Lesbók Morgunblaðsins - 06.06.1998, Qupperneq 11

1 SÓLRÚN GUÐBJÖRNSDÓTTIR - ÁNING VIÐ SÖRLASKJÓL
Að upplifa sýn forfeðra okkar í gegnum skjáglugga er meginþema þessa verks. „Ánjng við Sörlaskjól“ er mótað úr ís-
lensku efni, hleðslugrjóti, mýrarmosa og torfi. Skjáglugginn er gerður sem líkastur því sem áður var, þ.e.a.s. ramminn
gerður úr timbri en líknarbelgur notaður til að hleypa inn birtu. Gestir sem á við verkið eru beðnir að ganga inn og horfa
á fjallasýn hinumegin fjarðarins í gegnum skjágluggann. Við þeim blasir Keilir sem hefur þríhyrningslaga form eins og
íverustaðir landa okkar til forna. Pegar sólar nýtur ætti að sjást vel til fjalla og jafnvel skipa eða báta sem um flóann
fara. Hin myrku hýbýli forfeðra okkar, byggingarefni og nýtni á þeim efnum sem landið og búfénaður gaf er umfjöllun
mín í þessu verki.
2 SÓLVEIG EGGERTSDÓTTIR
NÝ UMFERÐARLÖG II
Orðin umferð og umferðarreglur tengjast farartækjum í huga fólks.
I yfirfærðri merkingu snúast umferð og umferðarreglur um mannleg
samskipti sem byggjast á skráðum og óskráðum reglum, siðferðis-
og heimspekilegs eðlis. í verki mínu „Ný umferðarlög 11“ nota ég
umferðarskilti til að koma á framfæri 8 málsháttum og tilvitnunum
úr fornsögunum. Pessi sannleikskom sem borist hafa frá einni kyn-
slóð til annarrar varpa ljósi á hið sammannlega og fela í sér djúpa
speki. Ég býð sýningargestum uppá veganesti til íhugunar.
3 RÚRÍ-ÁTTIR
Listaverkið Áttir samanstendur af fjórum
sjónaukum. Þegar horft er í þá beinast sjónir
manna að ákveðnum stöðum, sem tilgreindir
eru innan á linsunni.
4 ÞÓRDÍS ALDA SIGURÐARDÓTTIR
„ÍSLANDS ÞÚSUND ÁR"
Varnir eru öruggari og sterkari þegar sam-
þjöppun og sameining er meðal þeirra sem
þurfa að verjast. Þjóðsöngur er sameiningar-
tákn, sem og vöm. Á hverjum poka verksins
er áletranin: „íslands þúsund ár“. Þessi þús-
und ár era samnefnari óralangs tíma og sögu-
legs samrana okkar við landið. Á sjávar-
kambinum, mörkum lands og sjávar, er gott
að búa sér til sýnilega línu sem í þessu tilfelli
er úr 365 hvítum seglpokum og minnir
kannski helst á varnargarð. Strandvarnir
geta verið síðustu forvöð til bjargar, til að
hughreysta og róa land sem er í uppnámi.
Verkið er tilvísun í varnir, í huglægri og eig-
inlegri merkingu. Orðið landvarnir minnir
okkur jafnt á utanaðkomandi ógnir sem og
aðgerðir til að vinna gegn þeim. Vegna
veðuratgangs, ofbeitar og ónærgætni manna
við þetta viðkvæma land mætti ætla að við
þyrftum nú, sem aldrei fyrr, að verjast eins
og stríðsmenn í slæmri stöðu til að missa
jarðveginn ekki í stóram stíl á haf út.
LESBÓK MORGUNBLAÐSINS ~ MENNING/LISTIR 6. JÚNÍ1998 1 1