Alþýðublaðið - 14.03.1987, Blaðsíða 2
2
Laugardagur 14. mars 1987
alþýðu-
■ n rnIM
Alþýðublaöið, Ármúla 38, 108 Reykjavík
Sími: (91) 681866, 681976
útaefandi: Blað hf.
Ritstjórar: Árni Gunnarsson og Ingólfur Margeirsson
Blaðamenn: Örn Bjamason, Ása Bjömsdóttir, Kristján Þor-
valdsson og Jón Daníelsson
Framkvæmdastjóri: Valdimar Jóhannesson
Skrifstofa: Halldóra Jónsdóttir og Eva Guðmundsdóttir
Sctning og umbrot Alprent hf„ Ármúla 38
Prentun: Blaðaprcnt hf„ Siðumúla 12
Askriftarsíminn
er 681866
Kjarni jafnaðarstefnu
Jón Sigurösson, efsti maður á lista Al-
þýöuflokksins í Reykjavík, gerir grein fyrir
lífi sínu og lífsviðhorfum í ítarlegu viötali
sem birtist í Alþýðublaöinu í dag. Þardreg-
ur hann saman stefnu Alþýðuflokksins í
einn kjarna þegar hann segir: „Ég vil berj-
ast gegn óréttlæti og finn til meö þeim
sem minna mega sín og eru beittir rangs-
leitni og kúgun. Menn geta ekki horft upp
á misrétti og sagt aö sér komi þaö ekki við.
Menn veröa aö staldra við og hugsa og
framkvæma síðan eitthvað sem gerir
heiminn eða a.m.k. þeirra nánasta um-
hverfi aö dálítið betri stað að búa og lifa á.
Allt snertirþettaokkurog okkurkemurallt
óréttlæti við. En hvað eru svo tilfinningar?
Tilfinningar eru ekki síst samkennd með’
öðru fólki. Þá erum við komnir að rótum
jafnaðarmennskunnar. Mér stendur ekki á
sama um fólk — það er kjarni jafnaðar-
mennskunnar að láta sér ekki standa á
sama um hagi annarra."
Kjarninn í stefnu Alþýðuflokksins er um-
önnun fyrir manninum. Þess vegna berst
flokkurinn fyrir því að efla stöðugleika og
nýsköpun í efnahagsmálum, og fyrir af-
komuöryggi og sanngjarnri tekjuskipt-
ingu. Alþýðuflokkurinn vill að hlutverk rík-
isins verði skilgreint að nýju og miðað við
þarfir nútímans. Alþýðuflokkurinn vill
minnkandi markaðsbúskap og minni ríkis-
forsjá í atvinnulífi, frjálsa útflutningsversl-
un og liðveislu við erlenda markaðssetn-
ingu og vöruþróun. Alþýðuflokkurinn vill
fækka og stækka sveitarfélög og færa
völd og fjármagn heim í héruð. Alþýðu-
flokkurinn vill staðgreiðslukerfi skatta en
ekki bara launafólks og að skattsvik verði
upprætt og fyrirtækin beri sinn hlut skatt-
byrðinnar. Alþýðuflokkurinn vill sameigin-
legan lífeyrissjóð fyrir alla landsmenn og
samræmd lífeyrisréttindi og að lífeyris-
sjóðurinn verði deildskiptur eftir lands-
hlutum. Alþýðuflokkurinn vill húsnæðis-
lán í stað lánsloforða og meira valfrelsi
milli séreignar og leigu. Alþýðuflokkurinn
vill lækkavexti með því að minnka skulda-
söfnun ríkissjóðs og að tekjuöflun ríkisins
hækki ekki lánskjaravísitölu. Alþýðuflokk-
urinn vill nýja heilbrigðisstefnu sem þátt í
sókn til betra mannlífs. Alþýðuflokkurinn
vill minni ríkisafskipti af atvinnulífi og
meiri velferð fyrir fólkið.
jr
I flóknum og tæknilegum umræðum
stjórnmálamannanna gleymist oft kjarni
umræðunnar: maðurinn sjálfur, fólkið í
landinu og velferð þess. Kjósendur, þ.e. all-
ur almenningur stendur oft utangátta með
sín daglegu vandamál og skilur illa tyrfinn
málflutning stjórnmálamanna. Einstakl-
ingurinn vill einnig oft gleymast [ hinni
pólitísku umræðu. Oft er það vegna þess
að hagsmunaöflin sem ráða ferðinni huga
ekki að sameiginlegum hag heildarinnar,
heldur safna saman fjármunum og völdum
í sérhópa. Traust almennings til alþingis-
manna fer að sjálfsögðu rýrnandi eftir því
sem miðstýringu og hagsmunagæslu sér-
hópa er meira stjórnað úr sölum alþingis.
Það er því mikilvægt að menn skilji þá
staðreynd að kjarninn í stefnu Alþýðu-
flokksins er að látasérekki standa ásama
um fólk. Alþýðuflokkurinn vill ekki að aft-
urhaldssöm miðstýringaröfl eða sérhags-
muna ráðskist með líf almennings í land-
inu. Alþýðuflokkurinn vill ekki horfa að-
gerðarlaus á kulda og mannfyrirlitningu
nýfrjálshyggjunnar sem tekur fjármagn
fram yfir manneskjuna. Alþýðuflokknum
er ekki sama að lágkúrumenning streymi
yfir landið á kostnað þjóðlegs menningar-
arfs. Alþýðuflokknum erekki sama hvernig
einstakiingum reiðir af í þjóðfélagi okkar.
Eitt af aðalsmerkjum jafnaðarstefnunnar
er og hefur alltaf verið mannúð og sam-
kennd með öðrum mönnum.