Morgunblaðið - 07.02.2002, Page 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FIMMTUDAGUR 7. FEBRÚAR 2002 VERÐ Í LAUSASÖLU 190 KR. MEÐ VSK.
ÞAÐ hentar ágætlega að dytta að
veiðarfærum sínum í logninu og
gefa sér tíma til að grandskoða
hvern möskva áður en haldið er í
næsta túr. Aðalsteinn Grétarsson,
skipverji á Ellen Sig. í Þorlákshöfn,
var enda einbeittur á svip við iðju
sína þegar ljósmyndara bar að
garði í gær.
Morgunblaðið/RAX
Netin skoðuð
HAGFRÆÐISTOFNUN Háskóla
Íslands telur í nýrri skýrslu um auð-
lindagjald og skatttekjur ríkisins að
tekjuauki ríkisins af álagningu auð-
lindagjalds sé nánast örugglega
miklu minni en nemur upphæð auð-
lindagjaldsins. Í skýrslunni, sem unn-
in er fyrir LÍÚ, kemur fram að álagn-
ing auðlindagjalds gæti jafnvel leitt til
tekjuminnkunar, einkum þegar til
lengri tíma sé litið.
Skýrslan er unnin af dr. Ragnari
Árnasyni, prófessor í fiskihagfræði.
Hann segir að helstu ástæður fyrir
þessum neikvæðu áhrifum auðlinda-
gjalds á tekjur hins opinbera séu
þrjár. Í fyrsta lagi muni tekjuskattur
lækka þar sem auðlindagjald verði
frádráttarbært frá tekjuskatti. Í öðru
lagi muni álagning auðlindagjalds
hafa þau áhrif að kvótavirði muni
lækka og þar með virði allra afleiddra
eigna. Þetta leiði svo til þess að fyr-
irtækin muni greiða minni eignaskatt
en áður. Í þriðja lagi muni álagning
auðlindagjalds hafa tilhneigingu til að
lækka landsframleiðslu. Fyrirtækin
muni verja minna fé til fjárfestinga
þar sem þau hafi minna fé til ráðstöf-
unar vegna minni hagnaðar og minni
arðsemi. Þetta muni gerast jafnvel þó
að öllu auðlindagjaldinu verði skilað
til baka í formi lægri skatta á heimilin
í landinu. Ástæðan sé sú að fjárfest-
ingahneigð heimila sé miklu minni en
fjárfestingahneigð fyrirtækja. Heim-
ilin noti þorrann af sínum tekjum í
neyslu. Athuganir bendi til þess að
landsframleiðsla þurfi að minnka til-
tölulega lítið til að opinberar skatt-
tekjur lækki við álagningu auðlinda-
gjalds. „Þegar stjórnvöld lækkuðu
skatta á fyrirtæki í lok síðasta árs
byggðist það á því sjónarmiði að þó að
jaðarskattar á fyrirtæki væru lækk-
aðir úr 30% í 18% myndu skatttekjur
hins opinbera lækka nánast ekki neitt
en þjóðarframleiðsla myndi vaxa.
Skattalækkunin var gerð á þeim
grundvelli að hún myndi auka þjóð-
arframleiðsluna og myndi ekki bitna
umtalsvert á heildarskatttekjum rík-
issjóðs. Það er nánast það sama sem
við erum að segja í þessari skýrslu.
Auðlindagjald er skattahækkun og
hefur þess vegna öfug áhrif við
skattalækkunina sem samþykkt var á
Alþingi,“ sagði Ragnar.
Hagfræðistofnun kannar áhrif álagningar auðlindagjalds
Gæti haft neikvæð
áhrif á tekjur ríkisins

Auðlindagjald/6
KRISTINN Sigmundsson bassa-
söngvari mun taka þátt í uppfærslu
Íslensku óperunnar á Rakaranum í
Sevilla eftir
Rossini í nóv-
ember næstkom-
andi. Hann hefur
ekki sungið í óp-
erusýningu hér á
landi í tíu ár, eða
frá því í Rígól-
ettó á Listahátíð
í Reykjavík 1992.
Af öðrum söngv-
urum sem taka
þátt í sýningunni
má nefna Gunnar Guðbjörnsson og
Bjarna Thor Kristinsson.
„Þetta verður voða gaman. Það
er alltaf gaman að syngja hérna
heima og það var kominn tími á að
stíga aftur á svið í Íslensku óper-
unni. Ég hlakka líka til að syngja
með nýrri kynslóð söngvara sem
starfar nú við húsið. Ég verð að
syngja í Covent Garden í London á
þessum tíma en skýst heim til að
gera þetta. Við erum að tala um
svona fjórar til fimm sýningar. Ég
mun syngja hlutverk Basílíós og
Bjarni Thor Kristinsson mun
syngja það á móti mér og hugs-
anlega einhverjir fleiri. Það liggur
ekki fyrir,“ segir Kristinn. Það er
einnig óljóst á þessari stundu hvort
Gunnar Guðbjörnsson tekur þátt í
sömu sýningum og Kristinn.
Hann segir það ekki spilla fyrir
að Rakarinn í Sevilla hafi orðið
fyrir valinu. „Ég hef alltaf haldið
mikið upp á þessa óperu. Hún er
einn brandari út í gegn og kemur
mér alltaf í gott skap. Ég er ein-
mitt að fara að syngja hana í París
í næsta mánuði.“
Þess má geta að Íslenska óperan
hefur fastráðið þrjá nýja söngvara,
Jóhann Friðgeir Valdimarsson,
Huldu Björk Garðarsdóttur og
Sesselju Kristjánsdóttur, og verða
því fimm fastráðnir söngvarar
starfandi við húsið á næsta vetri.
Syngur
á ný á
íslensku
óperusviði
Kristinn
Sigmundsson

Það verður mikið/30
NORÐURLJÓS hafa náð samn-
ingum um sýningarréttinn frá HM í
knattspyrnu í sumar og einnig árið
2006. Allir leikir keppninnar verða
sýndir í beinni útsendingu á Stöð 2
eða Sýn.Verðmæti samningsins fæst
ekki uppgefið en Hreggviður Jóns-
son, forstjóri Norðurljósa, segir
hann mjög stóran og ekki hefði ver-
ið mögulegt að landa honum nema
með tilstuðlan fjögurra bakhjarla-
fyrirtækja. Bjarni Guðmundsson,
framkvæmdastjóri Sjónvarpsins,
segir að Sjónvarpið hafi teygt sig
mjög langt til þess að ná réttinum en
það hafi því miður ekki gengið eftir.
Ragnar Önundarson, Master Card, Gísli Guðmundsson, B&L, Hregg-
viður Jónsson, Norðurljósum, og Einar Benediktsson, Olís, undirrituðu í
gær í Smáralind samninga um kostun útsendinga frá HM í knattspyrnu.
Norðurljós sýna HM

Allir leikir/6
NÆR 5% svarenda í könnun Gall-
up telja sig hafa dottað við akstur
á síðustu 12 mánuðum og tæplega
31% telja sig hafa syfjað skyndi-
lega við akstur á sama tímabili.
Könnunin, sem hér er vitnað til,
var gerð fyrir ríkislögreglustjór-
ann, Umferðarráð og Vegagerðina
og kynnti Þóra Ásgeirsdóttir, frá
IMG-Gallup, könnunina á blaða-
mannafundi í gær. Könnunin var
framkvæmd í nóvember til desem-
ber sl. og var úrtakið 1.200 manns.
Svarhlutfall var um 70%.
Í könnuninni kom fram að nær
þrír af hverjum fjórum, eða 74%
svarenda, eru hlynntir því að lög-
reglan auki notkun hraðamynda-
véla við umferðareftirlit. Þá kom
fram að ríflega helmingur telur sig
sjaldan verða varan við eftirlit lög-
reglu á þjóðvegum.
Þóra skýrði frá því að í könnun
tveggja nemenda í félagsfræði í
janúar 1999 reyndust 72% að-
spurðra vera hlynnt notkun hraða-
myndavéla og í könnun Gallup í
október árið 2000 reyndist 81%
svarenda vera hlynnt notkun lög-
gæslumyndavéla við umferðareft-
irlit.
Margir tala
í farsíma
Þá kom fram í könnuninni að
þrír af hverjum fjórum sögðust
hafa talað í farsíma við akstur á
undanförnum tólf mánðuðum, þar
af rúmlega 37% oft án handfrjáls
búnaðar. Þá var spurt um afstöðu
til gjaldtöku á þá sem nota neglda
hjólbarða og reyndust 73% vera
andvíg slíkri gjaldtöku, en rúm-
lega 22% hlynnt. Tæplega 70%
sögðust ætla að aka á negldum
hjólbörðum í vetur, tæp 14% á
heilsárshjólbörðum en rúm 9% á
ónegldum hjólbörðum.
Könnun Gallup
um umferðarmál
5% telja
sig hafa
dottað við
akstur

Umferðarslys/33