Ársrit Ræktunarfélags Norðurlands - 02.02.1957, Page 28

92
tré. Tvo vetur tekur að gera nýja húsið, sem er þrjú dávæn
herbergi niðri og með rúmgóðu lofti, klætt timbri í hólf og
gólf. Það er með rúmgóðum svölum og hann nefnir það
Birkilund. Innanstokksmuni smíðar hann einnig.
Samhliða þessu heldur hann áfram að ryðja skógi burtu
og rífa upp trjárætur, og vorið 1917, eftir fimm vetra starf,
hefur hann full-rutt 2.5 ha, en þá kom strik í reikninginn.
Þegar Bandaríkin ákváðu að taka þátt í fyrri heimsstyrjöld-
inni, hengdi Hrólfur veiðibyssuna sína upp á vegg, gekk frá
tækjum sínum og áhöldum, og gekk í herinn. Hann var
sendur til Frakklands, þar sem hann tók þátt í orrustunum
og lokasigrunum yfir Þýzkalandi.
í september 1919 kemur Hrólfur Eðvarðs, liðþjálfi, aftur
úr stríðinu og heldur rakleitt til landnáms síns með flunku-
nýjan riffil og 80 punda bagga af nauðsynjum á bakinu. Við
vatnið gerir hann sér fleka, og á leiðinni upp með strönd-
inni sér hann björn í skógarþykkninu, og leggur hann að
velli með einu skoti. í Birkilundi er allt með sömu um-
merkjum og þegar hann skildi við það fyrir tveimur árum.
Um kvöldið snæðir hann bjarnarsteik, og árla næsta morg-
un er hann tekinn til við ruðnings- og ræktunarstörfin af
miklu kappi, því nú þarf að vinna upp hin tvö töpuðu ár.
Tveim árum áður hafði hann sáð vallarsveifgrasi í blett
og nú gefur hann honum mikla uppskeru, sem hann bjargar
og byggir sér skýli yfir. Hann hefur safnað dálitlu fé með-
an hann var í herþjónustunni, og nú hefur hann ráð á að
kaupa sér hest og dálítinn bústofn. Hann leggur nú upp til
aðdrátta, kaupir ágætan vinnuhest, þrjá uxa og kvígu, og
með eitt og eitt dýr í einu klöngrast hann upp að vatninu.
Hann hefur líka keypt sér nokkur nauðsynleg áhöld, meðal
annarra tæki til að rífa upp rætur með, byrgðir til vetrar-
ins o. s. frv., og öllu þessu tosar hann einhvern veginn upp
að vatninu. Þar gerir hann mikinn fleka, hleður hann með
búpeningi sínum og byrgðum og rær fyrir á eintrjánings-