Ársrit Ræktunarfélags Norðurlands - 01.01.1933, Blaðsíða 119
123
Að því búnu var fundi frestað til næsta dags.
Næsta dag síðdegis var fundi framhaldið. Nefndin,
sem kosin var til að athuga »aukna framleiðslu« lagði
þá fram eftirfarandi tillögu:
a. »Fundurinn skorar á Búnaðarfélag íslands, aö
beita sér fyrir innflutningi á Karakulfé hingaö til
landsins, hið allra fyrsta«.
Samþykt samhljóða.
b. »Fundurinn ákveður, að V. B. S. H. styrki mat-
jurtagarða, sem komið verður upp á þessu vori í sam-
bandsdeildinni, með alt að 5 aurum á fermetra, eftir
máli mælingarmanna deildarinnar. Þó veitist eigi hærri
upphæð á yfirstandandi ári í þessu skyni en kr. 450-
Samþykt samhlóða.
c. »Fundurinn ákveður, að V. B. S. H. útvegi gul-
rófnafræ, grænkáls- og næpnafræ fyrir sambands-
svæðið, nægjanlega snemma næsta vor, og útbýti því
ókeypis til hreppabúnaðarfélaganna, eftir pöntunum
frá formönnum þeirra«. Samþykt samhljóða.
d. »Fundurinn felur stjórn sambandsdeildarinnar að
útvega útsæðiskartöflur í tæka tíð fyrir næsta vor á
félagssvæðið, eftir pöntunum frá formönnum búnað-
arfélaganna. Samþykt samhljóða.
e- »Fundurinn ákveður að veita af sjóði sambands-
deildarinnar alt að kr. 600.00 lán til stofnunar silfur-
refabúa á félagssvæðinu, nú á þessu ári. Búið hafi
minst þrenn silfurrefahjón. Lánið veitist til tveggja
ára með innlánsvöxtum sparisjóðs. Geti sambands-
deildin notað sér það, má þó endurgreiða lánið með
yrðlingum frá búinu. Umsóknir um lánið séu komnar
til deildarstjórnarinnar fyrir 1. maí n. k. og séu um-
sóknir fleiri en ein, ákveður deildarstjórnin hverjum
það skuli veita og tekur tryggingu fyrir láninu«. —
Samþykt samhljóða,