Frjáls verslun - 01.12.1991, Blaðsíða 46

SKAÐLEGAR SÖGUSAGNIR
ÞRÁLÁTUR ORÐRÓMUR GETUR VERIÐ
FYRIRTÆKJUM AFAR DÝRKEYPTUR ÞÓTT HANN EIGI
EKKIVIÐ NOKKUR RÖK AÐ STYÐJAST
Maðurinn sagði að þetta væri
heilagur sannleikur enda hefði
hann söguna frá fyrstu hendi.
Sagan fjallaði um sex ára stelpu
sem hvarf þegar hún var stödd
með foreldrum sínum og syst-
kinum í skemmtigarði nokkrum
í Bandaríkjunum. Lögreglu var
gert viðvart og eftir mikla leit
fannst stelpan klukkustundu
síðar þegar einhver náungi var á
TEXTI: JÓNÍNA LEÓSDÓTTIR
leið með hana út úr garðinum. í
millitíðinni var þó búið að klippa
ljósu lokkana af henni, lita hárið
kolsvart og klæða hana í galla-
buxur í stað fallega, rauða kjóls-
ins sem hún hafði verið í.
Þessi saga er að sjálfsögðu upp-
spuni frá rótum en hún var fyrir
nokkru mjög útbreidd í New York,
Los Angeles og Miami. Hún barst
m.a.s. nokkrum sinnum á síðasta ári
yfír til Evrópu og aftur til baka. En
þótt sagan virðist í sjálfu sér fremur
saklaus er hún það alls ekki fyrir eig-
endur þeirra skemmtigarða sem hún
er sögð hafa gerst í.
Kjaftasögur eru í raun svo alvarlegt
mál að nú eru félagsfræðingar farnir
að rannsaka tilurð sagna af þessu tagi
og hversu hratt þær berast manna á
milli. Tilgangurinn er sá að kanna
hvernig stöðva megi sögusagnir áður
en þær eru búnar að valda viðkom-
andi fyrirtækjum óbætanlegum
skaða. Stærsta vandamálið er hins
vegar sú staðreynd að fólk er afar
sólgið í svona sögur. Og þeim mun
óhugnanlegri sem þær eru, þeim mun
Kklegra er að þær berist hratt á milli
manna.
46