Árbók Landsbókasafns Íslands - 01.01.1968, Page 106

106
SVEINBJÖRN EGILSSON OG CARL CHRISTIAN RAFN
Frásögn Sveinbjarnar af því, hve snemma hann fór á fætur, minnir á þessa vísu í
Ljóðmælum hans (108. bls.), er hann mætti vel hafa ort í Kaupmannahöfn:
Hugurinn líður hér og þar,
hvikull eftir vanda;
ég er að bíða birtunnar,
búinn upp að standa.
Það er dálítið skemmtilegt að skoða til samanburðar útdrátt úr dagbók Rafns 14.
júlí 1828 - 13. maí 1829, en hann er til með hendi Dagmarar, dóttur Rafns, og er varð-
veittur í Lbs. 485 4I0.1 Vér skulum líta í dagbók Rafns, t. d. miðvikudaginn 16. júlí
1828. Þann dag fór Rafn á fætur kl. 4%, vann kl. 5-7 að Ragnars sögu loðbrókar, kap.
5-8%, vegna Nordiske Fortids Sagaer; ræddi kl. 7-9 við Þorstein Helgason um Orvar-
Odds sögu, kap. 1-6, v. Fornaldarsagna Norðurlanda; vann kl. 9-12 aftur að Ragnars
sögu loðbrókar, kap. 8%-9%; kl. 12-6 skýrslugerð um Eddukvæði; kl. 6-8 göngu-
ferð og í Athenæum; kl. 8-11 bréfaskriftir. Háttaði kl. 11.
Vér sjáum, að Rafn hefur ekki slegið slöku við fremur en Sveinbjörn, enda hefðu
þeir ekki afrekað svo miklu sem raun ber vitni, ef þeir hefðu ekki notað hverja vöku-
stund að kalla til einhverra nytsamlegra verka.
Af bréfi, sem Rafn hefur skrifað Sveinbirni 6. marz 1844, sést, að Rafn hefur ætlað
sér að láta setja orðabókina, jafnskjótt og hann fengi handritið, því að hann segir m.
a. :2 „Það er mér einkar kært að mega nú eiga von á byrjuninni af orðabókinni yfir
skáldamálið forna, er þegar mun verða prentuð.“
Þetta fór þó á annan veg, þar eð orðabókin var ekki prentuð fyrr en á árunum 1854-
60. Hið norræna fornfræðafélag gaf hana út, og heiti hennar var Lexicon poeticum
antiquae linquæ septentrionalis.
Lexiccn poeticum er til í Landsbókasafni í ágripi með hendi Sveinbjarnar, Lbs. 273-
74 8vo. Það er í tveimur bindum, með íslenzkum skýringum, og hefur Sveinbjörn vafa-
laust hreinritað það jafnóðum og hann gekk frá íslenzk-latnesku gerðinni, kosið að
eiga þetta eftirlætisverk sitt einnig í alíslenzkum búningi, þótt hann mætti vita, að það
yrði naumast gefið út um daga hans.
Benedikt Gröndal minnist á ágrip þetta í Dægradvöl (útg. 1923, 48. bls.) og gelur
þess, að Sveinbjörn hafi ritað það á bækur, er Paul Gaimard hafi gefið föður hans
1836. Voru þær óskrifaðar og í bandi, og fengu ýmsir íslenzkir lærdómsmenn slíkar
bækur að gjöf.
„Tvær bækur voru sendar hverjum, og stóð á kjölnum „Voyage de la Recherche“ og
eitthvað fleira. Eftir mörg ár ritaði faðir minn á þessar bækur ágrip af Lexicon poeti-
cum, og er það nú á Landsbókasafninu meðal handrita föður míns.“
1 Dagmar og þær dætur Rafns skrifuÖu upp af mikilli elju og vandvirkni fjölda bréfa og gagna
úr fórum föður síns og gáfu Landsbókasafni í minningu um hann. Sbr. Lbs. 657 og 1049—59 4to,
auk fyrrnefnds handrits.
2 Sbr. Ljóðmæli Sveinbjarnar, formála, Ll. bls.