Dagblaðið - 24.01.1980, Side 4

DAGBLAÐIÐ. FIMMTUDAGUR 24. JANÚAR 1980.
DB á ne ytendamarkaði
Neytendasamtökin færa út kvíamar:
SJO DBLDIR STOFNAÐ-
AR Á ÞESSU STARFSÁRI
,,Á þessu starfsári Neytendasam-
takanna hafa verið stofnaðar sjö
deildir úti á landi. Það er á Húsavik,
Egilsstöðum, Norðfirði, Reyðarfirði,
Eskifirði, Fáskrúðsfirði og Höfn í
Hornafirði. Deildirnar hafa nú þegar
hafið störf, en vart að búast við
miklum árangri enn sent komið er,”
sagði formaður Neytendasamtak-
anna, Reynir Ármannsson i spjalli
við DB.
Nú liggur fyrir stofnun deilda á
Selfossi.Blönduósi og á Sauðárkróki.
„Reynslan af þeim deildum sem
starfandi eru hefur verið mjög góð og
sýnt og sannað að neytendasamtök
geta verið öflugt baráttutæki fyrir
hagsmunum neytenda. Á þetta ekki
sízt við um dreifbýlið.
Verðugt verkefni deildanna um allt
land er sameiginleg verðkönnun sem
ætti sér stað samtimis. Slík úttekt
hefur ekki verið gerð áður. Annars
hafa deildir samtakanna gengizt fyrir
verðkönnunum, eins og t.d. í Borgar-
nesi og á Akureyri. Verðkönnun
þessi er í fullum undirbúningi og
verður væntanlega framkvæmd i
byrjun febrúar.
,,Þá er einnig æskileg könnun
deilda á þeim reglum sem gilda um
siðasta söludag matvæla og á þvi
hvernig og hvort þeim reglum sé
framfylgt,” sagði Reynir.
— Hefur aldrei komið til tals að
stofna neytendadómstól, þar sem
hægt er að fá skorið úr þrætumálum
framleiðenda og seljenda annars
vegar og neytenda hins vegar?
,,Það hefur einmitt verið rætt um
að áherzla verði lögð á að koma
slíkum neytendadómstól á laggirnar.
Hyggjumst við gera það í samráði við
viðskiptaráðuneytið og jafnvel aðra
aðila, sem annast neytendaþjónustu.
Verða þannig þrír aðilar sem fjalla
um deilumál, þ.e. opinber aðili, aðili
frá seljendum og frá Neytendasam-
Sameiginleg
verökönnun
um allt land
í undirbúningi
tökunum. Á þá að fást skorið úr
deilumálum strax, í stað þess að um
málið verði fjallað hjá opinberum
dómstólum, en slíkur málarekstur
tekur oft langan tíma og fælir þannig
fólk frá þvi að leita réttarsíns.
Þrátt fyrir bætta löggjöf um neyt-
endamál hér á landi erum við enn
langt frá þvi að hafa sambærilegar
reglur og gilda á Norðurlöndunum,”
sagði Reynir Ármannsson.
-A.Bj.
Lagmeti:
NIÐURSOÐIÐ EDA
NIÐURLAGT
Undanfarna mánuði hefur margt
og mikið verið rætt og ritað um
islenzkt lagmeti. Rætt er um það sem
er niðurlagt og það sem er niður-
soðið. Reginmunur er á þessu
tvennu. Niðurlagt lagmeti verður að
geyma í kæli en niðursoðið lagmeti
er hægt að geyma í venjulegri
ókældri geymslu. Ekki er getið um
það á umbúðum vörunnar hvort um
er að ræða niðursoðið eða niðurlagt
lagmeti i öllum tilfellum, þótt svo
sannarlega sjáist slík merking á
einstaka vörutegundum.
Til þess að fólk átti sig á hvernig á
að geyma lagmetið fer her á eftir listi
yfir niðurlagt lagmeti annars vegar
(sem geyma á i kæli) og niðursoðið
lagmeti sem geymast má ókælt.
Niðurlagt
lagmeti:
Gaffalbitar
Grásleppuhrognakavíar
Marineruð síld
Reykl síldarflök
Síldarflök I vínsósu
Sjólav
Sjólaxschnitrel
Niðursoðið
lagmeti:
Fiskbollur
Fiskbúðingur
Hörpudiskur
Kippers
Loðna
Murta
Rækja
Sardinur
Smjörsild (Sildarflök i tómal eða
oliu)
Þorskhrogn
Þorsklifur
Þorsklifrarpasta
Eskifjöröur:
VIUA FA MJOLKINA
FYRR Á FÖSTUDÖGUM
Eskifjarðardeild Neytendasamtak-
anna hélt fund á sunnudaginn, fjör-
legan og lýðræðislegan, undir stjórn
Gunnlaugs Ragnarssonar formanns.
Um 50 manns eru í félaginu sem
stofnað var fyrir 8 mánuðum.
Margar ungar konur mættu á
fundinum og mátti dást nð hve mál-
hreifar þær voru og skildu vel hlut-
verk Neytendasamtakanna.
Kom greinilega fram á fundinum
að Neytendasamtökin eiga fullan rétt
á sér og hafa komið mörgu góðu til
leiðar þann tima sem þau hafa
starfað hér.
Nokkrar konur voru kosnar til þess
að fara á fund Þorsteins Sæmunds-
sonar pöntunarfélagsst jóra til að
reyna að fá hina góðu mjólk frá
Egilsstöðum fyrr á föstudögum en
verið hefur. Mjólkin kemur kl. 3—4
á föstudögum. Verða þá þrengsli
mikil í búðinni, þegar allar eskfirzkar
konur vérzla eftir áðurgreindan tíma.
En allir vilja fá nýja mjólk fyrir
helgina.
-Regína F.skifirði.
Bakaöir partar
I haust birtum við uppskrift af
bökuðunt pörtum, sem okkur var
send frá húsmóður austur i Hvera-
gerði. Nú hefur verið komið að mál/
við okkur og beðið um að partaupp-
skriftin yrði endurbirt. Hér er upp-
skriftin:
4 hollar hveiti
2 hollar heilhveiti
2 hollar rúgmjöl
2 bollar hafragrjón
200 g smjörl.
1 1/2 holli sykur
10 tesk. lyftiduft
2 egg, mjólk eftir þörfum.
Þurrefnin látin saman í skál,
smjörl. mulið út í og vætt í með eggj-
unum og mjólkinni. Flatt út, skornir
út partar, sem bakaðir eru ljósbrúnir,
ekki baka þá of mikið.
Partarnir eru góðir með srrijöri,
sultu, marmelaði og mysingi. Úr
þessu deigi má einnig baka vinar-
brauð með sultu, tertur o.fl. Upp-
skriftin er dálítið stór en höfundur
hennar segist jafnan baka helmingi
stærri uppskrift i einu og geymir
siðan í frysti. Partarnir eru þá
einungis hitaðir upp í ofni, en þeir
eru einmitt langbeztir heitir eða
volgir.
-A.Bj.
Það var ekki vond lykt upp úr rækjudósinni, en innan um rxkjurnar var „eitthvað
svart” sem litaði soðið.
DB-mynd Bjarnleifur.
„KÖTTURINN í
SEKKNUM”
Bæði synd og skömm aö geta ekki
treyst lagmetisframleiöendum lengur
Þvi miður hefur komið á daginn að
lagmetisframleiðslan hefur ekki
reynzt i þvi gþða lagi sem hún ætti að
vera. Síðasta hneykslið eru rækj-
urnar frá K. Jónssyni, sem endur-
sendar voru frá Þýzkalandi vegna
galla.
En það er ekki bara i Þýzkalandi
sem á boðstólum eru gallaðar, niður-
soðnar rækjur. Blm. keypti eina dós
af rækjum sl. þriðjudag og þegar
dósin var opnuð kom i ljós að i
dósinni var „eitthvað svart” og mjög
ógeðslegt, sem gerði það að verkum
að soðið á rækjunum var gruggugt.
Treysti blm. sér ekki .til þess að
bragða á herlegheitunum. Hins vegar
var ekki vond lykt úr dósinni. Henni
var skilað aftur í verzlunina og fékkst
dósin endurgreidd umyrðalaust.
Það verður áreiðanlega langt
þangað til blm. festir aftur kaup á
niðursoðinni rækju. Með því virðist
maður geta lent i þvi að kaupa
„köttinn 1 sekknum”.
-A.Bj.
é