Vísbending - 17.12.1999, Side 2

Jólin koma kát og rauð, segir í jólasálminum sem tónar síðu fjögur að þessu sinni. Mesta gleðistund ársins fellur með
dúnkenndum snjókornum yfir landsmenn og þekur bæði geð og guma svo að æskuljóminn brosir í hverri ásjónu. Er það
kærkominn ljósgjafi á myrkasta tímabili ársins.
Ef jólin verða eitthvað í ætt við árið sem er að líða þá verður veglega ausið úr pyngju landsmanna. Hafa skal þó í
huga að kærleikurinn verður ekki keyptur með öllu því gulli sem glóir heldur glitrar hann í augum okkar minnstu
bræðra® og systra þegar ást og umhyggja skreytir skaparann. Þá eru töfrar jólanna hvað mestir.
Árið var viðburðaríkt, viðskipti og efnahagsmál voru íbrennidepli hjá þjóðinni. Einkavæðing og sameining fyrirtækja
voru af stærðargráðu sem ekki hefur þekkst áður hér á landi. Oft virtist sem fjárfestar vissu ekki hvað þeir ættu að gera
við peningana, keyptu allt lauslegt, jafnvel jx> að enga peninga ættu þeir til. Lánsfé var hins vegar auðsótt, rekkjaði hjá
hverjum sem vildi. Verðbólgan, sem landsmenn þóttust hafa kveðið í kútinn, skaut upp kollinum á árinu og tilraunir til
þess að berja hana norður og niður hafa enn ekki borið árangur. Glókollurinn sá á eftir að vera óþekkur, ólíklegt er að
hann fari í jólaköttinn. Engu að síður er það bjartsýnin sem lýsir leiðina inn í næsta ár, skín skært og heillar börnin. Þá
vonin er allra gjafa best.
Ég óska lesendum Vísbendingar og öðrum landsmönnum gleðilegra jóla og farsæls komandi árs.
iyþór ívar Jónsson,
ritstjóri

Efnisyfirlit
Jólaspjall Eyþór ívar Jónsson..................................... 2
Gleðileg jól ‘99 Jólasálmur eftir Thor J.......................... 4
„Fjármenn hrepptu fögnuð þann“ Benedikt Jóhannesson............... 5
Raunhæf áform eða loftsýn? Guðjón Friðriksson..................... 7
Spilling hluthafa Sigurður Jóhannesson............................ 11
✓
Réttast væri að einkavæða Arnastofnun Ólafur Hannibalsson.... 15
Vísbending ársins Eyþór fvar Jónsson.............................. 18
Seðlabankar á nýju árþúsundi Már Guðmundsson...................... 21
Ævi og endalok velferðarkapítalista Ásgeir jónsson 25
Erlendir hlutabréfasjóðir Ágúst Freyr ingason 30
Geir Ólafsson tók ljósmyndir fyrir blaðið.
(Forsíðumynd: Styttan af Einari Benediktssyni á Miklatúni í Reykjavík).
títgefandi: Talnakönnun hf., Borgartúni 23, 105 Reykjavík. Sími 5617575. Ritstjóri og ábyrgðarmaður: Eyþór ívar
Jónsson. Ritstjórn: Eyþór ívar Jónsson og Benedikt Jóhannesson. Málfarsráðgjöl: Málvísindastofnun Háskólans.
Umbrot og prentun: Gutenberg. Upplag: 3000 eintök. Öll réttindi áskilin, rit þetta má eigi afrita með neinum hætti
án leyfis útgefanda.
2