Morgunblaðið - 11.11.2001, Side 9

MORGUNBLAÐIÐ SUNNUDAGUR 11. NÓVEMBER 2001 B 9
ARGENTÍNSK vín eru skyndilega
farin að sækja í sig veðrið á alþjóð-
legum markaði. Þótt þau eigi langt í
land með að ná sömu vinsældum og
vín nágrannanna handan And-
esfjalla í Chile, að ekki sé nú minnst
á vínin frá Ástralíu, er greinilegt að
argentínsk vínframleiðsla hefur
vaknað úr dvala og er að hefja stór-
sókn.
Það hefur lengi legið ljóst fyrir að
Argentína hefði alla burði til að
verða stórveldi í vínheiminum. Arg-
entína hefur verið fimmti mesti vín-
framleiðandi heims um langt skeið,
vandinn hefur einungis verið sá að
vínin hafa ekki ratað út fyrir land-
steinana. Og þá sjaldan þau hafa
gert það hafa viðtökurnar ekki verið
neitt stórkostlegar (með einstaka
undantekningum þó).
Vanda Argentínumanna má að
mörgu leyti rekja til innlendra
neysluvenja. Argentínumenn eru
mjög margir af ítölskum uppruna og
vínneysla á sér ríka hefð. Raunar
hefur vínneysla þeirra verið áþekk
og jafnvel meiri en Ítala. Framleið-
endur hafa því látið sér nægja að búa
til vín fyrir innanlandsmarkaðinn,
sem yfirleitt gerði ekki alltof strang-
ar kröfur (svona svipað og ástandið
var í Evrópu fyrir tveimur áratugum
eða svo).
Versnandi efnahagsástand og
minni innanlandsneysla hefur hins
vegar smám saman gert það að verk-
um að stöðugt fleiri framleiðendur
horfa út fyrir landsteinana. Að sama
skapi hafa vinsældir vína frá Chile
opnað augu margra erlendra fram-
leiðenda fyrir Suður-Ameríku og þá
hafa menn ekki síst staldrað við „ris-
ann“ á svæðinu, Argentínu. Þótt
Argentína eigi langt í land með að ná
að vinna upp forskot Chile hefur út-
flutningur tvöfaldast á síðastliðnum
hálfum áratug.
Kjöraðstæður til víngerðar eru í
Argentínu. Helsta vínræktarrsvæðið
er Mendoza (en það hérað er álíka
stórt og Spánn) við rætur And-
esfjalla. Sumur eru heit og þurr,
áveituvatn má fá úr Andesfjöllum og
ekki skortir land til ræktunar. Það
er ekki síst sökum þess hversu hag-
stætt verð á ekrum er að mörg af
þekktustu víngerðarfyrirtækjum
heims hafa fjárfest í Argentínu á
undanförnum árum. Þar má nú finna
fyrirtæki frá Frakklandi, Bandaríkj-
unum og jafnvel Chile. Stærstu vín-
fyrirtæki Chile, s.s. Concha y Toro,
Santa Rita og San Pedro, hafa á síð-
ustu árum fjárfest fyrir marga millj-
arða í Argentínu og eru með hundr-
uð hektara í ræktun.
Argentínsk vín hafa upp á ým-
islegt að bjóða og ekki síst er það
fagnaðarefni að meginþrúga Arg-
entínu er ekki Cabernet Sauvignon
(eins og alls staðar annars staðar)
heldur önnur og mun óþekktari Bor-
deaux-þrúga: Malbec. Sú þrúga er
að verða að flaggskipi argentínskrar
vínframleiðslu. Rétt eins og Shiraz
(Syrah) dafnar við ástralskar að-
stæður nær Malbec einstökum gæð-
um í Argentínu ef hún er ræktuð og
gerjuð af natni.
Á næstu vikum mun ég (með ein-
staka öðrum innskotum) fjalla frek-
ar um ýmislegt sem viðkemur vín-
rækt í Argentínu og benda á nokkur
þeirra stórgóðu argentínsku vína,
sem nú eru fáanleg í verslunum
ÁTVR.
Steingrímur Sigurgeirsson
Argentína
vaknar úr dvala
Morgunblaðið/Steingrímur