Alþýðublaðið - 03.10.1987, Qupperneq 2

2
Laugardagur 3. október 1987
f ítilrœði
■ Flosi Ólafsson
af skriftamálum
Ég vona að það sem hér verður sagt kvis-
ist ekki.
Ég má ekki til þess hugsa að hugrenn-
ingasyndirmínarverði lýðum Ijósar, hvað þá
að einkamál mín og fjölskyldu minnar kom-
ist í hámæli, þó ég hafi af undarlegum og
líklega annarlegum hvötum stundum fund-
ið mig knúinn til að setja helgustu leyndar-
mál mín og stundum annarra á þrykk.
Mér skilst að það sé ein af frumþörfum
mannskepnunnar að „leysa frá skjóðunni",
eins og það er stundum kallað, og ákaflega
oft þarf slíkt að gerast í trúnaði.
í kaþólskum löndum halda menn geð-
heilsunni með því að skrifta reglulega fyrir
presti inní þartilgerðum skriftastóli, en í
löndum þar sem menn eru að brjástra við
það að vera trúlausir er gengið reglulega til
skrifta hjá sálfræðingi og við það tapa
menn geðheilsunni, svona einsog gengur
og gerist.
Það sem meginmáli skiptir er það að allir
þurfa að „létta á sér“, „moka út“, trúa ein-
hverjum fyrir búksorgum sínum, hugrenn-
ingasyndum og myrkraverkum. Mann-
skepnunni virðist óbærilegt að búa yfir
leyndarmáli, án þess að deila því á einhvern
hátt með einhverjum.
Og þannig hætta leyndarmál að vera
leyndarmál og verða á allra vitorði.
Fræg er sagan af rakara Mídasar kon-
ungs, sem komst að því að kóngurinn hafði
asnaeyru og fannst óbærilegt að búa einn
yfir leyndarmálinu. Hann gróf holu í jörðina
og hvíslaði ofaní hana:
— Mídas konungur er með asnaeyru.
Við þetta létti rakaranum stórlega þar
sem hann hugði leyndarmálið eilíflega graf-
ið. Þegar frá leið óx á staðnum reyrrunni og
æ síðan hvíslaði laufkrónan þessi orð, þeg-
ar vindurinn lék um hana:
— Mídas konungur er með asnaeyru.
Árum saman hef ég hvíslað mínum helg-
ustu leyndarmálum á aðra síðu Þjóðviljans
í þeirri veiku von að það sem þar stóð færi
ekki lengra. Og til að byrja með gekk þetta
svosem ágætlega. Ég gat — án þess að eftir
því væri tekið — skrifað eitt og annað sem
enginn sómakær maður ætti að látá frá sér
fara, líklega annaðhvort vegna þess að hug-
renningar mínar áttu lítið erindi við lesend-
ur, eða þá vegna þess hvað Þjóðviljinn er
sjaldgæft blaó.
Á síðari árum hefur það svo gerst æ oftar
að helgustu leyndarmál mín og minna hafa
komist í hámæli bara vegna þess að ég
skrifaði um þau í Þjóðviljanum.
Það er sem sagt á hreinu að því er ekki
lenguraðtreystaaðenginn lesi Þjóðviljann.
Öðru máli gegnir um Alþýðublaðið. Ég
hef það fyrir satt að það málgagn — stund-
um kallað safnaðarbréf kratanna — komi
aldrei fyrir augu nokkurs manns. Þess
vegna ætti mér að vera óhætt að skrifa í Al-
þýðublaðið hvað sem mér dettur í hug, án
þess að þurfa að óttast að það sem þar er tí-
undað fari lengra.
Vonandi fer ekki fyrir mér einsog rakara
Mídasar.
Ef einhverskyldi hinsvegar, fyrirslys, rek-
ast á þessi skriftamál mín, þá bið ég þann
hinn sama að taka þau sem algert trúnaðar-
mál sem við getum þá átt saman, hann, Al-
þýðublaðið og ég.
Það er þá fyrst til að taka — og ég vona að
það fari ekki lengra — að mérer gersamlega
fyrirmunað að vera alvarlegur þegar mjög al-
varlegar uppákomur eiga sér stað í íslensk-
um stjórnmálum. Ég ferbara að skellihlæja.
Huggulegt ef þetta fréttist.
Allasíðustu viku erég búinn að vera í sól-
skinsskapi útaf umbrotunum í Borgara-
flokknum og Alþýðubandalaginu.
Landsfundur Borgaraflokksins hefur aó
mestu snúist um viðbrögð við ótímabærum
getnaði.
Fróðir menn telja að ótímabærasti getn-
aður allrar íslenskrar stjórnmálasögu sam-
anlagðrar hafi verið þegar Borgaraflokkur-
inn kom undir fyrir slys, einfaldlega vegna
þess að formaður Sjálfstæðisflokksins var
of bráðlátur í hita augnabliksins og passaði
sig ekki „í suðunni“, einsog það er kallað.
Útúr þessum ástlausaflumbrugangi kom
svo undanvillingurinn í heiminn og á áreið-
anlega eftir að verða íslensku þjóðinni til
mikillar gæfu einsog svo margir aðrir bast-
arðar mannkynssögunnar.
Enda kemur það fram í stjórnmálaálykt-
uninni að flokkurinn ætlar, umfram allt, að
beita sér fyrir málefnum sem varða þjóðar-
heill og öðrum hefur ekki áður hugkvæmst
að snúa sér að.
Borgaraflokkurinn ætlar til dæmis að
taka á verðbólguvandanum, launa og
skattamisrétti, byggðastefnunni, afvopnun-
armálum, mengunarmálum, vega- og sam-
göngumálum, sérþörfum lítilmagnans og
beita sér fyrir umbótum þar sem þeirra er
þörf, ekki síst með því að stuðla að því —
einsog segir í stjórnmálaályktuninni — „að
landið byggist einsog landkostir bjóði“.
Þegar kom að því að ræða það, hvernig
bregðast ætti við ótímabærum getnaði
stóð Hulda Jensdóttir upp og sagðist hafa
gengið í flokkinn útaf stefnuskránni.
Þá setti marga hljóða.
Menn voru einfaldlega ekki klárir á því
hvort stefnuskráin hefði nokkurntímann
verið samin, hvað þá birt.
Á miðstjórnarfundi Alþýðubandalagsins
virðist það hinsvegar hafa verið ríkjandi
skoðun að ófarirnar í síðustu kosningum
hafi stafað af skorti á reynsluleysi flokksfor-
ystunnar.
Þess vegna er nú efst á blaði í Alþýðu-
bandalaginu að sparka eigin þingmönnum
útaf Alþingi, þ.e.a.s. þeim sem þjóðin var
ekki þegar búin að hafna í kosningunum.
Með þessum aðgerðum hyggst æsku- og
kvennablómi Alþýðubandalagsins leiða
flokkinn til sigurs í náinni samvinnu við fé-
lags og sálfræðinga, því öllum er Ijóst að nú
þarf Alþýðubandalagið á félagslegri sál-
gæslu að halda.
Það er semsagt talið fullvíst að þeir sem
setið hafa þrjú kjörtímabil á þingi fyrir Al-
þýðubandalagið hafi þar með glatað
reynsluleysi sínu og þá eigi þeir eða þær að
takavið sem enn hafatil að bera umtalsvert
reynsluleysi.
Guð láti gott á vita.
FRETTAGETRA UN
Okkur langar að hefja hér svolítinn leik — eins konar spurninga-
leik. Þið, kæru lesendur, eigið að geta upp á atburðum liðins
mánaðar. Leita svara við því sem hefur verið ofarlega á baugi i
fréttum. Leikurinn er auðveldur. Þið svarið með þvi að setja X i
þann reit sem er réttur að ykkar mati. Þrír kostir verða gefnir
hverju sinni, og aðeins einn er réttur. MERKIÐ X í RÉTTAN REIT.
Hefjum leikinn:
a) Ráðherra var sagður lagö-
ur inn vegna þess að gamalt
bros tók sig upp. Ráðherra
þessi var:
( ) Þorsteinn Pálsson
( ) Jóhanna Sigurðardóttir
( ) Halldór Ásgrímsson
b) Bæjarstjórn Siglufjarðar
lenti í óvanalegu máli í
september. Samþykkt var
með eins atkvæða meirihluta
að:
( ) Heimila Síldarverksmiðj-
um ríkisins að opna
sjoppu.
( ) Leyfa vitaverðinum á
Siglunesi að leggja veg
heim til sin.
( ) Mynda samstjórn allra
flokka i bæjarstjórn.
c) Myndin er af þekktum
þjóðarleiðtoga — nefnilega:
( ) Páfanum
( ) Kohl, þeim þýska
( ) Gorbatsjoff úr Sovét.
d) Á íslandsmótinu í knatt-
spyrnu vann Valur i karla-
flokki, en hverjar unnu í
kvennaflokki?
( ) Valur
( ) Akranes
( ) Leiftur
e) Hvalavinir keðjuðu sig
fasta við hvalveiðiskip í sólar-
hring. Forstjóri Hvals taldi
þá ■ •;
( ) Utsendara páfagarðs
( ) Leppa geðlæknis í
Reykjavík
( ) Grænfriðunga í dular-
gervum.
f) Fjármálaráöherra greindi
frá því, að um 1 þúsund mill-
jónir króna væru notaðar i
kaupleigukerfi til þess að
i fjármagna ...
( ) Bifreiðakaup
( ) Niðurgreidda vexti
( ) íbúðir láglaunafólks
g) Skuttogari bættist í flot-
ann fyrir skömmu og heitir
sá Sjóli. Sjóli er gerður út
frá...
( ) Hólmavík
( ) Grundarfirði
( ) Hafnarfirði
h) Samkvæmt taxta ASÍ eru
mánaðarlaun skúringakvenna
sem hafa 18 ára starfsreynslu
(miðað við septembertaxta):
( ) 43105 krónur
( ) 34105 krónur
( ) hálf ráðherralaun
i) Verðlagsráð kærði stórfyr-
irtæki, vegna þess að með
eintaki af keyptri vöru var
lofað:
( ) 100 þúsund króna fund-
arlaunum
( ) Gulli og grænum
skógum
( ) Maíjorkaferð
Sendið svörin á Alþýðublaðið
— laugardagur —
Ármúla 38 — 108 Reykjavík.
Dregið verður úr réttum
lausnum og eru verðlaun hin
glæsilega bók ísabellu
Allende: HÚS ANDANNA.
Mál og menning gefur bókina
út.