Alþýðublaðið - 14.03.1987, Blaðsíða 10

10
Laugardagur 14. mars 1987
Bjarni P.
Magnússon
kosningastjóri
Alþýðu-
flokksins:
Fundur í kosningamiðstöðinni að Síðumúla 12
Ástæðulaust að vera með
TAUGAVEIKLUN
út af skoðanakönnunum
Bjarni P. Magnússon,
borgarfulltrúi er kosn-
ingastjóri Alþýðuflokks-
ins fyrir alþingiskosning-
arnar 1987. Bjarni er ekki
ókunnur þessu starfi, því
hann hafði með höndum
yfirumsjón kosningamála
’78, þegar flokkurinn
vann sinn stœrsta og
glœsilegasta sigur. Við
hittum Bjarna að máli í
kosningamiðstöðinni, að
Síðumúla 12, og rœddum
um kosningabaráttuna og
pólitíkina.
Kosningamiðstöðin
„Hér hittast þeir sem skipa kosn-
ingastjórn og hérna eru allar helstu
ákvarðanir teknar. Það er síðan
okkar starfsmannanna að sjá um
að málum sé komið í framkvæmd;’
sagði Bjarni þegar við spurðum
hann fyrst urrrStarfið á kosninga-
miðstöðinni. „Þessi kosningamið-
stöð á að þjóna öllu starfi flokksins
í landinu og við leggjum því mikla
áherslu á að komast í gott samband
við skrifstofurnar á landsbyggðinni
og reyna að samræma starfið sem
kostur er. “ Þegar er búið að opna
kosningaskrifstofur á helstu þétt-
býlisstöðum í kjördæmunum. Þess-
ar skrifstofur geta síðan leitað til
kosningamiðstöðvarinnar varðandi
allar helstu upplýsingar og fengi
það efni sem gefið er út og að gagni
kemur í kosningabaráttunni. Að
sögn Bjarna er nú verið að leggja
síðustu hönd á allt kosningaefni.
Bjarni er 39 ára gamall og hefur
gegnt fjölda trúnaðarstarfa fyrir
flokkinn. Flestir kannast nú við
Bjarna sem borgarfulltrúann, en
áður hefur hann verið formaður
Sambands ungra jafnaðarmanna,
fræðslustjóri, unnið að gerð stefnu-
skrár fýrir ’78, ritstjóri Alþýðu-
blaðsins um skeið, verið formaður
framkvæmdastjórnar og I flokks-
stjórn. Bjarni var einnig sem áður
sagði kosningastjóri ’78 þegar
flokkurinn vann sinn glæsilegasta
sigur. Við spurðum Bjarna hvort
hann ætti von á einhverju hlið-
stæðu í alþingiskosningum ’87:
Sveitarstjórnarkosning-
arnar þáttaskil
„Ég er sannfærður um að við náum
betri árangri en 1978. Við höfum
alltaf unnið á þegar kosningabar-
áttan er komin í gang og ég á ekki
von á því að það verði nein breyting
á. “ Bjarni benti t.d. á að í borgar-
stjórnarkosningunum var hann
ekki inni samkvæmt sumum skoð-
anakönnunum. „Við höfum alltaf
unnið vel á endasprettinum og þó
við höfum verið að fara niður sam-
kvæmt síðustu könnunum, þá veg-
ur það á móti, hve við stöndum
miklu betur að vígi nú en ’78.
Flokkurinn er miklu breiðari í dag.
Sveitarstjórnarkosningarnar mörk- ?
uðu viss þáttaskil fyrir okkur, þegar
við fengum fjölda frambjóðenda
inn i sveitarstjórnir. Þetta fólk kem-
ur nú til starfa í flokknum og við
sjáum það á listunum og verðum
virkilega vör við það í öllu starfi.“
Bjarni sagði að hingað til hafi
stefna og starfsemi flokksins mikið
til verið mótuð af þingflokknum,
og e.t.v. meira en í öðrum flokkum.
Þetta telur hann hins vegar mikið
hafa breyst eftir síðustu sveitar-
stjórnarkosningar. „Það sem skipt-
ir mestu máli er að alls staðar þar
sem við höfðum afl til í sveitar-
stjórnunum, tókum við að okkur
stjórn og öxluðum ábyrgðina. Við
erum því með í dag fjölda ungra
karla og kvenna sem eiga eftir að
verða stjórnmálamenn framtíðar-
innar og hafa gífurleg áhrif innan
flokksins.“
Fátækur flokkur
Bjarni er þaulkunnugur fjármál-
um Alþýðuflokksins. í formannstíð
hans hófst mikill uppgangur hjá
Sambandi ungra jafnaðarmanna
og arftakar hans hafa í engu slakað
á, þannig að í dag á SUJ eignir upp
á margar milljónir króna. Það er
hins vegar ekki mikið ríkidæmi hjá
flokknum sjálfum. Við spurðum
því Bjarna hvort „fátæktin" hái
ekki flokknum I öllu kosninga-
starfi: „Alþýðuflokkurinn er að
mínum dómi nokkuð vel rekinn. Þó
t.d. Alþýðublaðið hafi ekki verið
nema fjórar síður, þá höfum við
ekki tapað á því. Flokksskrifstofan
er rekin af einum og hálfum starfs-
manni og allur kostnaður því í lág-
marki. Þetta gerir það að verkum
að megnið af því fjármagni sem við
höfum, getur farið í að reka öfluga
kosningabaráttu. Við höfum ekkert
bákn sem tekur allt til sín. Sjálf-
stæðisflokkurinn er t.d. rekinn eins
og fyrirtæki, allan ársins hring.
Framsókn er með Tímann á hausn-
um og Alþýðubandalagið þarf ef-
laust að setja einhverja peninga í
Þjóðviljann þó ég vilji ekki fullyrða
neitt um það. Alþýðublaðið er hins
vegar rekið með hagnaði þrátt fyrir
smæð sína.
Ég er ekki að segja að við höfum
mikið fjármagn umleikis en ég held
að við höfum alveg nægilegt svig-
rúm til að reka öfluga og öðruvísi
kosningabaráttuí*
En, það hlýtur að há flokknum
að hafa ekki sterkara blað eða fjöl-
miðil?
„Auðvitað er visst öryggi í því að
hafa sterkan fjölmiðil. Það væri
t.d. ekki ónýtt að hafa Morgunblað-
ið eða Dagblaðið. — Þó, þau dag-
blöð séu okkur ekki fjandsamleg,
þá er vitað mál að þau hliðra til fyr-
ir Sjálfstæðinu — ef eitthvað er.
Þessi blöð leitast þó við að túlka
sjónarmið manna og eru yfirleitt
mjög opin fyrir greinarskrifum,
sérstaklega Dagblaðið, og Morgun-
blaðið hefur mér vitanlega aldrei
neitað neinum um grein.
Fyrir stjórnmálaflokk skiptir
auðvitað miklu að hægt sé að koma
skoðunum á framfæri. Það hefur
sýnt sig að það er ekki nauðsynlegt
að flokkar eigi endilega öflugan
fjölmiðil svo hægt sé að vinna
kosningar. Við unnum okkar
stærsta sigur þrátt fyrir að Alþýðu-
blaðið væri Iítið“
Vinnustaðafundir
Bjarni sagði að Vilmundur
Gylfason hefði haft mikla hæfi-
leika til að ná athygli og umfjöllun
fjölmiðla. Hann hefði einnig rutt
braut kjallaragreinanna. í kosning-
unum ’78 byrjuðu einnig Vilmund-
ur og Bjarni með vinnustaðafund-
ina sem vöktu mikla athygli. „Þetta
var gífurlega erfitt til að byrja með.
Okkur var t.d. sumstaðar hent út.
En ég er ekki í nokkrum vafa um að
vinnustaðafundirnir hjálpuðu okk-
ur mikið í þessum kosningum"
Bjarni telur að e.t.v. hafi vinnu-
staðafundir ekki sömu áhrif í dag.
„Ég held þó engu að síður að þeir
séu nauðsynlegir og þar njóti sumir
stjórnmálamenn sín best. Vilmund-
ur var mjög sterkur á slíkum fund-
um og Jón Baldvin nýtur sín mjög
vel augliti til auglitis við fólkið. —• í
keppninni um frítíma fólks hlýtuf
að vera einfaldast að fara til þess.
Þar komast menn heldur ekki hjá
því að finna undirtektirnar"
Skoðanakannanir
Nokkuð hefur verið deilt um
skoðanakannanir og áhrif þeirra á
kjósendur. Því vilja einnig sumir
halda fram að stjórnmálaflokkar
hagi orðið kosningabaráttu sinni
með tilliti til þess hvenær skoðana-
kannanir eru framkvæmdar. Menn
benda á að yfirleitt leki út hvenær
skoðanakönnun fer I gang og því sé
hægt að haga áróðri í samræmi við
það: „Ég held ég geti fullyrt að Al-
þýðuflokkurinn geri það ekki. Það
kvisaðist reyndar út á dögunum að
nú færi DV af stað með könnun. Ég
held þó að það hafi frekar verið eitt-
hvað sem menn höfðu á tilfinning-
unni. Afstaða DV og Morgunblaðs-
ins til Sjálfstæðisflokksins kemur
e.t.v. best í ljós undir þessum kring-
umstæðum eins og um helgina þeg-
ar DV er með skoðanakönnun í
gangi á sama tíma og landsfundur
Sjálfstæðisflokksins stendur yfir.
Það er auðvitað verið að gera þeim
greiða með því að framkvæma
skoðanakönnun í kringum lands-
fund.
Ég tel þó ástæðulaust að vera
með einhverja taugaveiklun út af
skoðanakönnunum"
Unga fólkið
— í þessum kosningum kemur
fram stór hópur ungs fólks undir
tvítugu. Kemur þessi hópur til með
að breyta einhverju um kosninga-
baráttuna og úrslitin?
„Ég held að stór hluti ungs fólks
í dag sé vel upplýst um stjórnmál.
En þeir sem velta þessum hlutum
lítið fyrir sér hljóta að byggja mikið
afstöðu sína á þeim sem í framboði
eru og vilja þá gjarnan fylgja þeim
sem koma til með að vinna. Ég tel
einnig að ungt fólk sem aðhyllist fé-
lagshyggju og vill almennt afskipti
ríkisvaldsins af mannúðarmálum,
geti hugsað sér að kjósa, Alþýðu-
flokk, Framsókn, Alþýðubandalag
eða Kvennalista. Það skiptir þvi
miklu hver þessara aðila er í sókn,
hverjir eru djarfastir og hverjir eru
liklegastir til að vinna.
Ég held að það hjálpi okkur mik-
ið núna gagnvart þessu óákveðna
fólki, hversu mikið við höfum tekið
að okkur ábyrgðarstöður í stjórnun
bæjarfélaga. Ég hef þá trú að þetta
fólk treysti okkur til að gera eitt-
hvað. — Ég held til dæmis að stór
hluti þess fólks sem studdi okkur
’78 hafi haldið áfram að styðja okk-
ur. Það er t.d. kórvilla að halda því
fram sífellt að við séum að taka eitt-
hvað af Sjálfstæðisflokknum.
Við höfum séð til þess að Sjálf-
stæðisflokkurinn hefur ekki fengið
eins mikið fylgi ungs fólks og þeir
hafa talið eðlilegt samkvæmt gam-
alli forskrift."
- En hver eru helstu mál í kosn-
ingabaráttunni?
Stóru málin
„Það er óhætt að segja að þessi
kosningabarátta snúist um stórmál.
í lífeyrissjóðsmálinu eigum við