Morgunblaðið - 18.11.2001, Page 27

LISTIR
MORGUNBLAÐIÐ SUNNUDAGUR 18. NÓVEMBER 2001 27
ÞRJÁR fyrrverandi skólasystur
minnast skóladaga sinna í Mynd-
lista- og handíðaskóla Íslands 1964–
1966 með sýningu … segir í inn-
gangi að sýningu þeirra Ingema
Andersen frá Noregi, Lailu Aasand
Björnsson sem er norsk, búsett í
Ástralíu, og Katrínar Pálsdóttur frá
Íslandi. Það fyrsta sem mætir sýn-
ingargesti á leið upp í sýningarsal-
inn eru úrklippur og myndir frá
þessum tíma þeirra í MHÍ en meiri
er tengingin við fyrri tíma ekki,
sem eru vonbrigði. Ég vonaðist satt
að segja eftir því að hér væri unnið
með endurfundi og liðna tíma en í
stað þess er hér um samsýningu að
ræða þar sem ólíkar listakonur
setja þrjár einkasýningar saman í
eina með þeim afleiðingum að engin
þeirra fær að njóta sín. Það er ein-
faldlega of mikið að hengja 51 verk
upp í þessum sýningarsal!
Sýningin minnir á uppstillingu í
gjafavörubúð þar sem fátt grípur
augað. Áhugaverðust af verkum
Ingema eru nokkur lagleg hálsmen,
númer 1–4, þar sem unnið er út frá
lyngi og náttúru. Laila Björnsson
sýnir litlar grafíkmyndir frá ólíkum
stöðum í heiminum, eins konar list
þess er víða ratar. Myndirnar eru
heldur átakalitlar en myndir nr.
13–16 bera af, þær búa yfir dul-
magni og dramatík. Katrín Páls-
dóttir sýnir ýmis glerverk, skálar
og veggplatta sem og borðbúnað,
sem var áberandi mest spennandi.
Sérstaklega þóttu mér diskarnir
laglegir en þar eru japönsk áhrif
greinileg.
Það er gaman að koma saman og
minnast liðinna tíma en í þessu til-
felli hefði verið betra fyrir listakon-
urnar að hittast yfir kaffibolla í ein-
rúmi og útkljá þau mál. Síðan hefði
mátt finna sér rúmgóðan sal til að
sýna í undir réttum formerkjum.
Einungis þriðjungur sýningar-
skrárinnar er á íslensku, sem er af-
leit þjónusta. Íslensk listhús eiga að
bjóða upp á upplýsingar á íslensku.
Skólasystur hittast
MYNDLIST
L i s t h ú s Ó f e i g s
Ingema Andersen, Laila Björnsson
og Katrín Pálsdóttir. Opið virka
daga frá kl. 10–18 og laugardaga
frá kl. 11–16. Til 21. nóvember.
GRAFÍK, GLERLIST OG
SKARTGRIPIR
„Tyttebærtua“ eftir Ingema Andersen.
Þóroddur Bjarnason
NÚ stendur yfir sýning Ingunnar
Jensdóttur í Litla-salnum í Hvoln-
um, sem hún kallar kveðjusýningu.
Þar sýnir hún 30 myndir, bæði
vatnslitamyndir og silkimyndir.
Viðfangsefnin eru ýmis en stór hluti
myndanna er þó úr héraðinu. Ing-
unn og eiginmaður hennar, Friðjón
Guðröðarson sýslumaður, hyggjast
nú flytja burt úr héraðinu eftir 16
ára búsetu á Hvolsvelli. Ingunn hef-
ur á undanförnum árum lagt listalíf-
inu í Rangárþingi mikið lið, hún hef-
ur haldið ýmiss konar listnámskeið
og leikstýrt víða um Suðurland. Um
þessar mundir leggur hún Hvols-
skóla lið en þar er verið að setja upp
nokkur atriði í söngleiknum Bugsy
Malone. Sýning Ingunnar í Hvoln-
um verður opin um helgina.
Morgunblaðið/Steinunn Ósk
Hér er Ingunn Jensdóttir á myndlistarsýningu sinni í Hvolnum ásamt
tveimur vinkonum, Margréti Ísleifsdóttur og Guðfinnu Helgadóttur.
Ingunn sýnir í Hvolnum
Hvolsvelli. Morgunblaðið.
Aukasýn-
ingar
á Töfra-
flautunni
AUKASÝNINGAR á Töfra-
flautunni í Íslensku óperunni
verða 23. og 24. nóvember og
eru það allra síðustu sýningar,
en að þeim loknum hverfa
söngvararnir til annarra starfa
heima og heiman.
Í helstu hlutverkum eru
söngvararnir Guðjón Óskars-
son, Finnur Bjarnason, Hanna
Dóra Sturludóttir, Ólafur Kjart-
an Sigurðarson, Xu Wen og
Guðrún Ingimarsdóttir.
Bryddað var upp á þeirri ný-
breytni að hafa nokkrar fjöl-
skyldusýningar, þar sem yngstu
áhorfendunum var boðið að
koma og hitta fuglafangarann
Papagenó (Ólaf Kjartan Sigurð-
arson) áður en sýning hófst. Féll
það í góðan jarðveg hjá börn-
unum, sem m.a. tóku lagið með
Papagenó og lærðu að hrópa
bravó með miklum tilþrifum.