs gamall og af
flestum talinn kominn yfir hátind ferils
síns. Bowles hefur heldur róazt í seinni
tíð en hér á árum áður sló hann jafnvel
George Best við í hneykslismálum.
Bowles hóf feril sinn hjá Manchester
City en entist ekki lengi þar. Leið hans
lá til Bury og þaðan til Crewe. Áfram
hélt hann ferðinni og lék með Carlisle.
Það var þar sem hann vakti fyrst veru-
lega athygli og QPR keypti hann. Hann
hefur leikið um 240 leiki með QPR og
skoraði fjöldann allan af mörkum.
Bowles hefur leikið 5 landsleiki fyrir
England. Mörgum þykja það vafalítið
undarleg skipti að selja Tony Wood-
cock og kaupa Bowles en Brian
Clough, framkvæmdastjóri Forest,
hefur löngum þótt sérstakur og fer sínu
fram.
Manchester United hefur fengið til
liðs við sig frægasta varnarmann Júgó-
slava og liðið er einnig á höttunum eftir
framlínumanni. Hefur United komið
víða við i leit sinni og það nýjasta er að
Brasilíumaðurinn Carlos Roberto
D’Oliveira er efstur á óskalistanum.
United mun reiðubúið að borga
650.000 pund fyrir kappann, sem leikur
með Vasco da Gama í Ríó De Janeiro.
Margir muna enn eftir Trevor Aylott
— ungum strák sem skoraði sigurmark
Chelsea í tveimur leikjum í röð haustið
1977. Það fyrra var gegn Bristol City í
1 —0 sigri og í næsta leik skoraði hann
einnig eina markið í 1—0 sigri yfir
Forest sem varð enskur meistari það
keppnistímabil. Lítið hefur heyrzt af
kappanum síðan en um daginn rákumst
við á í ensku dagblaði að hann er
kominn til Barnsley — undir stjórn
Allan Clarke — og er búinn að gifta sig
íþokkabót!
Marius Tresor, miðvörðurinn sterki,
mun ekki fara til Bayern Munchen eins
og ráð var fyrir gert fyrir skemmstu.
Bayern leitar nú með logandi ljósi að
miðverði og telur sig hafa fundið einn
góðan — Einar Aas — frá norska
liðinu Moss. Aas þessi er landsliðs-
maður og kvaðst ekki myndi hika við
að taka tilboði frá Bayem ef það
bærist. Skitt með ólympíuleikana sagði
Aas en hann og félagar hans í norska
landsliðinu komust í 16-liða úrslit á OL
í Moskvu á næsta ári.
Þetta er ekki í fyrsta skipti sem
Ingólfur vinnur í Getraunum. ,,Ég hef
verið með í getraununum í nokkur ár
og þetta er í fjórða skiptið, sem ég fæ
vinning. Ég hef þó aldrei áður hlotið 1.
vinning og upphæðirnar hafa ekki ver-
ið neitt í samanburði við þetta. ”
Ingólfur er mikill áhugamaður um
ensku knattspyrnuna og á sín
uppáhaldslið eins og flestir þeir, sem
eitthvað fylgjast með knattspyrnunni í
Englandi. „Liverpool og Arsenal eru
mín uppáhaldslið og ég les allt upp til
agna, sem skrifað er um ensku knatt-
spyrnuna í dagblöðunum."
Mikil aukning hefur orðið í haust á
sölu getraunaseðla og hefur salan
aukizt jafnt og þétt frá því í haust.
Vinningsupphæðin var nú um 3,4
milljónir og það er ekki svo litil búbót
að krækja í slíka summu því allir get-
raunavinningar eru skattfrjálsir. Verð á
hverri röð er aðeins kr. 50 og ættu
menn þvi að freista gæfunnar fyrir
jólin. Auk þess að eiga möguleika á
stórum vinningi styrkja menn um leið
íþróttahreyfinguna.
-SS\.
Þessa mynd af Ingólfi Má Magnússyni, konu hans og syni tók Sveinn Þormóðsson á
heimili þeirra hjóna i gærkvöldi. Ingólfur var svo heppinn að vinna rúmlega 2,5
milljónir f Getraunum um helgina. Upphæðin kemur sér vel, þvi þau hjón voru nýlega
búin að festa kaup á annarri fbúð, þar sem sú sem þau búa i nú var orðin of Iftil.
AUSTURVERI
HÁALEITISBRAUT 68
SÍMI 84445

40 ára
reynsla
GREIÐSLUKJÚR
PÓSTSENDUM
SJÓN
ER SÖGU
RÍKARI
Kafflkönnur
grillofnar
Borðlampar
margar gsrðir