Dagblaðið - 07.05.1981, Side 6

6
DAGBLAÐIÐ. FIMMTUDAGUR 7. MAÍ1981.
Umfangsmesta morðmál á Bretlandi á þessari öld:
„Fékk guðlega köllun til
að myröa vændiskonur”
— segir Peter Sutcliffe sem hef ur játað á sig morð á þrettán brezkum konum
síðastliðin fimmár
„Ég fékk guðlega köllun um að
fara út í heiminn og myrða vændis-
konur og annan óþjóðalýð.” Þetta
mun vera meginástæðan fyrir morð-
unum þrettán sem vörubílstjórinn
hefur játað á sig í Bretlandi á síðast-
liðnum fimm árum. Þessa skoðun
mun hann hafa látið i Ijós við geö-
lækna er haft hafa hann til með-
ferðar.
í yfirlýsingu sem saksóknarinn, sir
Michael Baley, las fyrir Old Baileyn
réttinum í London í gær segir Sut-
cliffe: „Ég hefði haldiö áfram aö
myrða. Ég gat ekki hætt því. Það var
mér nokkurs konar lyf.”
Rétturinn á nú að úrskurða, hvort
Sutcliffe sé sakhæfur. Niðurstaða
geðlækna hefur verið lögð fyrir kvið-
dómendur. Að mati geðlæknanna
þjáist Sutcliffe af geðklofa ásamt of-
sóknarbrjálæði.
Sutcliffe skýrði geðlæknunum frá
því aö hann hefði fyrst heyrt rödd
guðs er hann starfaði sem líkgrafari í
kaþólskum kirkjugarði.
Er hann var að taka gröf I garðin-
um heyrði hann skyndilega rödd er
ávarpaði hann. Hann segir röddina
hafa komið frá stórum steinkrossi.
Þetta var árið 1967.
Hann taldi sig einnig finna leyni-
legan boöskap frá guði í pólskum leg-
steini í garðinum. Hann heyrði
stöðugt raddir sem hann kvaðst hafa
verið viss um að væru guðlegar. Ætið
var boðskapurinn sá sami. Hann átti
að fara og myrða vændiskonur og
annað slíkt hyski.
„Núna er ég i meiri váfa,” sagði
Sutcliffe. „Það hefur kannski verið
djöfullinn sem talaði til mín.”
Skýrsla geðlæknanna hefur verið
lögð fram við réttarhöldin. Brezk
blöð fá þó ekki að birta neitt úr henni
og eiga þeir sem ábyrgð bæru á slíku
á hættu að vera dæmdir í allt að
tveggja ára fangelsi.
Sutcliffe segist I öllum tilfellum
hafa talið að hann væri að myrða
vændiskonur. Eftir morðið á síðasta
fórnarlambinu, háskólanemanum
Jacqueline Hill frá Leeds, segist Sut-
cliffe hafa komizt að því að hann
gæti drepið hvaða konu sem var.
Hann hafi þá gert sér grein fyrir því,
að hann fengi engan veginn ráðið viö
þessa þörf sína á að myrða konur.
Við réttarhöldin hafa verið lögð
fram morðtól þau sem SutcUffe hefur
notað, þar á meðal hnífar, hamrar og
kjötsög. öll voru fórnarlömb hans
hryllilega útleikin er þau fundust
enda hafa Yorkshire-morðin vakið
gífurlega skelfmgu meöal brezku
þjóðarinnar á undanförnum árum.
Sutcliffe segir að það hafi komið
sér á óvart aö hann hafi getað rætt
yfirvegað um Yorkshire-morðingj-
ann við fólk án þess að nokkuð sæist
á hegöun hans, að hann væri sjálfur
þessi hataði morðingi.
„Hengið hann,” hrópaði æstur mannfjoldi er safnazt hafði saman fyrir framan
ráðhúsið í Dewsbury þar sem gæzluvarðhaldsúrskurður var kveðinn upp yfir Sut-
cliffe.
Háskólaneminn Jacqueline Hill. Hún
var siðasta fórnarlamb Yorkshirc--
morðingjans.
Yorkshire-morðinginn hefur verið fluttur i brynvarinni bifreið til Old Bailey réttarins i London, af ótta við að fólk reyni aö
koma fram hefndum gegn honum.
Eiginkona morðingjans, Sonja Sutcliffe, befur ásamt móður sinni, Maria Szurma,
vcrið viðstödd réttarhöldin.
Erlent
Erlent
Erlent
Erlent
Stirt samkomulag Bandaríkjanna og Líbýu:
Stjómarerindrekum frá
Líbýu var vísaö úrlandi
Samkomulag Bandaríkjanna og libýu hef ur vart verið verra f annan tfma
Bandaríkjastjórn hefur skipað öll-
um stjórnarerindrekum Líbýu í
Bandarikjunum að fara úr landi.
Saka Bandarikjamenn Líbýu um
stuöning við hryðjuverkastarfsemi.
Lengra verður ekki gengið í milli-
ríkjasamskiptum en þetta án þcss aö
slíta stjórnmálasambandi þjóða.
Dean Fischer, talsmaður bandaríska
utanrikisráðuneytisins, sagði að sam-
skipti Bandaríkjanna og Líbýu væru
nú áallægsta stigi.
Stjórnin í Washington hefur ekki
haft neina fulltrúa i Tripoli i Libýu
frá því i maí í fyrra. Ráðizt var á
bandaríska sendiráöið þar og það
brennt i desember 1979 af mótmæl-
endum er studdu töku bandaríska
sendiráðsins í Teheran.
Ali Ahmed Houderi, yfirmaöur
„skrifstofu þjóðarinnar”, eins og
Líbýumenn nefna sendiráð sitt, var
kallaður í bandaríska utanrikisráðu-
neytið 1 gær og þar var honum skýrt
frá þvi að hann fengi fimm daga til
aö ioka sendiráðinu og koma starfs-
mönnum þess úr landi.
Bandarískir embættismenn segja
að samskipti þjóðanna hafi mjög
versnað að undanförnu vegna hern-
aðar,,ævintýra” Líbýu í Afríku og
stuðnings Líbýumanna viö hryðju-
verkastarfsemi í heiminum.