Vísir - 31.05.1974, Blaðsíða 24

vísir
Föstudagur 31. mai 1974.
Kjötverðið lœkkaði:
Matar-
verð
hreyfist
minna
„Ég á ekki von á þvi, að við
lækkum verð á veitingum þó að
landbúnaðarafurðirnar hafi
lækkað. Það er tilhæfulaust að
vera að eltast við þessa vitleysu.
Almenningur veit alveg, hvað er
að gerast.” Þannig komst fram-
kvæmdastjóri eins grillstaðarins i
borginni orðrétt að orði I viðtali
við Visi i morgun. Það sama var
þó ekki uppi á teningnum alls
staðar.
„Hér á Hótel Holti voru gerðar
verðlækkanir i vikunni eftir lækk-
unina á landbúnaðarafurðum,”
sagði Skúli Þorvaldsson hótel-
stjóri, þegar Visir hafði tal af
honum I morgun.
„Sem dæmi um verðlækkanirn-
ar má t.d. geta þess, að glóðar-
steikt lambalæri, sem kostaði áð-
ur 775 krónur, kostar i dag 625
krónur,” sagði Skúli ennfremur.
„Um leið varð allveruleg aukning
á sölu þess réttar á kostnað söl-
unnar á svinakjötinu, sem ekki
hefur lækkað.”
Þá gat Skúli þess, að lax væri
nú ódýrari. „Laxinn sjálfur kost-
ar okkur innkaupi það sama og i
fyrra,” sagði hótelstjórinn. „En
verðlækkanir á kartöflum og
smjör urðu nógu miklar til þess,
að þessi réttur hefur lækkað úr
950 krónum i 695. Ætla ég ekki að
reyna að likja þvi saman, hversu
hægara við eigum með að selja
laxinn á nýja verðinu.”
A Hressingarskálanum i
Austurstræti fékk Vísir þær
upplýsingar, að þar hafi þegar átt
sér stað verðlækkanir. Glóðar-
steikt lambalæri, sem kostaði
áður 510 krónur, hefur lækkað um
20 krónur, og lambasmásteik
lækkaði um 40 krónur og kostar
þvi núna 380 krónur. Skal það tek-
iö fram, að innifalið i verðinu er
bæði söluskattur og þjónustu-
gjald, sem er samtals 32 prósent.
A sama stað kostarmjólkurglas
I dag 30 krónur, en kostaði áður 35
krónur. Sama verð er á osti, en
skyrið, sem kostaði áður 170,
kostar nú 150 krónur.
A „Hressó” kosta frönsku kar-
töflurnar i dag 80 krónur
skammturinn og hefur þá lækkað
um 20 krónur. Þegar Vlsir spurð-
ist fyrir um verð á þessum kar-
töflurétti annars staðar kom i
ljós, að mikils misræmis gætir i
verðlaginu. A einum staðnum
kostar skammturinn 160 krónur,
og er það sama verð og fyrir
verðlækkanirnar. „Olian, sem
kartöflurnar eru steiktar i, hefur
hækkað i verði og vegur upp á
móti lækkun kartöfluverðs,” var
skýringin, sem gefin var á þeim
stað.
Loks má geta þess, að á þeim
grillstað, sem getiö er um i
upphafi þessarar fréttar, var að-
eins eina breytingu að finna á
verðskránni: Einn rétturinn hafði
hækkað um 80 krónur.
— ÞJM
Sovézkar flotaœfingar
milli íslands og Noregs
Tuttugu og fimm
sovézk herskip eru nú að
æfingum á svæðinu milli
islands og Noregs.
Fréttastofan NTB hefur
það eftir norsku yfirher-
stjórninni/ að flotinn hafi
sézt sigla frá Murmansk
fyrir nokkrum dögum og
hann stundi nú æfingar
austanvið linu# sem dreg-
in er milli islands og Jan
Mayen og upp að strönd-
um Noregs.
Visir hafði samband við
varnarliðið á Keflavikurflug-
velli og fékk eftirfarandi upp-
lýsingar um þessar flotaæfingar
Rússa:
„Við höfum orðiö varir við
aukin umsvif á hafinu milli ís-
lands og Noregs, sem gefa til
kynna, að þar fari fram sovézk-
ar flotaæfingar, sem ná bæði til
æfinga á sjó og i lofti. Varnarlið-
ið á íslandi i samvinnu við her-
lið annarra NATO-rikja stundar
eðlileg eftirlitsstörf á svæðinu
og fylgist með ferðum þar.”
1 frétt NTB segir, að i sovézku
flotadeildinni séu fjögur beiti-
skip af gerðunum Sverdlov og
Kresta. Kresta-skipin (6600
tonn) eru -með bezt búnu
sovézku herskipunum og eru
þau vopnuð nýjustu eldflaugum
sovézka flotans, svonefndum
SSN-10 eldflaugum, sem draga
30 sjómilur.
Ef að likum lætur munu flota-
æfingar þessar standa yfir I
nokkra daga. Það er orðið
venjubundið, að sovézki flotinn
stundi voræfingar á þessum
slóðum. Talið er, að fram-
varnarlina hans yrði um linu,
sem dregin er frá Grænlandi um
Island og Færeyjar til Skot-
lands, ef til átaka kæmi á Norð-
ur-Atlantshafi.
Flotadeildirnar, sem athafna
sig á þessum slóðum, koma úr
Norðurflota Sovétrikjanna.
Hann hefur bækistöðvar á Kóla-
skaga fyrir austan landamæri
Kortið sýnir mynztur sovézku
fiotaæfinganna vorið 1970. Þá
voru sameiginlegar æfingar
Noröurflota, Eystrasaltsflota og
Svartahafsfiota Sovétrikjanna á
Atlantshafi. Þessar æfingar
voru einhverjar þær umfangs-
mestu fram að þeim tima. 26
herskip úr Norðurflotanum tóku
þátt i þeim. t æfingunum, sem
fram fara núna, eru að minnsta
kosti 25 skip Norðurflotans.
Noregs og Sovétrikjanna.
Norðurflotinn er öflugasti floti
Sovétrikjanna, i honum eru 272
skip yfir 500 tonn. —BB—
FÆRT UM ALLA AÐALVEGI
— voraði vel fyrir vegina
„Það voraði vel hjá okkur fyrir
vegina”, sögðu þeir hjá Vega-
gerðinni, þegar við röbbuðum við
þá I morgun og leituðum upp-
lýsinga um færð á vegum núna
fyrir hvitasunnuna. Færðin er þvi
óvenjulega góð, miöað við að ekki
er komiö lengra fram á sumar.
Eftir þeim upplýsingum, sem
við fengum, er óhætt að aka um
alla aðalvegi landsins, hvert á
land sem fólk vill fara, austur á
firði, sunnan jökla, eða hvað ann-
að.
Hins vegar er annað mál með
útvegi á ýmsum stöðum, eins og
við má búast, og inn á hálendi er
enn ekki óhætt að fara. Þar er
snjór á leiðum og blautt um.
Fólk ætti liklega að komast i
Landmannalaugar um helgina,
en þar er þó anzi blautt ennþá.
Kjalvegur og Kaldidalur eru enn
ófærir.
Nú, svo megum við ekki
gleyma hringveginum. Hringur-
inn er opinn, svo það má búast
við að einhverjir leggi upp i reisu
áleiðis eftir honum. En þaö er þó
alltaf gott að hafa þaö i huga að
leggja ekki i neina ófæru, svo
menn verði ekki að hætta feröa-
lagi sinu þar sem sizt skyldi.
—EA
Bilarnir eru hér á leið um Sprengisand, en óvenjulegt er að sjá þessi farartæki á ferð um þetta leyti árs á þessari fallegu leið.
„FÆRÐIN MÁNUÐI
EN VENJULEGT ER"
Á UNDAN
— Fóru yfir Sprengisand,
en það er sjaldgœft í maí
Það er ekki oft sem það
skeður/ að menn leggi á
Sprengisand i maímán-
uði. Flestir myndu líka
kannski telja það skyn-
samlegra að geyma slíka
ferð þar til lengra er
komið fram á sumar. En
þeir voru ekki á þeim
buxunum sex-
menningarnir, sem lögðu
í hann um síðustu helgi.
Flestir þeirra þekkja líka
Sprengisand vel og hafa
farið þar margoft áður.
„Mjóadalsá var það erfiðasta
á íeiðinni. Vatnsmagnið i henni
var tvöfalt miðaö viö það, sem
gerist yfir sumartimann. Við
vorum á 3 jeppum. Einn þeirra,
Willysjeppi, flaut litillega, en
krafsaði sig fljótt upp”, sagði
einn þeirra sem fór og þekkir
leiðina vel, Friðrik Haraldsson
hjá Cudo-gler.
,,Á milli Mjóadalsár og Kiða-
gilshnjúks var að mestu snjó-
laust og lítil aurbleyta. Það var
kleift að fylgja veginum að
mestu nema á örfáum stöðum.
Ég held mér sé alveg óhætt að
segja, að færðin þarna er mán-
uði á undan þvi sem venjulegt
er. Frá Mjóadalsá að Sigöldu
vorum viö 9 tima, en það er
svona hálftima eða klukkutima
lengur en er á sumrin yfirleitt.”
Þeir sexmenningarnir voru á
3 jeppum, Blazer, Landrover og
Willys. Friðrik sagði, að enn
sem komið er, væri ekki óhætt
að fara nema á jeppum þessa
leið. En eftir svona 3 vikur verö-
ur leiöin væntanlega greiðfær-
ari miðað við það, aö Mjóadalsá
verði betri yfirferðar.
Helgina áður fóru sömu menn
inn á miðjan sand, sunnan frá,
og þá töldu þeir að vel væri fært
norður, en sökum tima- og
benzinskorts fóru þeir ekki alla
leið I það sinn.
—EA
bókstafina: Fylkingin missti bœði K-ið
„Við viljum fá k-ið.” „Nei, við
eigum að fá það.” „Hver á 1-ið?”
„P’áum við þá c-ið, ef viö fáum
ekki k-ið.” „Nei, þið megið ekki
fá c-ið.”
Eitthvað á þessa leið var barizt
um bókstafina fyrir dómstóii
kjörstjórnanna. Nýju stjórnmála-
flokkarnir telja miklu skipta,
hvaöa listabókstöfum þeim verð-
ur úthlutað.
Fylkingin, klofningsbrot úr Al-
þýðubandalaginu, baðum k eða c.
C-ið var i gamla daga bókstafur
Sameiningarflokks alþýðu-sósia-
listaflokksins en við stofnun Al-
þýðubandalagsins hlaut það g-ið.
Hannibal gekk þá til samstarfs
við sósialistaflokkinn, og c-ið var
taliðhafa einhvern blett. En i gær
sögðu Alþýðubandalagsmenn, að
þeir vildu ekki, að Fylkingin tæki
c-ið.
Fylkingin fékk heldur ekki k-ið.
Kommúnistasamtökin,
marxistarnir-leninistarnir, vildu
lika fá k-ið og fengu það, liklega
vegna þess, að þeir hafa k i heiti
sinu. Af þessum tveimur
klofningsbrotum úr Alþýðu-
bandalaginu unnu kommúnista-
samtökin að minnsta kosti þessa
lotu.
Fylkingin fékk þá bara stafinn
R.
Slagur lýðræðisflokkanna
tveggja stendur enn. Lýðræðis-
flokkurinn hefur fengið stafinn 1,
en landskjörstjórn úrskurðar sið-
ar i þessari rimmu.
og C-ið
Samtökin og Möðruvalla-
hreyfingin hafa f-ið.
Bókastafir listanna i Reykjavik
verða þvi liklega þessir: A-Al-
þýðuflokkur, B-Framsóknar-
flokkur, D-Sjálfstæðisflokkur, F-
Samtökin, G-Alþýðubandalag, K-
Kommúnistasamtökin,
marxistarnir-leninistarnir, L-lýð-
ræðisflokkur, R-Fylkingin. —HH