Frjáls verslun - 01.02.1987, Blaðsíða 23

Talsvert af tíma Gunnars fer í félagsmál. Hann á sæti í framkvæmdastjórn Verslunarráös Islands og framkvæmda-
stjórn Krabbameinssfélags íslands. Hér er hann á fundi í fjármálaráði Krabbameinsfélagsins þar sem hann gegnir
formennsku. Á myndinni eru talið frá vinstri: Hjörtur Hjartarson forstjóri, Halldóra Thoroddsen, dr. Snorri Ingimars-
son, Gunnar, Baldvin Tryggvason sparisjóðsstjóri og Svala Eggertsdóttir. Halldóra, Snorri og Svala eru starfsmenn
Krabbameinsfélagsins.
skilja að ávöxtunarkrafan í hverju
landi fyrir sig þarf að vera töluverð."
Markaðshlutdeild
— Þið hafið það markmið að vaxa
með þróun tölvuiðnaðarins. Hefur
vöxtur ykkar nægt til þess að halda
markaðshlutdeild hér á landi?
„Við ræðum aldrei um ákveðna
markaðshlutdeild vegna þess hve
erfitt er að meta hana. Hér á landi
eru innflutningsskýrslur t.d. það
ófullkomnar að margar ólíkar vélar
eru á sama tollskrárnúmeri. Við
reynum þó að meta þetta á okkar
máta. Það er staðreynd að sam-
keppni hefur aukist en við teljum að
okkur hafi tekist að svara henni og
vonum að við munum geta það í
framtíðinni. Það krefst þess að við
þurfum stöðugt að vera í viðbragðs-
stöðu og hvergi slaka á.
Við reynum einnig að gera okkur
mynd af framtíðinni. I því skyni ger-
um við reglulega áætlanir bæði til
skamms tíma og síðan til lengri tíma
eða fimm ára.
Það sem einkennir IBM hér á
landi er hve stór hluti af sölunni er
einkatölvur og miðlungsstórar tölv-
ur. Samkeppnin er mikil en það er
breytilegt frá ári til árs hver er aðal-
keppinautur okkar. Keppinautarnir
koma og fara og þess vegna höfum
við reynt að benda viðskiptavinum
okkar á að við séum traustur bak-
hjarl. Hér erum við, við höfum verið
hér og ætlum okkur að vera hér í
framtíðinni."
— Er það ekki ljóst að í framtíð-
inni verður vöxtur tölvuiðnaðarins
mestur í hugbúnaði?
„Það er rétt að æ stærri þáttur af
tekjum fyrirtækisins mun koma frá
hugbúnaði. Menn telja kannski að
tölvuvæðingunni sé lokið þegar búið
er að taka bókhald og lager inn í tölv-
una. Þetta er mesti misskilningur.
Möguleikar tölvunnar eru miklu
meiri en menn skortir enn víðsýni til
að nýta sér tölvutæknina til fulls. Ég
get nefnt sem dæmi að flest öll sam-
skipti mín við IBMara innanlands og
utan fara í gegnum tölvuna en ekki
síma og með því spara ég gífurlegan
tíma. Hlutverk okkar í framtíðinni er
að aðstoða viðskiptavinina í sam-
vinnu við hugbúnaðarfyrirtækin við
að nýta tölvurnar betur en nú er
gert.“
— Hvar er markaðsstaða ykkar
sterkust?
„Við höfum átt mjög stóran þátt í
tölvuvæðingu fiskiðnaðarins og
tókst það svo vel til að eftir var tekið
erlendis til dæmis í Kanada og Nor-
egi. Þar höfum við góða samstarfsað-
ila eins og t.d. Rekstrartækni."
— En þið misstuð af bönkunum.
Var það ekki mikið áfall?
„Við höfum selt Reiknistofu bank-
anna þá stærstu tölvu sem komið
hefur til landsins. Hins vegar ákváðu
bankarnir að taka upp sameiginlegt
afgreiðslukerfi fyrir Stór-Reykjavík-
ursvæðið, svonefnt beinlínukerfi. Við
kepptum um þessi viðskipti á sínum
tíma en aðrir urðu fyrir valinu og var
ekkert við því að gera nema bíta á
jaxlinn. Það er alltaf leiðinlegt að
tapa sérstaklega þegar maður er
sannfærður um að hafa boðið góða
lausn. En ég hef enga ástæðu til að
ætla annað en að það hafi verið bar-
ist af heiðarleika og ég vona að
ákvörðun bankanna hafi orðið þeim
til góðs.“
23