Frjáls verslun - 01.08.1939, Blaðsíða 19

Frídagur verzlunarmanna
Frídagur verzlunarmanna var haldinn hátíðlegur á
f jðlbreyttari hátt en verið hefir undanfarið, og sýndi
stjórn V. R. mikinn dug'nað í, að skipuleggja hátíða-
höldin sem bezt.
Áð Eiði
Á sunnudag, 6. ágúst, var fjölbreytt útiskemmtun að
Eiði. Daginn áður efndi V. R. þar til dansleiks, en aðal-
hátíðin var haldin á sunnudag.
Friðþjófur O. Johnson, formaður Y. R., flutti ávarp,
Gunnar Thoroddsen, cand. jur., talaði fyrir minni verzl-
unarstéttarinnar, og Eyjólfur Jóhannsson, forstjóri,
mælti fyrir minni Islands.
Lúðrasveitin Svanur skemmti.
Á sunnudag fór einnig fram kappglíma undir stjórn
Lárusar Salómonssonar glímukappa. Verðlaun hlutu:
Jóhannes Bjarnason, Þorkell Þorkelsson og S'igurjón
Hallbjörnsson, og fyrir fegurðarglímu: Þorkell Þor-
kelsson, Sigurjón Hallbjörnsson og Kristján Blöndal.
í dómnefnd kappglímunnar voru: Ágúst Jónsson. Sig.
Thorarensen lögrþj. og Skúli Þorleifsson. I dómnefnd
um fegurðarglímuna voru: Magnús Sigurðsson lögrþj.,
Sigurður Ingvarsson, Eyjólfur Jóhannsson, forstjói'i,
en tímavörður var Gunnar Thoroddsen.
Til baga var, að nokkuð rigndi, og varð t. d. þess
vegna að fella niður listflug, sem fram átti að fara.
Á mánudag var ekki mjög margt fólk á Eiði, því
að veður var þá slæmt. Keppt var í knattspyrnu á
milli heildsala og smásala ú Gufunestúninu, og unnu
heildsalar með 3 mörkum gegn 1. Unnu smásalar í
fyrra, er keppt var um bikar, sem Sig. Þ. Skjaldberg'
kaupm. gaf. Bikar þann, sem 0. Johnson & Kaaber
gáfu fyrir nokkrum árum, höfðu smásalar unnið til
eignar. Hjörtur Hansson afhenti verðlaunin.
Síðari hluta dags rigndi mikið, svo að lítið varð úr
skemmtunum þar til kl. 9 e. h., að dansleikur hófst, og
hélt hann áfram til miðnættis, en þá var skotið flug'-
eldum.
Vestmannaeyjaíör
Um 300 manns tóku þótt í förinni til Vestmannaeyja
á þjóðhátíð þá, sem Eyjamenn halda þar árlega. —
Hafa þeir haldið þeim sið síðan 1874, en þá voru slíkar
hátíðir haldnar víðsvegar um land í tilefni af gildistöku
FRJÁLS VERZLUN
stjórnarskrárinnar. Eyjamenn urðu einir til þess að
halda hátíðinni við, og er hún enn nefnd þjóShdtíð, eins
og var 1874.
Lagt var af stað til Vestmannaeyja með ,,Gullfossi“
föstudagskvöldið þann 4. ág'úst. Var ekki pláss á skip-
inu fyrir þennan mikla fjölda, svo að viðunandi væri,
enda voru öll farþegai'úm nálega fullskipuð af farþeg-
um til útlanda. Varð því að hafast við í lest, sem var
allvel útbúin, og svo þar sem henta þótti annars staðar.
Lögðust menn til svefns, hvar sem afdrep var, og þó
einhverjum hafi, ef til vill, ekki þótt vistin sem bezt, þá
reiddi öllu vel af, og klakklaust var komið til Eyja á
laugai'dagsmorgun. Veður var hráslagalegt um nóttina
og dálítill vindur. V. R. hafði útvegað aðgang að góðu,
upphituðu húsi í Eyjum, þar sem menn gátu hafizt við,
en ekki höfðu menn dvalið lengi á þessum gestrisna stað,
er leiðir opnuðust til að fá enn betri aðhlynningu í
„prívat“-húsum, hjá vinum og kunningjum, og voru all-
flestir, sem þannig gátu komið sér fyrir.
Hátíðin hófst eftir hádeg'i á laugardag, og stóð þann
dag allan fram á rauða nótt og næsta dag. Ekki skal
hátíðahöldunum nákvæmlega lýst hér, en þau fara fram
í svonefndum Herjólfsdal, sem er spölkorn frá kaup-
staðnum. Er naumast hægt að hugsa sér ákjósanlegri
skemmtistað en þar, í grasi gi'óinni hvilft, í skjóli fyrir
veðrum. Það má segja, að Vestmannaeyingar flytji bú-
ferlum inn í Herjólfsdal um hútíðina, eins og sagt er að
álfarnir geri á nýárskvöld. Þar eru tjöld reist i hundr-
aðatali, i reglulegum röðum, og eru ,,götunum“ gefin
heiti og tjöldin númeruð. Þessa daga halda Eyjabúar
íþróttamót sitt, en íþróttalif er með miklum blóma í
bænum. Þá eru ræður haldnar, söngvar sungnir og dans-
að. En um miðnætti er kveikt í stórum bálkesti hátt
uppi í hlíð, og skotið flugeldum. I góðu veðri er það
mjög sérkennilegt og ógleymanlegt að vera staddur í
Hei'jólfsdal fyrsta hátíðarkvöldið, þegar bálið stígur
sem hæst, flugeldarnir skjótast hátt í loft upp, og tjöld-
in eru uppljómuð fyrir neðan.
Vestmannaeyingar eiga óhægt með að breyta um dval-
arstað sér í hressingarskyni. Til þess að komast í ann-
an bæ eða sveit, þurfa þeir sjálfir að skapa sér nýja
byggð stundarkorn, og það gera þeir á hátíðinni í Herj-
ólfsdal. Ef tangi væri milli lands og eyja, væri hátíð
þessi naumast haldin, og hún er alveg einstætt fyrir-
brigði á þessu landi.
Allir, sem fóru með V. R. til Eyja, hafa án efa
skemmt sér prýðilega, og betri móttökur en hjá Eyja-
mönnum er vart unnt að fú.
Nokkrir fóru með „Lyra“ aftur heim á sunnudags-
kvöld, en flestir biðu eftir „Brúarfossi“ á þriðjudag, og
fengu gott veður.
Borgarfjarðarför
Þátttakendur voru á fjórða hundrað manns, og
dreyfðist sá hópur víða um Borgarfjörð. Efnt var til
dansleikjar í Borgarnesi, en margt af þátttakendum fór
að skemmtun við Þverárrétt.
19