Morgunblaðið - 16.11.2001, Page 14

HÖFUÐBORGARSVÆÐIÐ
14 FÖSTUDAGUR 16. NÓVEMBER 2001 MORGUNBLAÐIÐ
LOKATILLAGA að aðalskipulagi
Reykjavíkur var kynnt fjölmiðlum í
Ráðhúsinu í gær. Með tillögunni var
lagt fram mat á umhverfisáhrifum
hennar og er það í fyrsta sinn sem
slíkt er gert hér á landi.
Aðalskipulagsdrög voru síðast
kynnt í júní síðastliðnum en nokkrar
breytingar hafa orðið á tillögunni
síðan. Má þar nefna að í fyrirliggj-
andi tillögu er fjallar um lestarsam-
göngur milli Reykjavíkur og Kefla-
víkur en nýlega var áfangaskýrsla
vegna hagkvæmniathugunar á lest-
arsamgöngum milli staðanna kynnt.
Í tillögunni er talið vænlegra að
endastöð slíkrar lestar yrði í Vatns-
mýrinni frekar en í Mjódd en báðir
möguleikarnir hafa verið ræddir. Þá
er í aðalskipulaginu talið eðlilegt að
kannaðir verði möguleikar á spor-
bundinni umferð innan borgarinnar
eftir þremur meginleiðum, úr suðri,
austri og norðri inn í miðborgina.
Fallið frá hugmyndum
um íbúðarbyggð í Viðey
Í nýja skipulaginu verða ákvæði
um byggðarmynstur og yfirbragð
byggðar sem miðast að því að allt að
20% íbúða í íbúðarbyggð verði mið-
aðar við þarfir tekjuminni hópa og
ungs fólks sem er að hefja búskap,
bæði hvað varðar gerð og stærð
íbúða og bílastæðakröfur. Kom fram
á fundinum að með þessu væri verið
að spyrna við því að byggð verði
einsleit á þann hátt að í einstökum
hverfum verði eingöngu verðmiklar
eignir og í öðrum ódýrar.
Fallið hefur verið frá hugmyndum
um íbúðarbyggð á austurhluta Við-
eyjar en gert er ráð fyrir að tak-
markaðar byggingarframkvæmdir
verði mögulegar þar í tengslum við
þá starfsemi sem þar er fyrir. Voru í
því sambandi nefndar hugmyndir
um gestamiðstöð, aðstöðu fyrir fundi
og minni ráðstefnur sem og gistiað-
stöðu til sérstakra nota. Enn er gert
ráð fyrir göngutengslum, þ.e. brú
eða göngum, í Viðey úr Gufunesi.
Þá var einnig rætt það nýmæli að
banna rekstur nektardansstaða í
borginni nema tiltekið sé sérstak-
lega í deiliskipulagi að starfsemi
þeirra sé heimil. Kom fram á fund-
inum að nú þegar væri starfræksla
slíkra staða óheimil í íbúðarbyggð og
að fyrir liggi vilji um að þeir verði
ekki leyfðir í borgarkjörnum.
Í tillögunni er gert ráð fyrir því að
Geldinganesið vestan stofnbrautar-
innar verði hafnar- og atvinnusvæði
og stefnt sé að því að flytja þangað
þá starfsemi sem nú er á Ártúns-
höfða. Ártúnshöfði og Elliðaárvogur
yrði ekki lengur skilgreindur ein-
göngu sem athafnasvæði, heldur
sem atvinnu og íbúðarsvæði með til-
heyrandi byggð. Gert er ráð fyrir
blandaðri byggð íbúða og atvinnu-
starfsemi á landfyllingu við Ána-
naust og er þar jafnframt gert ráð
fyrir framhaldsskóla.
Álfsnes kemur ekki lengur til
byggingar á skipulagstímabilinu og
íbúðasvæði við Rauðavatn sem fyr-
irhugað var samkvæmt gildandi að-
alskipulagi er nú skilgreint sem eitt
af þremur meginatvinnusvæðum
borgarinnar.
Færir byggð í borginni í átt
til sjálfbærrar þróunar
Á fundinum var lagt fram um-
hverfismat á skipulagstillögunni og
mun það vera hið fyrsta sinnar teg-
undar sem gert er hér á landi. Er
þar leitast við að leggja mat á áhrif
stefnumiða, markmiða og leiða í
skipulagsáætluninni á umhverfið í
almennum skilningi. Í niðurstöðum
segir að sé miðað við gildandi skipu-
lag færi tillagan byggð í Reykjavík
frekar í átt til sjálfbærrar þróunar.
Kom fram á fundinum að um-
hverfismatið væri ekki háð sam-
þykki Skipulagsstofnunar þótt hún
hefði kallað eftir því til umfjöllunar.
Hins vegar væri aðalskipulagið
sjálft háð samþykki stofnunarinnar
og myndi hún því að líkindum styðj-
ast við umhverfismatið í úrskurði
sínum.
Borgarstjórn tók tillöguna til fyrri
umræðu sinnar á borgarstjórnar-
fundi í gær en síðari umræðan mun
fara fram í desember. Þá tekur við
auglýsinga- og athugasemdatími áð-
ur en borgarstjórn getur samþykkt
tillöguna sem aðalskipulag og sent
til staðfestingar umhverfisráðherra.
Kom fram á fundinum að búist væri
við að ferlinu öllu yrði lokið um mán-
aðamót febrúar–mars.
Lokatillaga borgarmeirihlutans að aðalskipulagi Reykjavíkur kynnt fjölmiðlum í gær
Athugað með
sporbundna um-
ferð í borginni
Morgunblaðið/Þorkell
Ingibjörg Guðlaugsdóttir deildarstjóri, Þorvaldur S. Þorvaldsson,
skipulagsstjóri í Reykjavík, Stefán Hermannsson borgarverkfræðingur
og Ingibjörg Sólrún Gísladóttir borgarstjóri kynntu tillöguna auk Árna
Þórs Sigurðssonar, formanns skipulagsnefndar Reykjavíkur.
Reykjavík
BÆJARRÁÐ Garðabæjar
hyggst kanna heimildir til að
taka land Hraunsholts eignar-
námi en mikill munur er á
verðhugmyndum landeigenda
og bæjaryfirvalda um hvaða
verð bærinn skal gjalda fyrir
landið. Eins og fram kom í
Morgunblaðinu hinn 5. októ-
ber sl. telja eigendur að þar
sem nýting landsins sé tak-
mörkunum háð vegna byggð-
arinnar í Garðabæ sé bænum
skylt að taka landið til sín og
greiða eins og um eignarnám
sé að ræða.
Bærinn hefur hins vegar
ekki verið reiðubúinn til að
greiða nema hluta þess verðs
sem sölutilboð hljóðaði upp á
þar sem stærsti hluti landsins
nýtist ekki undir byggð.
Í bókun bæjarráðs frá því á
þriðjudag segir að það telji
fullreynt að samkomulag tak-
ist við landeigendur um kaup
bæjarins á landi Hraunsholts.
Er bæjarstjóra falið að kanna
heimildir til að taka landið
eignarnámi á grundvelli skipu-
lagslaga.
Líklega rétta skrefið
Ragnar Aðalsteinsson, lög-
maður landeigenda, segir að
líklega sé þetta rétta skrefið
enda hafi hann oft rætt það við
bæjarstjóra. Nú verði metið
það sem kallað sé fullt verð
landsins en svipuð staða hafi
áður komið upp gagnvart
Reykjavíkurborg. Í því tilfelli
hafi mat matsnefndar á land-
inu verið mjög lágt í fyrstu.
„Þá fór landeigandinn í möt og
yfirmöt og margfaldaði verðið
áður en yfir lauk,“ segir hann.
Hann segir eðlilegt að láta
matsnefnd og eftir atvikum
dómstóla ákvarða hvert sé
fullt verð landsins.
Í samtali við Morgunblaðið í
gær sagði Ásdís Halla Braga-
dóttir bæjarstjóri að enn lægi
ekki fyrir hvernig bæjarfélag-
ið mundi bera sig að í þessum
efnum. Verið væri að útfæra
hvernig og á hvaða forsendum
og því væri of snemmt að tjá
sig um málið opinberlega.













 

  
 
3 1 4 5 1

 











 



 

  !"#

$%&' "#
Eignarnám
til skoðunar
Garðabær
NÝTT deiliskipulag Skóla-
vörðuholts var samþykkt í
borgarráði á þriðjudag en
skipulagið miðar að því að
fjölga bílastæðum á svæðinu.
Fjögur athugasemdabréf
bárust á auglýsingatíma til-
lögunnar.
Höfundar deiliskipulagsins
eru Hornsteinar arkitektar.
Að sögn Margrétar Þormar,
hverfisstjóra hjá Borgar-
skipulagi, var bílastæðum
fjölgað vegna mikils bíla-
stæðaskorts á þessu svæði.
Tekið hafi verið tillit til óska
frá Eiríksstöðum um að
fjölga bílastæðum og stækka
lóðina en Eiríksstaðir er
skrifstofuhús Ríkisspítal-
anna á mótum Eiríksgötu og
Barónsstígs og hét áður
Templarahöllin. Í staðinn
hafi verið sett kvöð um gróð-
ursetningu meðfram Eiríks-
götunni en í dag bakka bíl-
arnir beint út á Eiríksgötuna
að sögn Margrétar
Aðrar breytingar eru þær
að bílastæðum austan við
kirkjuna verður fjölgað frá
því sem áður var áætlað og
þau hellulögð. Þá er gert ráð
fyrir aðstandendastæðum
inni á græna svæðinu norðan
megin við kirkjuna. Segir
Margrét að umgjörð svæð-
isins verði engu að síður
græn.
Bílastæðum við Bergþóru-
götu er fækkað miðað við
fyrra skipulag. Að sögn Mar-
grétar er það gert skv. ósk
frá foreldrafélagi Austur-
bæjarskóla en áður var gert
ráð fyrir bílastæðum upp við
leiksvæði skólans. Loks
verður komið fyrir hækkaðri
gönguleið milli Austurbæjar-
skóla og Vörðuskóla að sögn
Margrétar.
Kemur fram á skipulags-
úrdrætti að bílastæðum á
svæðinu muni fjölga um 46
stæði.
Vegtengingu milli
skóla mótmælt
Athugasemdafrestur
vegna tillögunnar rann út 28.
september og bárust Borg-
arskipulagi fjögur bréf. Með-
al annars eru gerðar athuga-
semdir við innkeyrslu á
bílastæði Iðnskólans við
Bergþórugötu og sagt að hún
muni auka umferð verulega
um Bergþórugötuna. Í svari
Borgarskipulags kemur fram
að ekki sé um breytingu að
ræða frá gildandi skipulagi.
Gerð var athugasemd við
að gönguleið skólabarna frá
sunnanverðu Skólavörðuholti
til Austurbæjarskóla yrði
rofin með því að tengja akst-
ursleið milli Vörðuskóla og
Iðnskóla og í staðinn kæmi
gangbraut yfir tvær akrein-
ar. Í endanlegri tillögu var
tekið tillit til þessara athuga-
semda með því að ekki verði
hægt að aka á milli bílastæða
Iðnskóla og Vörðuskóla.
Gerð var athugasemd við
breytingu við Eiríksstaði
varðandi sérinnkeyrslu að
bílastæðum sem þegar er bú-
ið að framkvæma en í svari
segir að um svo óverulega
breytingu sé að ræða að
frekar sé um útfærslu á
skipulagi að ræða en breyt-
ingu. Þá eru í athugasemd
efasemdir um að þörf sé á að
fjölga bílastæðum við Eiríks-
staði og lagt til að þau yrðu
frekar neðanjarðar til að
varðveita græna svæðið. Í
svari segir að notkun hússins
hafi leitt í ljós þörf á frekari
bílastæðum. Um sé að ræða
raskað svæði sem er ekki
uppræktað og eftir sem áður
verði gróðurbelti meðfram
göngustíg frá Barónsstíg að
kirkjunni.
Bílastæðum fjölgar um
46 á Skólavörðuholti
Morgunblaðið/Golli
Bílastæðum á Skólavörðuholtinu fjölgar samkvæmt nýsamþykktu deiliskipulagi.
Miðborg