Morgunblaðið - 04.02.2001, Page 2

FRÉTTIR
2 SUNNUDAGUR 4. FEBRÚAR 2001 MORGUNBLAÐIÐ
MORGUNBLAÐINU í dag
fylgir bæklingur frá Heims-
ferðum, „Sumar 2001“.
NOKKUÐ harður árekstur varð á
Suðurlandsvegi við gatnamót
Þrengslavegar um klukkan sjö í
fyrrakvöld. Að sögn lögreglu urðu
engin slys á fólki en bílarnir
skemmdust mikið og voru dregnir á
brott með dráttarbifreið. Ekki er vit-
að um tildrög slyssins.
Árekstur á
Suðurlandsvegi
HERRUM var boðið upp á ókeypis
rakstur á Hárhorninu í gær hjá
rökurunum Torfa Geirmundssyni
og Haraldi Davíðssyni. Takmark
þeirra var að setja Íslandsmet í
rakstri og raka minnst 200 menn
og þegar Morgunblaðið náði tali af
Torfa klukkan rúmlega 11 í gær-
morgun höfðu þeir rakað um 20.
„Rakarastofan er stútfull en menn
byrjuðu að streyma hingað inn
klukkan tíu í morgun,“ sagði Torfi.
„Við reiknuðum með að raka svona
20 til 24 á klukkustund og það hef-
ur nokkurn veginn gengið eftir
enn sem komið er. Ef fram heldur
sem horfir verðum við búnir að
raka alla 200 um klukkan átta í
kvöld.“ Torfi sagði að mennirnir
sem komið hefðu væru á öllum
aldri, alveg frá átján ára og upp í
rúmlega sextugt. Hann sagði að
ungir menn vissu margir hverjir
lítið um rakstur og því væri þeim
veitt sérstök ráðgjöf á meðan verið
væri að raka þá. Hann sagði að
reyndar kæmi líka fyrir að eldri og
reyndari menn vissu lítið eða hefðu
alla tíð rakað sig vitlaust og þá
væri það leiðrétt.
Herrum var boðið upp á ókeypis rakstur á Hárhorninu
Morgunblaðið/Ásdís
Rakararnir Torfi Geirmundsson (t.v.) og Haraldur Davíðsson veittu mönnum ókeypis rakstur og ráðgjöf.
Takmarkið að raka 200 menn
ÓLAFUR Örn Haraldsson alþingis-
maður, sem tilkynnt hefur framboð
sitt til varaformanns í Framsóknar-
flokknum, segist alfarið vera á móti
tillögu samgönguráðherra um að
leyfum vegna þriðju kynslóðar far-
síma verði úthlutað á grundvelli
samanburðarútboðs. Hann segist
vilja fara útboðsleið því aðeins með
því móti verði hægt að tryggja að
þjóðin fái sanngjarnt verð fyrir auð-
lind sína.
„Ég er alfarið á móti þeirri leið
sem samgönguráðherra hefur kynnt.
Ég legg áherslu á að tekin verði
ákvörðun um að fara uppboðsleið.
Ég vil ekki að þessi auðlind þjóðar-
innar verði afhent fáum aðilum til
ráðstöfunar og stórgróða í viðskipt-
um sín á milli. Þannig vil ég tryggja
að þjóðin fái sanngjarnt gjald fyrir
auðlind sína.
Ég tel einnig að það eigi að að-
skilja ljósleiðarann frá annarri starf-
semi Landssímans og að ríkið eigi
ekki að selja hann. Ljósleiðarinn er
mikilvægasti hluti grunnnetsins og
getur, ef rétt er haldið á málum, ver-
ið öflugasta tækið við að byggja upp
þekkingariðnað á landsbyggðinni.
Jafn aðgangur á sama verði á að vera
fyrir almenning og fyrirtæki hvar
sem er á landinu. Með þessu vil ég
tryggja almannahagsmuni umfram
sérhagsmuni.“
Ólafur Örn Haraldsson
Andvígur
tillögu
samgöngu-
ráðherra

Flokkurinn/28
ATKVÆÐAGREIÐSLU er lokið
um þrjá kjarasamninga sem Rafiðn-
aðarsambandið hefur nýlega gert og
voru þeir allir samþykktir. Samning-
ur RSÍ við Landsvirkjun var sam-
þykktur og sögðu 29 já, 5 nei og 2
seðlar voru auðir. Samningur RSÍ
við Landssímann vegna starfsmanna
sem eru í Félagi símamanna og RSÍ
var samþykktur með 188 atkvæðum.
106 sögðu nei og 4 skiluðu auðu. Raf-
eindavirkjar, rafvirkjar og símsmiðir
sem starfa hjá Landssímanum
greiddu atkvæði sér og sögðu 85 já,
28 nei, en einn seðill var auður.
Rafiðnaðarsambandið á ólokið
gerð fjögurra samninga. Sambandið
á aðild að samningum við ÍSAL, en
samningur við fyrirtækið var felldur
í síðasta mánuði. Deiluaðilar hafa fal-
ið ríkissáttasemjara verkstjórn við-
ræðna, en deilunni hefur ekki verið
formlega vísað til hans ennþá. Sátta-
semjari hefur átt nokkra fundi með
samningamönnum og kynnt sér hvað
ber í milli. Óljóst er hvaða stefnu við-
ræðurnar taka.
RSÍ hefur vísað deilu sinni við
launanefnd sveitarfélaga vegna
Norðurorku (Rafveitu Akureyrar) til
sáttasemjara. Haldnir hafa verið
fundir með honum og hefur nokkuð
miðað eftir því sem fram kemur á
heimasíðu Rafiðnaðarsambandsins.
RSÍ á einnig ólokið gerð samnings
við Ratsjárstofnun og Kögun. Kjara-
viðræður eru rétt nýhafnar.
Nokkrir félagsmenn í RSÍ starfa
hjá Norðuráli á Grundartanga.
Stéttarfélögin hafa lagt fram kröfur
sínar og verða samningafundir strax
eftir helgi.
Þrír samn-
ingar RSÍ
samþykktir
SVEITARSTJÓRI Vatnsleysu-
strandarhrepps, Jóhanna Reynis-
dóttir, segir að eigendur Hitaveitu
Suðurnesja hafi komist að samkomu-
lagi um verðmat fyrirtækisins vegna
fyrirhugaðs samruna við Rafveitu
Hafnarfjarðar.
Eins og kom fram í Morgun-
blaðinu í gær samþykkti hrepps-
nefnd Vatnsleysustrandarhrepps
samrunaáætlun veitnanna á fundi
sínum á föstudag.
Hreppsnefndin hafði áður fellt
samrunaáætlunina þar sem farið var
fram á samræmt verðmat fyrirtækj-
anna beggja. Af samrunanum gat því
ekki orðið 1. janúar sl. eins og ráð-
gert var. Eignarhluti hreppsins er
3,57% en allir aðrir eigendur, ríkið
og fjögur sveitarfélög á Suðurnesj-
um, höfðu samþykkt samrunann.
Sveitarfélögin eru Reykjanesbær,
Grindavík, Sandgerði og Gerða-
hreppur.
„Við vorum í sjálfu sér ekki mót-
fallin samrunanum heldur töldum
við verðmatið ekki hafa verið rétt.
Samkomulag náðist milli eigendanna
um leið, sem gerði að verkum að við
tókum málið aftur upp og samþykkt-
um samrunann. Forsendur breytt-
ust í átt til vilja okkar,“ segir Jó-
hanna, sem telur að fljótlega geti
orðið af samrunanum þegar öllum
formþáttum er lokið, s.s. lagabreyt-
ingum á Alþingi.
Vatnsleysustrandarhreppur um samruna Hitaveitu
Suðurnesja og Rafveitu Hafnarfjarðar
Sættir sig við verðmatið
HALLDÓR Blöndal, forseti Al-
þingis, efast um gildi þess að
koma upp lagaráði við Alþingi
sem meti stjórnskipunargildi
laga. Halldór sagði þetta m.a. í
ávarpi sínu í gær á ráðstefnu
Félags stjórnmálafræðinga og
Lögfræðiakademíunnar um
stöðu þjóðþinga og fram-
kvæmdavalds á Norðurlönd-
um. Yfirskrift ráðstefnunnar
var „Hvert stefnir valdið?“.
Í ávarpi sínu vék Halldór að
bréfaskiptunum við Hæstarétt
vegna öryrkjafrumvarpsins
svonefnda.
„Aðalatriðið í þessu er auð-
vitað að það þýðir ekki að skipa
lagaráð eða einhverja stoð fyrir
þingið nema það sé nokkurn
veginn tryggt að þingmenn vilji
þiggja ráð, jafnvel þegar ráðin
eru öndverð þeirra eigin skoð-
un,“ sagði Halldór. Vitnaði
hann, máli sínu til stuðnings, til
þess að lagaprófessorum, sem
kallaðir voru fyrir heilbrigðis-
og trygginganefnd Alþingis
vegna öryrkjafrumvarpsins,
hefði ekki tekist að sannfæra
nefndarmenn.
Forseti Alþingis
á ráðstefnu stjórn-
málafræðinga
Efast um
gildi laga-
ráðs við
Alþingi SKOSKA verkfræðifyrirtækið Garr-
ad-Hassan, aðalráðgjafi Vindorku,
telur að hönnun Nils Gíslasonar upp-
finningamanns á nýrri gerð af vind-
myllum hafi ýmislegt fram yfir þá
tækni sem nú er ráðandi á vind-
myllumarkaðnum þegar kemur að
hönnun stærri vindmylla. Stefán
Pétursson, stjórnarformaður Vind-
orku og fjármálastjóri Landsvirkj-
unar, segir að þetta mat sé mikilvæg-
ur áfangi í þeirri viðleitni
fyrirtækisins að koma hugmynd Nils
á markað.
Vindorka var stofnuð til að útfæra
og markaðssetja hugmynd Nils
Gíslasonar. Að fyrirtækinu standa
m.a. Landsvirkjun, Hitaveita Suður-
nesja og Nýsköpunarsjóður.
Stefán sagði að menn væru alveg
sannfærðir um að þessi hugmynd
gengi upp tæknilega. Það sem skipti
máli væri hins vegar hvort þessi
vindmylla gæti keppt við aðrar vind-
myllur á markaðnum. Þess vegna
hefði Vindorka óskað eftir skýrslu
frá Garrad-Hassan um þetta atriði.
„Úttekt þeirra bendir til þess að
okkar vindmylla hafi ekki yfirburði
umfram þær vindmyllur sem eru
ráðandi á markaðnum í dag, þ.e.
vindmyllur sem geta framleitt 600
kW til 1 MW. Þeir segja hins vegar
að eftir því sem vindmyllur stækki
séu verulegar líkur á að okkar tækni
sé hagkvæmari en sú tækni sem not-
ast er við í dag. Það eru ýmsir tækni-
legir þættir sem ráða þessu, m.a.
gjörðin sem heldur utan um myllusp-
aðana, kostnaður við spaðana sjálfa
og fleira.
Þetta er niðurstaða sem við erum
ánægðir með vegna þess að vind-
orkumarkaðurinn stefnir í stærri og
stærri myllur. Menn vilja bæði ná
meiru út úr hverri myllu og eins
skiptir máli kostnaður á framleitt
kílówatt,“ sagði Stefán.
Stefán sagði að stjórn Vindorku
væri komin að þeirri niðurstöðu að
nauðsynlegt væri að ná samstarfi við
stórt erlent fyrirtæki til að vinna að
þessu. „Ástæðan er bæði fjárhags-
leg, en ekki síður tæknileg. Við þurf-
um að fá sérfræðinga í hönnun og
framleiðslu til að vinna þetta með
okkur þannig að við fáum vöru sem
við erum ánægð með. Það er einnig
mjög mikilvægt að hafa sterkt erlent
nafn sem bakhjarl þegar við förum
að setja hana á markað. Við ætlum að
reyna á grundvelli þessarar skýrslu,
að nálgast valin stórfyrirtæki á þess-
um markaði og fá þau með okkur í
frekari vinnu. Við höfum raunar þeg-
ar hafið það starf, en það er of
snemmt að segja til um árangur.“
Stefán sagði að mikill áhugi væri á
vindorku í heiminum um þessar
mundir. Bæði vegna þess að hún
væri sjálfbær og eins vegna þess háa
verðs á olíu sem fyrirtæki hefðu búið
við að undanförnu. Til dæmis hefðu
stórir, erlendir bankar verið að
stofna sjóði sem sérhæfðu sig í þess-
um geira. Mjög vel hefði einnig geng-
ið hjá stærstu vindmyllufyrirtækjum
í heimi.
Verkfræðifyrirtæki gefur álit á íslenskri hönnun á vindmyllu
Vindmylla Vindorku er betri
þegar kemur að stækkun
Nils Gíslason við vindmylluna.