Frjáls verslun - 01.06.1963, Blaðsíða 7

vinu af móttöku ferðamanna á Ítalíu en við allar
iðngreinar landsins samanlagt. Til Ítalíu koma nú
hartnær 20 milljónir erlendra ferðamanna á ári og
færa ítölum gífurlegt fjármagn í erlendum gjald-
eyri.
fsland á að vísu langt í land með að jafnast á
við aðra eins ferðamannaparadís og Ítalíu. Bilið
milli landanna mun þó hlutfallslega styttast furðu
fljótt, þegar tekið verður að sinna þessum málum
hér á landi fyrir alvöru, en að því hlýtur að koma,
og það fyrr en seinna. Og við þurfum engu að
kvíða í þessum efnum — öðru en kæruleysi og
sofandahætti okkar sjálfra. Hér á landi er nefnilcga
svo margt upp á að bjóða fram yfir það, sem sum
önnur mikil ferðamannalönd eiga sér. Er þá eigin-
lega komið að kjarna málsins. Upp á hvað höfum
við að bjóða, Hvers vegna ættum við að fara að
fleka erlenda ferðamenn hingað til lands? Hversu
oft hefur maður ekki heyrt þessum spurningum
fleygt fram, þegar maður hefur verið að rökræða
um ótæmandi möguleika þess að gera ísland að
ferðamannalandi. Er þetta bara ekki ein tegund
þeirrar minnimáttarkenndar, sem svo oft hrjáir
okkur íslendinga, þegar útlendingar eiga í hlut?
Við höfum upp á margt að bjóða, og rökin fyrir
því að gera má ísland að fjölsóttu ferðamanna-
landi eru margþætt. Verður hér aðeins drepið á
örfá atriði máli þeirra til stuðnings, sem hafa óbif-
andi trú á ferðamannalandinu íslandi.
Frá örófi alda hefur maðurinn haft meðfædda
útþrá — löngun til þess að sjá eitthvað nýtt og
forvitnast um hagi annarra. Allt frá þeim tímum,
er Rómverjar fóru að ferðast til að sjá sig um í
heiminum — kynnast leyndardómum Egyptalands,
pýramídunum og grafhýsum konunganna — eða
listum og öðrum menningarmálum Grikkja — þá
hefur orðið stöðug þróun ferðalaga landa í milli
með tilkomu fullkomnari samgöngutækja, aukinni
þekkingu og bættum lífskjörum almennings. Þetta
er þróun, sem orðið hefur uin allan hinn frjálsa og
siðmenntaða heim, og ég tel mjög hæpið, að við
íslendingar verðum einhver sérstök undantekning
í þeim efnum, þótt við höfum orðið að þola ýmis-
konar höft á ferðafrelsi á undanförnum árum.
Við byggjum fallegt land, og íslenzk náttúru-
fegurð lætur ekki að sér liæða. Þetta er staðreynd,
sem ekki verður hrakin. íslenzk náttúra hefur eitt-
hvert óskýranlegt seiðmagn, sem oft á tíðum fær
útlending til að heimsækja landið aftur og aftur.
Hér er víða svo til ósnortin náttúra, sem erlendir
ferðamenn sækjast eftir að komast í snertingu við,
ekki sízt vegna þess að slíkt er orðið fátítt í ná-
grannalöndum okkar. Oræfin heilla marga, og hér
er stærsti jökull Evrópu, Vatnajökull, en kunnur
núlifandi íslendingur hefur sagt að hann gæti einn
út af fyrir sig laðað hingað mikið af útlendingum,
ef eitthvað væri gert í því að auglýsa hann á er-
lendum vettvangi. A Vatnajökli eru oft staðviðri
og veðurblíða á sumrum, ágætt skíðafæri og mögu-
leikar á að byggja skemmtileg háfjallagistihús.
Veiði í ám og vötnum hefur lengi haft mikið að-
dráttarafl, enda er hægt að fá hingað mikið af er-
lendum veiðimönnum, sem láta sig ekki muna um
miklar vegalengdir til að komast til íslands og eru
reiðubúnir til að borga vel fyrir veiðileyfið. Sil-
ungsveiði í vötnum og sjóbirtingsveiði þyrfti að
skipuleggja betur, þannig að slík veiði yrði að-
gengileg fyrir útlenda ferðamenn. Ymsar þjóðir,
og þá sérstaklega Norðmenn og írar, hafa hin síð-
ari ár gert talsvert í því að skipuleggja og auglýsa
veiði á sjó með stöng. Hefur sjóstangaveiði orðið
mjög vinsælt „sport“ víða erlendis, en hér á landi
hefur fremur lítill gaumur verið gefinn að þessu,
enda þótt við teljum okkur búa við hin auðug-
ustu fiskimið í heimi. Það eru ekki nema þrjú ár
síðan gerðar voru tilraunir með slíka veiði í grennd
við Vestmannaeyjar, og komu þá nokkrir erlendir
veiðimenn hingað til lands þeirra erinda að taka
þátt í fyrsta alþjóðlega sjóstangaveiðimótinu, sem
haldið hefur verið á íslandi. Hingað er hægt að fá
fjölda útlendinga árlega til slikrar keppni, en að-
stæður þyrftu að batna til móttöku erlendra gesta,
og á ég þar sérstaklega við Vestmannaeyjar, þar
sem sjóstangaveiðimótin hafa flest verið haldin
hingað til.
Við státum okkur af því, að hér sé mikil orka
í jörðu þar sem hverirnir okkar eru. En það er
meira en orka, sem felst í hverunum. Hér mætti
koma upp heilsubaðstöðum likt og í Þýzkalandi og
Tékkóslóvakíu, þangað sem útlendingar myndu
sækja í hveraböð og heilsusamlegt loft. Er hér um
mjög merkilegt mál að ræða fyrir okkur Islendinga,
en Gísli Sigurbjörnsson, forstjóri Elliheimilisins
Grundar, hefur öðrum fremur vakið máls á því og
lagt mikið á sig að reyna að hrinda því í fram-
kvæmd.
Lega íslands gerir það að verkum, að miklir
möguleikar eru á því í framtíðinni að hingað sæki
margvíslegar alþjóðlegar ráðstefnur og þing, t. d.
á vegum Sameinuðu þjóðanna, Við erum að vísu
FRJÁLS VERZLUN
7