Morgunblaðið - 07.10.2001, Blaðsíða 58

FÓLK Í FRÉTTUM
58 SUNNUDAGUR 7. OKTÓBER 2001 MORGUNBLAÐIÐ
BRESKA sveitin Travis hélt
tónleika á dögunum í hinni
hrjáðu stórborg New York.
Uppselt var á tónleikana sem
fram fóru í Radio City Music
Hall og voru áhorfendur um
6000. Það væri svo sem ekki í
frásögur færandi ef ekki væri
fyrir það að meðlimir ákváðu
að gera tónleikana að styrkt-
artónleikum. Allt fé sem kæmi
í kassann að tónleikum loknum
skyldi fara til slökkviliðsmanna
og annarra þeirra sem létust
við skyldustörf er hryðjuverk-
in áttu sér stað.
Áður en sveitin flutti lag sitt
„Happy“ tilkynnti söngvarinn Fran
Healy þessa ákvörðun og var fagnað
gríðarlega af áhorfendum fyrir vik-
ið.
Healy var sjáanlega hrærður yfir
viðtökunum og stappaði stálinu í
áhorfendur.
„Þakka ykkur hjartanlega fyrir.
Næsta lag er tileinkað öllum þeim
sem búa í New York,“ sagði Healy
áður en talið var í.
Travis styður New York-búa
Hljómsveitin Travis reyndist aufúsu-
gestur í New York á dögunum.
Góð tilfinning
HASARHETJAN Jackie
Chan bjargaði lífi eins
áhættuleikarans sem vann
með honum við myndina
Rush Hour 2, en áhættu-
leikarinn Chung Cheng-kai
sagði opinberlega á
fimmtudaginn að hann ætti
Chan líf sitt að launa, eftir
áhættuatriði í bát á upp-
tökustað í Hong Kong.
Hann útskýrir að Chan
hafi verið að sparka sér og öðrum
áhættuleikara út úr bátnum á ferð,
og þá hafi hann fest undir bátnum.
Og einmitt þegar Chung Cheng-kai
hélt að hann gæti ekki haldið and-
anum niðri í sér lengur kom Chan og
dró hann undan bátnum
með annarri hendi.
„Mér finnst einsog Guð
hafi komið og dregið mig
upp úr vatninu. Sekúndu
seinna hefði ég verið dá-
inn.“
Næsta mynd Chans
verður önnur hasargrín-
mynd, og einnig samfram-
leiðsla Bandaríkjanna og
Hong Kong. Hún mun ger-
ast í London á þriðja áratugnum og
segir frá kínverskum innflytjanda,
lögreglumanni sem deyr við skyldu-
störf. En hann gengur aftur og þá
gæddur yfirnáttúrulegum krafti.
Hljómar vel!
Bjargvætturinn Chan
Hetja í raun
og veru.
FORVITNILEGAR sviptingarhafa verið í rokkinu und-anfarna mánuði; fyrir ári eðasvo var vælukennt, tilfinn-
ingaþrungið rokk í hávegum haft en
skyndilega komu nýir straumar;
meiri harka og meira stuð ... eða svo
gæti það sýnst ef menn hafa allan
sinn fróðleik úr bresku popppress-
unni. Vitanlega eru allir að gera allt,
eins og alltaf, þótt óneitanlega virð-
ist gróskan og gerjunin vera meiri
en oft áður. Gaman er að fylgjast
með því hvernig straumarnir berast
fram og aftur yfir Atlantshafið, eins
og sjá má til að mynda á bresku
sveitinni Starsailor, sem er undir
sterkum áhrifum af Jeff Buckley, og
bandarísku sveitina Kingsbury
Manx sem leikur breska nýbylgju og
gerir það vel.
Ekki er langt síðan bresk popp-
blöð spáðu því að Starsailor ætti eft-
ir að verða helsta hljómsveit Bret-
lands, ef ekki heims. Svo sem ekkert
nýtt að menn séu yfirlýsingaglaðir á
þeim bæ og kemur í sjálfu sér ekki á
óvart þótt svo stór orð séu látin falla
þegar sveitin var rétt búin að senda
frá sér fyrstu smáskífuna. Síðan eru
nokkrir mánuðir og margar hljóm-
sveitir kallaðar sem eiga eftir að
breyta gangi
sögunnar þeg-
ar Starsailor
sendir loks frá
sér fyrstu
breiðskífuna,
Love is Here, á
morgun. Sú er
reyndar for-
vitnileg, bresk
léttnýbylgja af
bestu sort með
skemmtilegum
uppákomum í útsetn-
ingum og óvenju
veigamiklum textum.
Vonandi dagar Star-
sailor ekki uppi sem
hver annar papp-
írstígur því víst á hún
meira skilið.
Ættuð frá Wigan
Starsailor er ættuð frá
Wigan, miðja vegu milli
Liverpool og Manchester,
borgar sem hefur haft gríðarleg
áhrif á breskt tónlistarlíf undanfarin
misseri, en þess má geta að The
Verve er einmitt frá Wigan líka.
Walsh stofnaði hljómsveitina og
ræður ferðinni en þótt mönnum
finnist hún hafa náð vinsældum í
hendingskasti má ekki gleyma því að
þeir félagar höfðu starfað saman í á
fimmta ár áður en þeir komust í
náðina í Lundúnum.
Nafnið Starsailor er fengið frá
samnefndri breiðskífu Tims Buck-
leys, en Walsh hefur ekki farið
leynt með aðdáun sína á Jeff
Buckley, syni Tims. Hann
segir gjarnan frá því er hann
heyrði í Jeff Buckley í fyrsta
sinn og áttaði sig á því að
hann var að hlusta á vit-
lausa tónlist; Buckley var
málið og síðan Neil Young,
Van Morrison og fleiri
álíka listamenn.
Walsh var orðinn lið-
tækur á píanó tólf ára
gamall og tveimur árum
síðar var hann farinn
að semja lög. Starsail-
or varð síðan til þegar
hann hóf tónlistar-
nám í Wigan en þá
kynntist hann bassa-
leikaranum James
Stelfox og trommuleik-
aranum Ben Byrne. Sveitin starfaði
síðan sem tríó næstu árin og það var
ekki fyrr en komið var fram á síð-
asta ár að fjórði maðurinn slóst í
hópinn, hljómborðsleikarinn Barry
Westhead, sem vann fram að því
sem orgelleikari í líkbrennslu. Þegar
hér var komið sögu fluttust Starsail-
or-félagar til Lundúna og byrjuðu
tónleikahald þar. Ekki leið á löngu
að útgáfur voru farnar að slást um
sveitina og fyrsta breiðskífan kemur
svo út á morgun eins og getið er.
Leiðtogi Starsailor, James Walsh,
hefur reyndar lýst því yfir að vel-
gengni sveitarinnar undanfarið sé
fullmikil þótt þeir félagar treysti sér
til að standa undir öllum vænt-
ingum.
Bandarísk-bresk nýbylgja
Eins og getið er í upphafi leikur
bandaríska sveitin Kingsbury Manx
dæmigerða breska nýbylgju þrátt
fyrir uppruna sinn, minnir meðal
annars á Pink Floyd áður en Barrett
missti vitið, en þeir Kingsbury
Manx-menn hennar eru allir frá
Norður-Karólínu.
Liðsmenn þeirrar sveitar eru fjór-
ir líkt og hjá Starsailor, Kenneth
Stephenson og Bill Taylor, sem báð-
ir syngja og leika á gítara, Scott
Myers, sem leikur á bassa og hljóm-
borð, og Ryan Richardson, sem leik-
ur á trommur og raddar, en þegar
sveitin er á ferðinni sér Clark Blom-
quist um bassaleik.
Að sögn stóð aldrei til að Kings-
bury Manx gerði hljómplötu en þeir
félagar höfðu leikið saman í fimm ár
sér til skemmtunar. Það hver fyrsta
skífan bar brátt að og að segja óvart
skýrir að nokkru sérkennilegt nafn
sveitarinnar því þegar kom að því að
gefa fyrstu plötuna út þurftu þeir að
finna nafn í snatri. Síðan hefur sveit-
inni gengið flest í haginn og meðal
annars hitað upp fyrir Calexico og
Stephen Malkmus
Þótt lítil vinna hafi verið lögð í
kynna fyrstu plötu sveitarinnar, náði
hún eyrum manna víða um heim og
var meðal annars talin með 50 bestu
plötum ársins 2000 í NME og með
tíu bestu „týndu“ plötum árins í
tímaritinu Magnet. Í framhaldi af
því hafði síðan þýska fyrirtækið City
Slang, sem hefur meðal annars gefið
út Lambchop, samband við sveitina
og gerði við hana útgáfusamning og
gefur út nýju skífuna.
Skífan nýja heitir sérkennilegu
nafni, The Kingsbury Manx Let You
Down, sem snara má sem Kingsbury
Manx bregðast, en þeir félagar
skýra nafnið með því að búið var að
nota Let it Bleed.
Tónlist á sunnudegi
Árni Matthíasson
Nýbylgja að
austan og vestan
Áhrif í rokki berast fram og aftur yfir Atlantshafið.
Árni Matthíasson veltir fyrir sér Starsailor og
Kingsbury Manx.