Frjáls verslun - 01.02.1975, Blaðsíða 69

GEYSILEGAR HÆKKANIR
Á HRÁEFNISVERÐI
— Nú, fyrst við erum að
tala um fjármál, þá urðu rosa-
legar hækkanir i olíukrepp-
unni og ég sé ekki framá að
það verð lækki mikið, a. m. k.
ekki á næstunni. Gjaldeyris-
skömmtunin hefur valdið okk-
ur erfiðleikilm eins og öðrum
sem þurfa að flytja eitthvað
inn og þetta ár hefur verið
ógurlega erfitt á peningamark-
aðinum. Rekstrarfjárskortur-
inn pínir menn mikið núna og'
fjárfestingarfé er hreinlega ó-
fáanlegt.
Svo er það hækkunin á öll-
um kostnaðarliðunum, við
borgum t. d. upp í 150 þúsund
krónur á mánuði í rafmagn og
það mun eiga að hækka til
muna á næstunni. Og við
reynum ekki að sinni að fá
neina hækkun vegna þessara
liða. Fyrst verðum við að
reyna að fá hækkun vegna
gengisfellingarinnar. Ég á nú
von á að fá slíka heimild á
næstunni.
FYRIRTÆKIÐ STENDUR
VEL
Nú, nú, það eru víst allir
sammála um að ástandið sé
ekki gott. Ég verð að játa að
ég er mest ergilegur yfir því
að geta ekki gert það sem
hægt hefði verið að gera ef
betur áraði. Ég má hins vegar
þakka fyrir að fyrirtækið
stendur vel enn sem komið er.
Við stöndum vel já, en ekk-
ert iðnfyrirtæki getur til
lengdar þolað strangar
skammtanir eða höft. Þá fer
að halla undan fæti. Þetta er
að vísu ekki beint tískuvara
sem við erum með en við þurf-
um að fylgjast vel með nýj-
ungum erlendis og eðlileg end-
urnýjun og endurbætur eru
okkur nauðsyn eins og öðrum.
Ég sæki t. d. þær plastiðn-
aðarsýningar sem ég 'hef
möguleika á að skoða og eins
eru umboðsmenn og aðrir hér
tíðir gestir, bæði til að gefa
góð ráð og kynna nýjar vélar,
ný efni og nýjar aðferðir.
Við vonum nú að allt gangi
vel því það kemur ekki aðeins
niður á okkur ef syrtir í ál-
inn. Það eru mörg fyrirtæki
mjög háð okkur og þau myndu
lenda í ógurlegum vandræðum
ef við lentum í rekstrarörðug-
leikum. Sem betur fer er ekk-
ert um neina stórfellda örð-
ugleika ennþá þótt ekki sé
bjart framundan þegar á heild-
ina er litið.
STÓRIR SEM SMÁIR
NOTA ÍSLENSK FYRIRTÆKI
Uppsláttarrit um fyrirtœki, félög og stofnanir
Islcnzk fyrirtæki kcmur út árlega, og veitir viðtækustu upplýsingar sem fáanlegar
eru á einum staö svo sem:
Nafn, heimilisfang og sima og ennfremur:
pósthólf
söluskattsnúmer
nafnnúmer,
telex númer,
stofnár,
stjórn,
stjórnendur,
helztu starfsmenn,
tegund reksturs,
umboð,
umboðsmenn,
þjónustu,
ásamt fjölda upplýsinga um stjórnarráðið, sveitarfélög og stofnanir.
Otgefandi:
Frjálst framtak hf.
Laugavegi 178, simar 82300 og 82302.
L
FV 2 1975
69