Frjáls verslun - 01.06.1963, Blaðsíða 31

Félag fsl. slórkaupmanna 35 ára
Hinn 21. maí sl. voru liðin 35 ár frá stofnun
Fclags íslenzkra stórkaupmanna. Félagið var stofn-
að að frumkvæði nokkurra stórkaupmanna, sem 7.
febrúar 1927 ákváðu að stofna félagið. Var þeim
Arent Claessen, aðalræðismanni, Birni Ólafssyni,
stórkaupmanni og John heitnum Fenger, stórkaup-
manni, falið að undirbúa stofnun félagsins. Þann
21. maí 1928 var svo formlega gengið frá stofnun
félagsins. í fyrstu stjórn þess áttu sæti eftirtaldir
menn: Formaður var Arent Claessen, aðalræðis-
maður, en meðstjórnendur stórkaupmennirnir Björn
Ólafsson, Hallgrímur Benediktsson, Magnús Th. S.
Blöndahl, John Fenger og Kristján Ó. Skagfjörð.
Tilgangur félagsins þá og síðar hefur ætíð verið
sá að efla frjálsa verzlun, bæði á innflutningi og
útflutningi. Þá liefur félagið barizt fyrir því, að
einkasölur ríkisins yrðu lagðar niður og því haldið
fram, að innflutningi á einkasöluvörum væri betur
komið í höndum innflytjenda, sem gætu dreift þeim
fyrir mun minni kostnað heldur en einkasölurnar
hafa gert og gera. Hin síðari ár hefur eitt af bar-
áttumálum félagsins verið krafa um algert afnám
verðlagsákvæða. Telur félagið, að leitt liafi verið í
ljós, að hag neytenda er sízt betur komið með til-
komu þeirra. Er það skoðun félagsins, að frjáls
samkeppni skapi neytendum hagstæðast vöruverð
og gæði. Félagið hefur einnig látið tollamál mikið
til sín taka frá byrjun og hefur það verið baráttu-
mál félagsins að hafa tolla sem lægsta. í samvinnu
við önnur félagasamtök kaupsýslumanna stuðlaði
félagið að stofnun Verzlunarsparisjóðsins 1950 og
síðan að stofnun Verzlunarbankans, en stofnanir
þessar hafa orðið verzlunarstéttinni í landinu mikil
lyftistöng. Félagið hefur beitt sér mikið fyrir því,
að Verzlunarbanki íslands hf. fái réttindi til að
verzla með erlendan gjaldeyri til þess að sú stofn-
un geti fullnægt öllum viðskiptum kaupsýslumanna.
Á árinu 1961 festi félagið kaup á húseigninni nr.
14 við Tjarnargötu, þar sem félagið hefur nú að-
setur sitt og skrifstofur. Fyrsti framkvæmdastjóri
félagsins var Henrik Sv. Björnsson, núverandi
scndiherra íslands í London. Síðar tók við því starfi
Einar heitinn Ásmundsson, hæstaréttarlögmaður og
ritstjóri, og frá 1956 hefur Hafsteinn Sigurðsson,
lögmaður, gegnt því starfi.
Núverandi formaður félagsins er Hilmar Fenger,
stórkaupmaður, en aðrir í stjórn eru: Hannes Þor-
steinsson, Vilhjálmur II. Vilhjálmsson, Einar Far-
estveit, Ólafur Guðnason, Gunnar Ingimarsson og
Jón Hjörleifsson.
Verjum tugmilljónum króna . . .
Framh. al bls. 18
(c) að fyrirgreiðslu erlendra ferðamanna hafi
þeir einir með höndum, sem færir eru um að
inna hana sómasamlega af hendi, en frjálsræðis
gæti þó í þessum efnum.
Hér heima fyrir þyrfti af opinberri hálfu að
stuðla að:
(a) alhliða menntun alls þjónustuliðs.
(b) byggingu gistihúsa og greiðasölustaða af
misjafnri stærð, eftir því sem við á, en hvergi
verði þó slakað á ítrustu menningarkröfum.
(c) byggingu viðunandi afgreiðsluhúsa á flug-
völlum þeim, sem fyrir eru og í hafskipahöfn-
um.
(d) byggingu viðunandi flugvalla, hafna og
vega úr varanlegu efni, enda verði vegir lagðir
að líklegustu ferðamannaslóðum.
Allt eru þetta viðamikil verkefni, sem langan tíma
taka — en Róm var ekki hcldur byggð á einum
degi. Einstaklingarnir munu með framtaki sínu
leysa ýmsan vanda, en opinberrar fyrirgreiðslu þarf
víða við — fyrirgreiðslu, sem byggist á skilningi á
þörfum menningarþjóðfélags til að inna ferðaþjón-
ustu af hendi svo að vel sé.
Tekjur Breta af ferðamönnum eru nú t.aldar
hærri, en sem nemur sölu á skozku Whisky. Sam-
bærilegar tekjur íslenzku þjóðarinnar gætu vegið
nokkuð á móti aflabresti og markaðshruni, en ein-
staka þætti þess máls yrði of langt að rekja.
FH.JÁLS VERZLUN
31