Ársrit Ræktunarfélags Norðurlands - 02.02.1957, Page 16

80
Það er ekki ófróðlegt að gera samanburð á landbúnaðar-
framleiðslunni, sem send er til sölumeðferðar, og útflutn-
ingnum á mismunandi tímum, því að það gefur gleggsta
hugmynd um hve mikill útflutningurinn er í hlutfalli við
innanlandssöluna og hverjar breytingar hafa á því orðið.
Þetta sést á eftirfarandi töflu:
Kjöt selt frá sláturh. 1000 kg Mjólk til mjólkurb. Útfl. mjólkur-
Ar Innanl. útflutt Saratals millj. kg afurðir (tonn)
1935 2380.7 2630.3 5011.0 11.2 50.4 ostur
1945 5092.1 521.4 5613.5 24.3 0.0
1955 6549.9 500.3 7050.2 54.2 8.0 ostur
1956 5358.2 2300.0 7658.2 59.3 ?
1957 ca. 6200.0 2300.0 8500.0 ca. 66.0 150.0 ostur
Við þessar tölur er það að athuga, að síðasta árið er ágizk-
un. Þá er kjötneyzlan þrjú síðustu árin óregluleg vegna
þess, að kjötbirgðir hafa flutzt á milli ára. Mun þetta eink-
um hafa orðið 1955—56 og veldur því, að útflutningur 1956
verður nokkrum hundruðum tonna meiri en ella hefði orð-
ið. Þá er enginn efi á því, að á árunum, sem sauðfénu fækk-
aði mest vegna niðurskurðar og mæðiveiki, en það mun
vera á árunum 1948—1952, verður beinlínis skortur á kinda-
kjöti, sem bættur er upp með mikið aukinni framleiðslu
nauta- og hrossakjöts og gætir þess verulega enn. Innan-
landsneyzla kindakjöts hefur því vaxið minna á tímabilinu
1945—1957 en eðlilegt hefði verið, ætti að vera nú 7500—
8000 tonn á ári.
Um útflutning mjólkurafurða þarf ekki að ræða, þrátt
fyrir sexföldun þess mjólkurmagns, sem mjólkurbú hafa
veitt móttöku á tímabilinu 1935—1957, er hann gersamlega
hverfandi.
Þessar tölur sýna ekki heildarneyzluna á þessum vörum,
heldur aðeins, hvað tekið hefur verið til sölumeðferðar.