Frjáls verslun - 01.02.1975, Qupperneq 15

Tölvutækni
KEA byrjar fjarvinnslu
Kaupfélag Eyfirðinga á Akureyri er fyrsta fyrirtækið utan Reykjavíkiur, sem hefur fjarvinnslu á
bókhaldi með tölvu. í þeim tilgangi hefur KEA leigt símalínu af Landsímanum og gert tilraunir
með fjarvinnsluna í tölvu SÍS í Reykjavík.
KEA sendir tölulegar upp-
lýsingar eftir línunni suður, en
tölvan vinnur úr upplýsingun-
um og sendir niðurstöður til
baka. Tölvan á að annast bæði
aðalbókhald og ýmsar skýrslu-
gerðir fyrir fyrirtækið. Með
þessu móti fæst betri nýting á
tölvu SÍS.
í viðtali við Val Araþórsson
kaupfélagsstjóra kom fram að
bókhaldsvélar fyrirtækisins
eru að ganga úr sér og var því
ákveðið að fara út í tölvu-
vinnslu á bókhaldinu í sam-
starfi við SÍS. í þessum til-
gangi hefur KEA leigt sérstaka
vélasamstæðiU, sem saman-
stendur af þremur vélum.
Kerfið heitir „3740 gagna-
skráningakerfi" og er frá IBM
verksmiðjunum.
„DISKETTUR“.
Vél nr. 1 er tvöföld gagna-
skráningarvél. Hún er notuð
til þess að skrá upplýsingar á
svokallaðar diskettur eða smá-
diska. Þetta eru diskar með
segulmögnuðu yfirborði svipað
og gerist með segulbönd. Upp-
lýsingarnar eru skráðar á
diska á sama hátt og á segul-
band og er hægt að má út efni
og nota diskana aftur. Vél nr.
2 er notuð til að villuprófa
og leiðrétta það sem skráð hef-
ur verið á smádiskana. Á
hana má einnig skrá sjálf-
stætt. Þá er þessi vél notuð
til að senda upplýsingar í
tölvu og taka á móti niðurstöð-
um frá henni, en það gerist
gegnum símalinuna eins og
áður er sagt. Þriðja vélin er
svo prentari, sem er í sam-
bandi við vél nr. 2. Hann
prentar á pappír allar þær
upplýsingar, sem eru í vélinni.
FIMM ÞÆTTIR.
Unnt er að skipta vinnslu
gagnaskráningakerfisins í
fimm sjálfstæða þætti:
1. Skráning upplýsinga á diska.
2. Upplýsingarnar athugaðar
og leiðréttar.
3. Upplýsingarnar sendar gegn-
um símalínu til úrvinnslu.
4. Niðurstöður sendar til baka
að lokinni úrvinnslu og sett-
ar á nýja diska til geymslu.
5. Prentun á gögnum af disk-
unum.
Breytingar þessar á bók-
haldsfyrirkomulagi hjá KEA
hafa það í för með sér, að að-
gangur viðskiptavina fyrirtæk-
isins að viðskiptareikningum
verður að vera í öðru formi en
áður. Fyrirtækið mun þó eft-
ir sem áður reyna að koma
til móts við óskir viðskipta-
vinanna á þessu sviði eins og
mögulegt er.
Farareyririnn
Þeir, sem leið eiga til
útlanda í viðskiptaerind-
um, þurfa ekki að óttast
þær takmarkanir í gjald-
eyrisyfirfærslu, sem al-
mennir ferðamenn hafa
orðið fyrir undanfarið.
Gjaldeyrisdeild bankanna
hefur yfirleitt afgreitt at-
hugasemdalaust beiðnir
kaupsýslumanna um gjald-
eyri, hafi þær verið inn-
an hæfilegra marka. Ekki
eru líkur taldar á, að frá
þessari meginreglu verði
horfið, þar sem í GATT-
samningum hefur áherzla
einmitt verið lögð á sem
mest frjálsræði í þessum
efnum.
GJALDEYRIR FYRIR
37 ÞÚS.
Alþjóðlegur skilningur á
hagsmunum hins almenna
ferðamanns virðist 'hins
vegar ekki vera jafnríku-
lega fyrir hendi. Umsókn-
ir um ferðamannagjaldeyri
eru nú mlklu betur skoð-
aðar en áður. Þó fá allir
erlendan gjaldeyri jafn-
virði 37. þús. íslenzkra
króna vegna fyrstu fei’ðar
á árinu en hálfa þá upp-
hæð fyrir þá næstu, ef
farin er.
SKULDIR EKKI
YFIRFÆRÐAR.
Kostir ferðaskrifstof-
anna, sem selja fólki sólar-
ferðir með innifalinni gist-
ingu og fæði, hafa aftur
á móti þrengzt til muna.
Þannig hefur verið sett
bann við lengri ferðum en
tveggja vikna. Kemur
þetta sér illa fyrir ýmsa
viðkomandi aðila, sem
skipulagt hafa þriggja
vikna ferðir auk hálfs-
mánaðarferða. Þá fá ferða-
skrifstofurnar ekki leng-
ur yfirfærslu vegna skoð-
unarferða og svokallaðra
matarmiða, sem farþegar
hafa getað keypt fyrir ís-
lenzkar krónur. Hafa
skrifstofurnar ekki fengið
yfirfærðar skuldir við mat-
sölustaði og ferðafyrir-
tæki erlendis, sem verzlað
hefur verið við í vetur.
FV 2 1975
15