Dagblaðið - 17.01.1980, Blaðsíða 12

12
DAGBLAÐIÐ. FIMMTUDAGUR 17. JANÚAR 1980.
Oddur á bezta tímann á
öllum vegalengdunum!
Oddur Sigurdsson, hinn stórefnilegi
spretthlaupari, er óumdeilanlega fljót-
asti maður ársins 1979. Oddur, sem hóf
æfingar að einhverju ráði fyrir um ári
síðan, hefur á ótrúlega skömmum tíma
náð að skipa sér í fremstu röð. I kosn-
ingu íþróttamanns ársins fyrr i þessum
mánuði hlaut Oddur 2. sætið á eftir
Hrcini Halldórssyni og getur hann vel
við unað. Það er ekki á hverjum degi
að maður á sínu fyrsta ári í iþróttum ■
kemst á lista yfir 10 beztu íþróttamenn
landsins og það í 2. sætið!
Nýlega kom út afrekaskrá FRÍ fyrir
árið 1979 og þar blasa afrek Odds við
strax á fyrstu síðu. Hann á bezta tima
ársins í 100 metra hlaupi, 10,6 sek.
Reyndar tókst honunt eitt sinn að
hlaupa á 10,5 sek. en þá var meðvindur
of mikill. í 200 m hlaupi á hann bezt
21,2 sek. en 21,0 i örlítið of miklum
meðvindi. Oddur er enn i efsta sætinu
yfir 300 m hlaup — grein, sem ekki
er mikið stunduð. Hann á þar bezt 35,8
sek. Tími Odds í 400 metra hlaupinu er
einna athyglisverðastur því þar hleypur
hann á 47,4 sek. og verður það að telj-
ast undravert hjá ekki keppnisreyndari
manni.
Oddur er manna hæglátastur þrátt
fyrir þennan glæsta árangur og stundar
nám í 6. bekk í Menntaskólanum í
Reykjavik og lætur lítið fyrir sér fara.
Hann æfir af kappi nú yfir vetrarmán-
uðina og víst er að unnendur frjálsra
íþrótta bíða spenntir eftir hans fyrsta
hlaupi i vor.
-SSv.
Oddur Sigurðsson er vafalausl hlaupa-
kóngur íslands um þessar mundir.
3. tbl. 42.árg. 17. jan 1980
Siglingar aukast
ört hérlendis
Sjötta ársþing Siglingasambands íslands SÍL, vai
haldið að Hótel Loftleiðum 27. október s.l. Forset
SÍL, Brynjar Valdimarsson, setti þingið og minntist
upphafi látins áhugamanns um siglingar Rúnars Mái
Jóhannssonar.
Á þingi SÍL eru tekin fyrir helztu mál sem snerta
siglinga- og róðrariþróttir, eru þar öryggismál of.
aðstaða til iðkunar íþróttarinnar efst á baugi.
Aðstaða hefur farið mjög batnandi undanfarin ár,
og má þar nefna Fossvog og Arnarvog, en þó ber
hæst áætlanir Akureyrarbæjar um byggingu
siglingahafnar, sem þegar hefur verið byrjað á.
Siglingaiþróttin er greinilega í vexti og má þar
benda á aukningu seglbáta á þessu ári en þar bættust
30 nýir í hópinn. Erlend samskipti eru þáttur í starfi
SÍL, og er fulltrúi þess sat þing norrænna siglinga-
sambandsins í Helsinki kom fram að til boða
stendur að senda einn siglingamann með keppnisliði
Svía og Finna á ólympíuleikana á næsta ári, og
einnig dvöl í æfingabúðum til undirbúnings
leikanna. Fulltrúi ÍSÍ Þórður Þorkelsson sat þingið
og flutti kveðjur þess. Stjórn SÍL fyrir næsta ár
skipa eftirtaldir aðilar: Forseti: Brynjar Valdimars-
son, Ými, Kópavogi. Meðstjórnendur: Sleinar
Gunnarsson, Brokey, Reykjavík, Ingi Ásmundsson,
Ými, Kópavogi, Bjarni Hannesson, Vogi, Garðabæ,
Gunnlaugur Jónasson, Ými, Kópavogi.
Ársþing KSÍ
um helgina
34. ársþing Knattspyrnusambands íslands verðui
haldið um næstu helgi, 19. og 20. janúar, að Hótel
Loftleiðum í Reykjavík. Þingið verður sett laugar-
daginn 19. janúar kl. 13.30 í Kristalssal. — KSl.
Atrennulaus stökk
í sjónvarpi
Meistaramót íslands í atrennulausum stökkum fer
fram í sjónvarpssal laugardaginn 2. febrúar nk. og
hefsl kl. 15.00.
Keppnisgreinar verðalj
Karlar: langstökk, hástökk og þrístökk
Konur: langstökk.
Þátttökutilkynningar ásamt þátttökugjaldi, kr.
300 fyrir hverja grein, skulu hafa borizt til FRI,
pósthólf 1099, i síðasta lagi þriðjudaginn 29. janúar.
Aðalfundur
Áður auglýstur aðalfundur Handknattleiksdeildar
Víkings verður í kvöld, fimmtudag, og hefst kl.
20.30 í félagsheimilinu við Hæðargarð. Venjuleg
aðalfundarstörf.
Tapa Stúdentar
enn eina ferðina?
Búast má við hörkuleik í kvöld kl. 20 i íþróttahúsi
Kennaraháskólans er þar leiða saman hesta sína
Stúdentar með álta töp i röð á bakinu og Fram með
nýja leikmanninn Darrell Shouse. Þessi lið eru lang-
neðst í úrvalsdeildinni og þurfa bæði nauðsynlega
sigur. Fram til þess að losa sig við Stúdentana og
þeir til að ná Frömurunum að stigum. Liðin hafa
leikið einu sinni saman f vetur og þá sigraði Fram
104—92. í þeim leik skoraði John Johnson 70 stig en
hann er nú hættur hjá Fram og hefur gerzt liðsstjóri
hjá Val jafnframt þvi sem hann leikur með Skaga-
mönnum í 2. deildinni.
Stúdentar komu mjög á óvart og sigruðu í hrað-
mótinu sem haldið var á milli jóla og nýárs og að
sögn Gísla Gíslasonar hefur verið vel æft að undan-
förnu og hugur í mönnum. Framarar hafa verið afar
daufir allt frá þvi Johnson hætti en vonandi er að
þeir rífi sig upp og sýni góðan leik i kvöld. Á undan
leik liðanna mætast ÍR og Haukar í minniboltanum
og hefst sá leikur kl. 19.30. Hann gæti orðið
skemmtilegur þvi Haukar ku vera ósigraðir í vetur.
1. deildarfélag í
Færeyjum
óskar eftir að fá 2 liðtæka
knattspyrnumenn til liðs við sig
á komandi keppnistímabili.
Upplýsingar í síma 26562 milli
kl. 18 og 20.