Dagblaðið - 19.03.1981, Blaðsíða 6

DAGBLAÐIÐ. FIMMTUDAGUR 19. MARZ 1981.
6
I
Erlent
Erlent
Erlent
Erlent
I
Harðorðar ásakanir ganga á milli stórveldanna tveggja:
SLOKUNARSTEFNAN ER
HÓ DÆMD TtL DAUÐA
— stjórn Ronalds Reagan er sögð telja samningaviðræður við Sovétríkin þýðingarlausar með öllu
Háttsettur bandarískur embættis-
maður sagði í gær að ríkisstjórn Ron-
alds . Reagans sé þeirrar skoðunar að
slökunarstefnan sé dauð og samn-
ingaviðræður við Moskvu á breiðum
grundvelli séu þýðingarlausar nú.
Hvíta húsið lét hins vegar frá sér fara
yfirlýsingu um að þetta væri ekki
stefna stjórnarinnar.
Stjórnarembættismaðufinn lét
hafa þetta eftir sér aðspurður um
stefnu Bandaríkjastjórnar gagnvart
Sovétríkjunum t ýtarlegu samtali við
Reuter-fréttastofuna.
Hann óskaði eftir nafnleynd en
tvær bandarískar sjónvarpsstöðvar
héldu þvi fram að hann væri Richard
Pipes, sérfræðingur í málefnum
Sovétríkjanna, sem á sæti í öryggis-
málanefnd Hvíta hússins.
Embættismaðurinn sagði að stjórn
Bandarikjanna hygðist mæta
„heimsvaldastefnu” Sovétríkjanna á
miðri leið þrátt fyrir mikinn þrýsting
frá bandamönnum eins og V-Þjóð-
verjum um að meiri sáttfýsi kæmi
fram í stefnu þeirra. Hann sagði
einnig, að slökunarstefnan væri
dauð, hún hefði gengið sér til húðar,
bæði sá hugmyndafræðilegi grunnur
sem hún byggði á svo og framkvæmd
hennar hvað snerti vígbúnaðareftir-
lit, viðskipti og önnur atriði.
Embættismaðurinn spáði því að
vegna efnahagserfiðleika Sovétríkj-
anna mundu leiðtogar þjóðarinnar
verða að velja á milli friðsamlegra
endurbóta á hinu kommúniska
kerfi eftir vestrænum fyrirmyndum
eða „fara út í stríð”.
Talsmaður Hvita hússins, James
Brady, sagði að embættismaðurinn
hefði ekkert vald til að tala í nafni
stjórnarinnar og þær skoðanir sem
hann hefði sett fram væru ekki stefna
stjórnarinnar.
Embættismenn í utanríkisráðu-
neyti Bandaríkjanna létu i ljósi
áhyggjur um að yfirlýsing embættis-
mannsins yrði til þess að styrkja
verstu grunsemdir þeirra um stjórn
Reagans.
Sovézka fréttastofan Tass birti í
gær yfirlýsingu sovézku stjórnar-
innar þar sem gagnrýnd voru harð-
lega þau ummæli Ronalds Reagans
að hann væri reiðubúinn til að sjá
uppreisnarmönnum i Afganistan
fyrir vopnum og Kabúl útvarpið
hafði það eftir Babrak Karmal, for-
seta Afganistan, að ógnanir Banda-
ríkjanna við þjóð hans gerðu lausn
afganska vandamálsins mun erfiðari.
Verkfóllin veikja
stöðu Einingar
—segir Lech Walesa
Pólska stjórnin stendur nú frammi
fyrir verkfallshótunum i timbur-
iðnaðinum og nýrri baráttu bænda
fyrir því að fá að stofna sjálfstæð
verkalýðsféiög á sama tírna og efna-
hagsástandið í landinu fer sifellt
versnandi.
Verkamenn i timburiðnaðinum í
borginni Wrociaw hafa hótað
klukkustundar verkfalli næstkom-
andi mánudag og allsherjarverkfalli á
miðvikudag og segja að stjórnvöld
hafi ekki staðið við samkomulag scm
gert hafi verið i desembermánuði
siðastliðnum.
Fulltrúar timburverkamanna
munu í dag eiga fund með landsráði
Einingar í Gdansk. Fyrr í vikunni
sagði Lech Walesa, leiðtogi Einingar,
að sifelldar staðbundnar vcrkfalls-
hótanir veiktu stöðu sambands sjálf-
stæðu verkalýðsfélaganna.
f borginni Bydgoszcz eru um 200
fulltrúar bænda víðs vegar að úr
landinu i setuverkfalli til að leggja
áherzlu á kröfuna um sjálfstæð
verkalýðsfélög bænda.
FILMUR QG VÉLAR S.F.
<
SKÓLAVÖRÐUSTÍG 41 - SÍMI20235.
Aðalfundur
Aðalfundur Verzlunarmannafélags Reykja-
víkur verður haldinn að Hótel Esju fimmtu-
daginn 26. marz kl. 20.30.
Dagskrá samkvæmt félagslögum.
Verzlunarmannafélag Reykjavikur.
Kreditkorthafar
velkomnir
§Cí^CS)Tr[^D®©Tr^{l)0[R£l
Laugalæk 2, Reykjavík,
Sími 86511
Fjölritari-Stenslagerðaryél
Viljum selja MULTILITH 1250 fjölritunarvél
og RICHO stensilgerðarvél sem einnig er hægt
að taka ljósrit á. Tækin eru í góðu ásig-
komulagi.
Fjölritunarstofan Stensill h/f
Óðinsgötu 4, sími 24250.
Afganskir uppreisnarmenn: Reagan Bandaríkjaforseti segist nú reiðubúinn að láta þeim vopn í hendur. Sovétmenn hafa
tekið þeirri yfirlýsingu hans illa og sakað hann um heimsvaldastefnu og að ætla sér'að heyja stríð gegn afgönsku þjóð-
inni.
Misjafn sauður reyndist íhópi gíslanna:
Þrír eiturlyfjasalar
voru meðal farþeganna
— þeir voru efstir á lista þeirra sem f lugvélarræningjamir
ætluðu að skjóta—nú bíður eiturlyf jalögreglan þeirra
Eiturlyfjasali og tveir aðrir eitur-
lyfjadreifingarmenn uppgötvuðust er
flugvélarræningjarnir gáfust upp og
sleppti 103 gíslum sínum í Damaskus
fyrir skömmu.
Þeir voru efstir á lista flugvélar-
ræningjanna yfir næstu fórnarlömb,
þá átti að skjóta næst ef pakistönsk
yfirvöld hefðu neitað að sleppa 54 póli-
tískum föngum er þeir vildu fá í stað
gíslanna.
Hvað bíður þeirra nú?
Craig Claymore, sem veitti viðtöl,
kampakátur eftir að hann var laus úr
prísundinni verður handtekinn. Banda-
ríska eiturlyfjalögreglan bíður hans.
Claymore hefur í meir en ár verið
leiðtogi heróínkliku sem hefur
smyglað og selt heróín í Bandaríkjun-
um fyrir 12 millj. dollara.
Hinn 27 ára gamli Svíi, Jan Eiriks-
son, lenti einnig í vandræðum er hann
uppgötvaðist sem einn gíslanna í flug-
vélinni. Talið var að hann væri í fríi á
Ítalíu. Það hafði hann sagt fjölskyldu
sinni.
Vissulega hafði hann dvalið á Ítalíu,
en ekki í fríi heldur var hann að afplána
þar 10 mánaða fangelsisdóm fyrir
eiturlyfjasmygl.
Vinur hans sem ferðast um á banda-
risku vegabréfi mun einnig lenda í
erfiðleikum með að komast frá Sýr-
landi. Vegabréfið sem hann ferðast um
á er stolið og hann mun ekki komast
leiðar sinnar fyrr en sannreynt er hver
hann er. Talið er að hann sé Kanada-
maður.
Flugræningjarnir þrír hafa fengið
stutt dvalarleyfi í landinu, beiðni þeirra
um pólitiskt hæli verður ekki veitt.
Hinum 54pólitiskuföngumhefur'þó
verið boðið hæli en einnig frelsi til að
ferðast aftur til Pakistan.
Meirihluti hinna 103 gísla sneri aftur
til Pakistan, smá úturdúr var þó gerður
á ferðaáætluninni, farið var til Mekka
Bandaríkjamaðurinn Craig Claymore
var kampakátur eins og aðrir gíslanna
eftir að hafa verið látinn laus. Frelsi
hans verður þó líklega næsta skamm-
vinnt.
og Medína á heimleiðinni, til að þakka
Allah þessi endalok.