Alþýðublaðið - 23.03.1976, Blaðsíða 2

2 STJORNMÁL
Ctgefandi: Alþýðuflokkurinn. Hekstur:
Reykjaprent hf. Tæknilegur fram-
kvæmdastjóri: Ingólfur Steinsson. Rit-
stjóri og ábyrgðarmaður: Arni Gunnars-
son. Ritstjóri: Sighvatur Björgvinsson.
Ritstjórnarfulltrúi: Bjarni Sigtryggsson. Aðsetur ritstjórnar er i
Síðumúla 11, simi 81866. Auglýsingar: simi 28660 og 14906. Prentun :
Blaðaprent h.f. Askriftarverð: 800 krónur á mánuði og 40 krónur i
lausasölu.
alþýóu'
blaóió
Fyrir fáum dögum birtist hér í blaðinu leiðari þar
sem rætt var um rikisstjórnina og bent á, að svo
slæm væri sambúðin orðin á stjórnarheimilinu að
réttara væri að tala um átta algerlega sjálf stæðar og
óháðar ríkisstjórnir í landinu en átta ráðherra í einni
rikisstjórn. Eitt dæmið enn um hvernig komið er gaf
að lita í Tímanum á sunnudaginn og Vísi í gær. í
Tímanum á sunnudaginn er því slegið upp undir
stórri fyrirsögn, að blaðið viti til þess, að rætt hafi
verið að fresta framkvæmdum við Kröf luvirkjun um
eitt ár vegna f járskorts. Hafi mál þetta verið rætt af
viðkomandi ráðuneytum og sé ákvörðunar að vænta
innan skamms. Lætur blaðið þess getið, að áður haf i
verið rætt um frestun framkvæmdanna, þá vegna
óvissu út af eldsumbrotunum. Frá því ráði hefur
augsýnilega verið horfið,, og þarf engum getum að
leiða að því hvað valdi. Ástæðan er auðvitað sú að i
slikum hlutum er ákörðunarvaldið og ábyrgðin al-
farið hjá iðnaðarráðherra einum og hann vill halda
áfram, hvað sem tautar og raular. En þegar fjár-
magnsskortur er ástæðan, eins og segir í Tímafrétt-
inni, þá er valdið ekki lengur hjá iðnaðarráðherra
einum, heldur einnig hjá f jármálaráðherra og raun-
ar öðrum ráðherrum í ríkisstjórninni. Eins og Tíma-
fréttin er sett fram leikur því enginn vafi á um, að
f jármálaráðherra og kannski öll ríkisstjórnin er að
hugleiða að taka f ram f yrir hendurnar á iðnaðarráð-
herra í Kröflumálunum og stöðva um sinn þessar
mjög svo umdeildu framkvæmdir vegna fjárhags-
erfiðleika þar eð eldsumbrotin reyndust ekki næg
ástæða ein út af fyrir sig.
En hvernig bregzt svo iðnaðarráðherra, Gunnar
Thoroddsen, við þessum f regnum. í Vísi i gær er birt
viðtal við hann í tilefni af frétt Tímans. Viðbrögð
ráðherrans eru þau, að hann þykist ekkert vita.
Þegar ráðherrann er spurður hvort honum sé kunn-
ugt um að rætt haf i verið um að f resta framkvæmd-
um við Kröflu vegna f járskorts, þá kemur hann af
f jöllum. Hann veit ekki um annað en þær umræður,
sem fram fóru á sínum tíma um frestun
framkvæmdanna vegna náttúruhamfaranna, þar
sem hann gaf þann úrskurð að áf ram skyldi haldið.
Um frestunarhugmyndir vegna f járskorts veit ráð-
herrann ekki. Fréttir um að slíkt standi til að koma
honum i opna skjöldu.
Ef hér væri um venjulega ríkisstjórn að ræða þá
myndu menn draga af þessu þær ályktanir, að annað
hvort væri Tíminn að segja ósatt, eða þá ráðherrann.
En þessi ríkisstjórn er engin venjuleg ríkisstjórn.
Hún er þannig, að báðir geta verið að segja satt —
dagblaðið Tíminn og iðnaðarráðherra. Svo slæm er
sambúðin orðin milli ráðherranna að það getur
meira en vel verið að jafnhliða því að iðnaðarráð-
herra taki þá ákvörðun að láta slag standa við Kröf lu
og halda áfram framkvæmdum þrátt fyrir aðvaran-
ir vísindamanna hafi fjármálaráðherra eða for-
sætisráðherra tekið þá ákvörðun að stöðva
f ramkvæmdirnar með því að loka fyrir f járstreymið
til þeirra. Og með nákvæmlega sama hætti og Geir
Hallgrímsson hafði ekki hugmynd um það, að Ölaf ur
Jóhannesson myndi leita til utanríkisráðuneytisins
með beiðni um að það hefði milligöngu um útvegun
herskips fyrir Landhelgisgæzluna hjá Bandaríkja-
mönnum eða Rússum er meira en líklegt, að Gunnar
Thoroddsen haf i ekki hugmynd um það að í bígerð sé
að stöðva Kröfluvirkjun vegna fjárskorts. Einmitt
þannig starfar þessi ríkisstjórn, sem hætt er að vera
ein stjórn með átta ráðherrum en er orðin að átta
ríkisstjórnum með einum ráðherra.
Ragnar Guðleifsson úr Keflavík og Björg Sigurðardóttir kona hans koma til
hátiðarinnar. Á milli þeirra stendur Kristbjörg Gisladóttir, eiginkona
Hreggviðs Hermannssonar, læknis.
__ _____Þriðjudagur 23. marz 1976 híaXfð'
AFMÆUSHATfOIN
EINKENNDIST
AF BARATTUVIUA
Alþýðuflokksfélögin i Reykja-
neskjördæmi héldu glæsilegt hóf i
tilefni af 60ára afmæli flokksins i
Festi i Grindavik sunnudags-
kvöldið 20. þ.m.
Veizlustjóri var Hrafnkell As-
geirsson formaður kjördæmis-
ráðs flokksins i Reykjaneskjör-
dæmi.
Húsfyllir var á hófinu og
skemmtu menn sér hið bezta.
Avörp fluttu Jón Armann
Héðinsson alþingismaður, Kristín
Guðmundsdóttir vararitari
flokksstjórnar, Emil Jónsson
fyrrverandi ráðherra og Benedikt
Gröndal formaður flokksins.
Var þessum ávörpum ágætlega
tekið og i lok ræðu Benedikts risu
veizlugestir úr sætum og hrópuðu
ferfalt húrra fyrir afmælisbarn-
inu.
Veizlukosti gerðu menn hin
beztu skil, og skemmtu sér við
fjöldasöng, sem Óli Þór Hjaltason
stjórnaði með ágætum. Undir-
búning að hátiðinni hafði Jón
Hólmgeirsson, Grindavik, annast
og var mál manna, að honum fær-
ist einstaklega vel úr hendi. Að
lokum var stiginn dans af miklu
fjöri til kl. 2 að nóttu.
Fram kom i orðræðum allra
veizlugesta eindreginn áhugi á,
að auka veg flokksins og starfa ó-
sleitilega að framgangi hans á
komandi timum.
230 sóttu fund
FUi á flkurevri
Siðastliðinn laugardag var haldinn á Akureyri almennur borgara-
fundur á vegum Félags ungra jafnaðarmanna. Fundurinn var haldinn i
Borgarbiói og hófst kl. 2 e.h. Framsögumenn á fundinum voru þeir Vil-
mundur Gylfason og Sighvatur Björgvinsson. Ræddu þeir málcfni
stjórnkerfisins, dómsmálin, efnahagsmál og kjaramál.
Fundarsókn var afburða góð. Þegar flest var sátu fundinn milli 230
og 240 manns og -oru þá flest öll sæti skipuð I húsinu. Umræður voru
fjörugar og bars' framsögumönnum fjöldi fyrirspurna.
Fundarstjóri var Bárður Halldórsson. —SB—
125 milljón króna tekjustofn ekki nýttur
Minnihlutinn sat hjá við
afgreiðslu fjárhagsáætlunar
Við afgreiðslu fjárhagsáætlun-
ar Reykjavikurborgar létu full-
trúar minnihlutans i borgarstjórn
bóka ýmsar athugasemdir við á-
ætlunina en fluttu ekki breyting-
artillögur við einstaka liöi.
Við höfðum samband við Björg-
vin Guðmundsson borgarfulltrúa
og spurðum hann hverju þetta
sætti. Björgvin sagði að i lögum
væri gert ráð fyrir þvi að af-
greiöslu fjárhagsáætlana sveitar-
félaga væri lokið fyrir áramót.
Afgreiðslu á fjárhagsáætlun yfir-
standandi árs hefði hins vegar
verið frestað, vegna breytinga á
lögum um verkaskiptingu ríkis og
sveitarfélaga, sem gerðar voru
nú um áramótin.
Full nýting á gjald-
stofni aðstöðugjalda
Við fyrri umræðu fjárhagsáætl-
unarinnar sem fram fór 4. des.
siðastliðinn bentu fulltrúar
minnihlutans á að fyrirsjáanleg-
ar væru miklar kostnaðarhækk-
anir sem myndu gjörbreyta nið-
urstöðum hennar. Þá lögðu þeir
til að gjaldstofn aðstöðugjalda
yrði nýttur til fulls, og að fast-
eignaskattur af öðru húsnæði en
ibúðarhúsnæði yrðu innheimtir
með fullu álagi, en þessa tekju-
stofna varð að innheimta fyrir
áramót. Sagði Björgvin að ef
gjaldstofn aðstöðugjalda hefði
verið nýttur til fulls, hefði það
fært um 125 milljónir aukalega i
borgarsjóð.
Meirihluti Sjálfstæðismanna 1
borgarstjórn hafnaði þessum
hugmyndum, og kaus heldur að
leggja álag á útsvörin.
Enn vantar mikið uppá
Þrátt fyrir að útsvar verði nú
innheimt með fullu álagi vantar
tæpar 110 milljónir á þá upphæð
sem gert var ráð fyrir að varið
yrði til framkvæmda á vegum
borgarinnar við fyrri umræðu
fjárhagsáætlunarinnar. Vegna
þessa er óhjákvæmilegur mikill
niðurskurður framkvæmda á
vegum borgarinnar, t.d. á sviði
skólabygginga, heilbrigðismála
og gatna- og holræsagerðar.
Allir tekjustofnar
bundnir
Að lokum sagði Börgvin að þar
sem búið væri að binda alla tekju-
stofna þvert ofan i tillögur minni-
hlutans, þætti þeim ekki ráðrúm
til að flytja neinar breytingartil-
lögur, þeir hafi þvi setið hjá við
afgreiðslu fjárhagsáætlunarinn-
ar.
—ES—