Morgunblaðið - 11.11.2001, Page 5

var þá ættleidd af eldri hjónum,
herra og frú Kyster, sem áttu fyrir
uppkomin börn.
Litla stúlkan var skírð Gertrud.
Hún þekkti aldrei konuna sem
fæddi hana í þennan heim. Algjört
skeytingarleysi móður um dóttur
varð til þess að loks þegar móðirin
sýndi einhvern áhuga á barninu
sínu var dóttirin orðin 16 ára ung-
lingur, ákveðin og stíf eins og hún
átti svarfdælskt kyn til. Nei, ég vil
ekki sjá hana, voru viðbrögð Gert-
rudar þegar henni var sagt að
móðir hennar vildi hitta hana. Hún
vildi mig ekki þegar ég fæddist og
sýndi mér engan áhuga þegar ég
var lítil. Mæðgurnar töluðust því
aldrei við.
Öðru máli gegndi um Jóhann.
Hann vildi ekki vera ókunnur mað-
ur í augum dóttur sinnar en hann
treysti sér ekki heldur til að taka
hana að sér. Honum sárnaði mjög
þegar hún fór á uppeldisheimilið
en gladdist að sama skapi þegar
Kysterhjónin gengu henni í for-
eldrastað. Hann heimsótti hjónin
og dóttur sína reglulega, var alltaf
með henni á jólum og þegar hún
átti afmæli. En Gertrud var aðeins
fjögurra ára gömul þegar hann
fluttist frá Danmörku. Ári síðar
skrapp Jóhann til Danmerkur en
eftir þá ferð sáust feðginin aldrei.
Víkingarisinn
Árið 1963 stofnaði Jóhann til eig-
in sýningar og hætti sem launamað-
ur hjá stóru sirkusunum:
Sýningin er ekki stórbrotin. Jó-
hann kallar hana „Viking Giant“,
eða Víkingarisann. Hann er einn á
sviðinu, klæddur að víkingasið, tal-
ar til fólksins, lætur stóra mynt
falla í gegnum hringinn sinn og
kallar upp áhorfendur þegar hon-
um býður svo við að horfa. Áhorf-
endur vilja líka fá að spyrja. Eldri
kona vill fá að vita hversu gamall
hann sé.
„Ertu 55 ára?“ hrópar gamla
konan upp yfir sig aldeilis hlessa
þegar hún fær svar við spurningu
sinni. „Og enn á lífi.“
Jóhann er öllu vanur og útskýrir
fyrir konunni ástæðuna fyrir lang-
lífi sínu: „Sjáðu til, ég fór á fund
Lykla-Péturs fyrir nokkru síðan og
hann sagði við mig: Jóhann, þú
getur ekki komið hér inn fyrir, til
þess er gullna hliðið of lágt. Og
þess vegna er ég enn á lífi.“
Öðru sinni veitir Jóhann athygli
tveimur blökkukonum sem virðist
liggja eitthvað á hjarta. Hann er
búinn að fara mörgum sinnum með
dagskrána sína en þær sitja sem
fastast. Loks þegar dagurinn er á
enda runninn og Jóhann að taka
saman pjönkur sínar mjakar önnur
þeirra sér upp að sviðinu. Svo er
eins og hún taki á öllu sínu til að
létta því af hjarta sínu sem hvílt
hefur á henni allan daginn.
„Ertu giftur?“ spyr hún lágróma
og ögn hikandi.
„Giftur, já ég er nú hræddur um
það, sex sinnum,“ svarar Jóhann.
Og enn finnur svertingjakonan
hugrekki hjá sér til að spyrja: „Og
áttu þá einhver börn?“
„Ekki færri en fjórtán.“
Það var eins og sólin hefði sest
að í blökkukonunni. Dansandi svíf-
ur hún til vinkonu sinnar og segir
henni svör víkingarisans.
Kvikmyndaleikur í Hollywood
Jóhann lék í nokkrum bíómynd-
um, meðal annars á móti Jodie Fost-
er árið 1979:
Jóhann getur lítið slegið um sig
meðal Hollywoodfólksins, hann er
valtur á fótunum og gengur við tvo
stafi. Hann hefur enga heilsu til að
standa í þessu stússi en tilbreyt-
ingin freistaði og líka tekjurnar
sem þetta gefur. Jóhann situr því
löngum stundum á stólnum sínum,
lætur sólina baka sig og fylgist
með atganginum. Og það verður
ekki annað sagt en að útsýnið sé
fjölbreytilegt. Tæknimenn af öllu
tagi eru á þönum, Hollywoodleik-
arar fara með þulurnar sínar og
innan um og saman við eru andlit
sem Jóhann kannast við úr sirk-
usinum; akfeita konan, beinagrind-
ar-maðurinn, sem er svo horaður
að sólin varpar geislum sínum í
gegn um hann, dvergar og sverð-
gleypar.
Þeir stinga því óvenju lítið í stúf
við umhverfið, herðabreiðu örygg-
isverðirnir sem eru á hverju strái,
með sólgleraugun á nefinu til að
fela skimandi augnaráðið.
Kannski er þetta orðið stöðutákn
hjá þeim í Hollywood að ferðast
um með sem flesta lífverði. Jóhann
yppir öxlum og kærir sig kollóttan.
Honum finnst þó óneitanlega ein-
kennilegt hvað lögregluþjónar
borgarinnar eiga oft erindi inn á
tökusvæðið. Kannski stendur það í
einhverju sambandi við alla lífverð-
ina?
Jóhann fær brátt að vita hvers
kyns er þegar kvisast meðal sirk-
usfólksins að Jodie Foster fái
reglulega ástarbréf frá aðdáanda;
bréf sem hún kærir sig ekkert um
og hræða hana.
Aðdáandinn er á sveimi í kring-
um kvikmyndafólkið í þeirri von að
sjá leikkonuna ungu, öryggisverð-
irnir leggja hendur á hann og lög-
reglan handtekur hann æ ofan í æ
en verður jafnoft að láta hann laus-
an.
Bókin Of stór fyrir Ísland – ævi-
saga Jóhanns risa er gefin út af
Vöku-Helgafelli. Hún er 256 blað-
síður að lengd og geymir á þriðja
hundrað ljósmynda.Jóhann mældur fyrir alklæðnaði hjá
Brooks Uniform Company í New York
1948.
MORGUNBLAÐIÐ SUNNUDAGUR 11. NÓVEMBER 2001 B 5
Átt þú mikið útistandandi?
Við bjóðum þér hámarksárangur við innheimtu á öllum gerðum viðskiptakrafna.
Við sýnum greiðanda skuldar ávallt lipurð og fyllstu kurteisi.
Hjá okkur leggst alls enginn kostnaður á kröfueiganda og lágmarkskostnaður
á greiðanda.
100%
90%
80%
70%
60%
CODEX
innheimtulausnir
Fyrirtækja-
innheimta
Sérþjálfað starfsfólk úthringivers
Codex/Beinnar Markaðssóknar hringir
á eftir hverju einasta innheimtubréfi
og minnir greiðanda með jákvæðum
og vinsamlegum hætti á að greiða
kröfuna. Þetta er einföld og skilvirk
leið sem eykur innheimtuhlutfall um
allt að 30%.
Sérhæft úthringiver tryggir hámarksárangur