Morgunblaðið - 19.07.2001, Page 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 19. JÚLÍ 2001 VERÐ Í LAUSASÖLU 165 KR. MEÐ VSK.
FLUGFÉLAG Íslands (FÍ) tilkynnti í gær um
mikinn niðurskurð í rekstri félagsins frá og með 1.
október nk. Frá þeim tíma hættir félagið að fljúga
á tvo áfangastaði, Vestmannaeyjar og Höfn í
Hornafirði, og af þeim sökum verður stöðugildum
fækkað um 60. Það þýðir að segja þarf upp um 40
starfsmönnum á öllum rekstrarsviðum, allt frá
hlaðmönnum til flugstjóra, en í dag starfa hjá
félaginu um 230 manns.
„Þetta eru hörmuleg tíðindi og staðan sem upp
er komin er skelfileg fyrir okkur þar sem við erum
svo háð flugsamgöngum,“ segir Sigrún Inga Sig-
urgeirsdóttir, forseti bæjarstjórnar Vestmanna-
eyja, um ákvörðun félagsins. Hún sagði að Flug-
félag Vestmannaeyja héldi uppi flugi til
Bakkavallar og Selfoss en sagðist ekki vita hvort
félagið væri þess megnugt að fljúga til Reykjavík-
ur líka.
Albert Eymundsson, bæjarstjóri Hafnar, segir
að leiða hafi þegar verið leitað til að halda uppi
flugsamgöngum til Hafnar. Hann segist hafa trú á
að áfram verði flogið til Hafnar þótt ekki sé útséð
um hvaða flugfélag mun sjá um það og hve reglu-
legar ferðir verða. „Við munum leita allra leiða og
hafa samráð og samband við alla aðila sem geta
komið að þessum málum,“ segir hann.
Reiknað með að farþegum
fækki um 80 þúsund
Jón Karl Ólafsson, framkvæmdastjóri FÍ boð-
aði starfsmenn sína til fundar í gær þar sem
kynntar voru umfangsmiklar breytingar á rekstri
félagsins. Félagið flutti ríflega 400 þúsund farþega
innanlands í fyrra en eftir breytingarnar er reikn-
að með að þeim fækki um 80 þúsund.
Í viðtali við Morgunblaðið segir Jón Karl að að-
gerðirnar séu vissulega sársaukafullar fyrir alla
aðila en þær hafi verið nauðsynlegar til að koma í
veg fyrir að illa færi í rekstrinum.
FÍ hættir flugi til Hafnar og Eyja og segir upp 40 manns
Þetta eru hörmuleg tíð-
indi og staðan skelfileg
 Sársaukafullar/32
– segir forseti bæjar-
stjórnar Vestmannaeyja
ÍSLENSK erfðagreining hefur
gert samning við bandaríska fyr-
irtækið Applied Biosystems (ABI)
um sölu á hugbúnaði og samteng-
ingu á hugbúnaði Íslenskrar erfð-
greiningar og tækjabúnaði ABI á
sviði arfgerðargreiningar og grein-
ingar erfðaefnis mannsins.
Kári Stefánsson, forstjóri Ís-
lenskrar erfðagreiningar, telur að
ekki hafi verið gerður stærri hug-
búnaðarsamningur af íslensku fyr-
irtæki. Hann segir í samtali við
Morgunblaðið að samningurinn sé
afar mikilvægur þar sem hann færi
Íslenskri erfðagreiningu töluverð-
ar tekjur og veiti fyrirtækinu að-
gang að stórum markaði.
Verðmæti samningsins er hins
vegar ekki gefið upp en með samn-
ingnum er fram haldið þeirri þróun
að fyrirtækið tekur meiri þátt í
þeirri áhættu sem felst í að búa til
vöru og markaðssetja hana.
Sú greiðsla sem Íslensk erfða-
greining fær í upphafi er því hlut-
fallslega lægri, en hlutfall af vænt-
anlegum söluhagnaði hærra.
Upphaflegi samningur Íslenskrar
erfðagreiningar við Hoffman-La
Roche árið 1998 hljóðaði upp á 15
milljarða króna og samningur frá
byrjun þessa mánaðar við Roche
Diagnostics er metinn á um 30
milljarða króna.
Vonast eftir stærri
erfðarannsóknum
Robert C. Jones, framkvæmda-
stjóri hjá ABI, vonast til að sam-
starf ABI og Íslenskrar erfða-
greiningar geri mögulegar stærri
erfðarannsóknir en áður hafa tíð-
kast. ABI er sjálfstæð eining innan
Applera samstæðunnar en líf-
tæknifyrirtækið Celera Genomics
er það einnig. Sala ABI á síðasta
ári nam um 1,4 milljörðum Banda-
ríkjadala eða um 150 milljörðum
króna.
Aðspurður segist Kári búast við
að tap af rekstri Íslenskrar erfða-
greiningar snúist í hagnað á næstu
2-3 árum þar sem ýmislegt bendi
til þess að markaðssetning á
vörum fyrirtækisins verði auðveld-
ari í framtíðinni.
Lokagengi hlutabréfa deCODE
Genetics, móðurfélags Íslenskrar
erfðagreiningar, sem skráð eru á
Nasdaq hlutabréfamarkaðinn í
Bandaríkjunum, var í gær 8 dalir
og hafði lækkað um 4,91% frá fyrra
degi.
Ekki gerður stærri
hugbúnaðarsamningur
 Töluverðar tekjur/33
Kári Stefánsson, forstjóri ÍE, um nýjan samning
MIKIL áhersla er lögð á þéttingu
byggðar, í tillögum að svæðisskipu-
lagi höfuðborgarsvæðisins, sem
samvinnunefnd sveitarfélaganna á
höfuðborgarsvæðinu kynnti í gær.
Gert er ráð fyrir að árið 2024 verði
samfellt þéttbýli milli Mosfellsbæjar
í norðri og Hafnarfjarðar í suðri.
Talið er að íbúum svæðisins muni
fjölga um 60 þúsund á skipulags-
tímabilinu og að byggja þurfi 32 þús-
und nýjar íbúðir. Reiknað er með að
þétta megi núverandi byggð með sjö
þúsund íbúðum og að tæplega 16
hundruð hektara landsvæði þurfi
undir nýbyggingar á tímabilinu.
Helmingur flugvallarsvæðisins í
Vatnsmýrinni verður lagður undir
íbúðir og atvinnuhúsnæði á tíma-
bilinu. Þar er gert ráð fyrir að 2.500
íbúðir verði byggðar til ársins 2024.
Verði samþykkt að flugvöllurinn fari
burt úr Vatnsmýrinni verður þar
rúm fyrir 3.500 íbúðir til viðbótar.
Búist er við að bílaumferð aukist
um 40% á tímabilinu sem kallar á að
ráðist verði í umfangsmiklar fram-
kvæmdir á umferðarmannvirkjum.
Meðal annars er gert ráð fyrir að
grafa tvenn jarðgöng, önnur undir
Öskjuhlíð og hin undir austurbæ
Kópavogs. Áætlað er að milli 60 og
70 milljarða króna þurfi að leggja í
gatnaframkvæmdir, en heildar-
kostnaður vegna nauðsynlegra
framkvæmda á skipulagstímanum er
áætlaður 183 milljarðar.
Skipulag höfuðborg-
arsvæðis til 2024
Íbúum
fjölgar um
þriðjung
 Áhersla lögð/6
Morgunblaðið/Ásdís
REGNHLÍFIN er hálfgert þarfa-
þing fyrir gangandi vegfarendur
þessa dagana í höfuðborginni sök-
um vætusamrar tíðar. Þá er regn-
stakkurinn ekki síður mikilvægur
fyrir hjólreiðafólk. Ljósmyndari
Morgunblaðsins rakst á hóp fólks í
höfuðborginni í gær sem lét grenj-
andi rigningu ekkert á sig fá enda
vel útbúið til útiverunnar.
Regnhlífin
að vopni
SAMKVÆMT greinargerð sem
byggingarnefnd Þjóðleikhússins
skilaði til menntamálaráðherra í apr-
íl 1999 er kostnaður við uppbyggingu
og nauðsynlegar endurbætur á Þjóð-
leikhúsinu áætlaður um 1.240 millj-
ónir króna. Gerð er tillaga um sex
ára framkvæmdatíma og að veitt
verði á fjárlögum í fjögur ár til að
standa straum af kostnaðinum.
Í framkvæmdaáætlun greinar-
gerðarinnar er gert ráð fyrir að
framkvæmdir standi yfir í sex ár og
að þær verði unnar í einni lotu. Er
gert ráð fyrir fjórum raunverulegum
framkvæmdaárum og að þörf fyrir
árlega fjárveitingu á þeim tíma verði
um 300 milljónir króna að meðaltali.
Engin ákvörðun hefur enn verið
tekin af stjórnvöldum um endurbæt-
ur á Þjóðleikhúsinu, enda þótt ríf-
lega tvö ár séu frá því að greinargerð
byggingarnefndar Þjóðleikhússins
barst menntamálaráðherra í hendur.
Áætlanir nefndarinnar um kostnað
við endurbætur upp á 1.200 milljónir
króna hafa heldur ekki verið kynntar
með formlegum hætti í ríkisstjórn
eða í fjölmiðlum.
Björn Bjarnason menntamálaráð-
herra segir að tilgangur greinar-
gerðarinnar hafi verið sá að fá fram á
einum stað yfirlit yfir það sem óunn-
ið er talið við Þjóðleikhúsið og því
megi segja að hún sé eins konar
óskalisti sem ætlaður er til skoðunar
í ráðuneytinu og Endurbótasjóði
menningarbygginga, en eins og mál-
um sé háttað sé gengið að því sem
vísu að hann verði látinn standa und-
ir kostnaði við þessar framkvæmdir.
„Ég taldi nauðsynlegt að gerð yrði
slík heildaráætlun til að þeir aðilar,
sem kæmu að því að ákveða fram-
haldið, hefðu hana undir höndum.
Þetta er að sjálfsögðu ekki verk- eða
framkvæmdaáætlun,“ segir Björn.
Kostnaður
talinn nema
1.240
milljónum
 Viðhald og endurnýjun /11
Greinargerð bygg-
ingarnefndar
Þjóðleikhússins