Morgunblaðið - 08.06.2002, Side 12

HÖFUÐBORGARSVÆÐIÐ
12 LAUGARDAGUR 8. JÚNÍ 2002 MORGUNBLAÐIÐ
KORPÚLFSSTAÐIR ættu í
framtíðinni að vera nýttir sem
miðstöð menningar, sköpunar
og mannræktar. Þetta er mat
menningarmálanefndar
Reykjavíkurborgar sem lagði
tillögu þess efnis fyrir borg-
arráð í vikunni.
Í greinargerð nefndarinnar
segir að Korpúlfsstaðir séu
einstætt mannvirki sem brýnt
sé að varðveita og hafi bygg-
ingin mikið sögulegt gildi.
„Hvað byggingarlist snertir
er hún einstætt samspil þjóð-
legrar og evrópskrar hefðar
þar sem íslenski burstabær-
inn, danskir innigarðar (port)
og rómanskir bogar eru felld-
ir í samstæða heild.“ Þá er á
það bent að byggingin hafi
einnig mikið atvinnusögulegt
gildi en þar var um tíma rekið
stærsta kúabú á Norðurlönd-
um.
5.500 fermetrar
og mikil lofthæð
Kemur fram að nýleg út-
tekt á húsnæðinu hafi leitt í
ljós að byggingin standist
kröfur um jarðskjálftaþol,
brunahólf og flóttaleiðir en í
byggingunni eru meira en
5.500 fermetrar undir þaki,
sums staðar með mikilli loft-
hæð.
Bendir nefndin á að margs
konar starfsemi hafi fengið
húsaskjól á Korpúlfsstöðum
að undanförnu sem fátt eigi
sameiginlegt nema húsa-
skortinn og nefnir í því sam-
bandi grunnskóla, golfklúbb
og skjalasafn. Telur nefndin
að brýnt sé að Korpúlfsstaðir
verði nýttir sem ein heild sem
alhliða og fjölbreytt menning-
armiðstöð. „Þar ættu að vera
fjölnota salir fyrir leiksýning-
ar, ráðstefnur, upplestra,
kvikmyndasýningar og tón-
leika, uppstökustúdíó, bóka-
safn, sýningarsalir fyrir
myndlist, aðstaða til líkams-
ræktar og félagsstarfsemi af
ýmsu tagi sem og aðlaðandi
veitingastofa. Slíkir Korpúlfs-
staðir yrðu stolt Reykvíkinga
og allrar þjóðarinnar,“ segir í
greinargerðinni.
Miðstöð menningar,
sköpunar og mannræktar
Gerir nefndin því að tillögu
sinni að húsið verði í framtíð-
inni nýtt sem miðstöð menn-
ingar, sköpunar og mann-
ræktar um leið og frumgerð
mannvirkisins verði varðveitt
svo sem kostur er. Vill nefnd-
in að þegar verði hafist handa
við nánari stefnumörkun og
gerð framkvæmdaáætlana
fyrir Korpúlfsstaði á þessum
grunni sem yrði lokið áður en
núverandi samningur um
Korpuskóla rennur út.
Á Korpúlfsstöðum var m.a. rekið stærsta kúabú á Norðurlöndum en nú leggur menningarmálanefnd til að þar verði menn-
ingarmiðstöð með fjölnota sölum og aðlaðandi veitingastofu, svo eitthvað sé nefnt.
Korpúlfsstaðir verði
alhliða menningarmiðstöð
Grafarvogur
Bæjarverkfræðingurinn í
Kópavogi segir ekki tilefni til
að mæla sérstaklega umferð-
arhávaða í Skógarhjalla og
nágrenni en eins og Morg-
unblaðið greindi frá í síðustu
viku hafa íbúar þar farið
fram á slíkt. Telur bæjar-
verkfræðingur svo litlar lík-
ur á að hávaði mælist yfir
viðmiðunarmörkum að ekki
sé rétt sé að efna til þess
kostnaðar sem af slíkri mæl-
ingu hlýst.
Í bréfi íbúanna til bæjar-
ráðs var kvartað undan um-
ferðarhávaða og svif-
ryksmengun í Suðurhlíðum
Kópavogs eftir opnun
Smáralindar og gerð mis-
lægra gatnamóta við Nýbýla-
veg. Gagnrýndu íbúarnir
stærðfræðilíkön sem notuð
voru við útreikning á meng-
uninni og töldu að ekki væri
mögulegt að setja inn í þau
ýmis atriði er hafa áhrif á
þessa mengun. Óskuðu þeir
því eftir því að hljóðmæling-
ar yrðu gerðar á staðnum til
að staðfesta niðurstöður út-
reikninganna.
Í umsögn bæjarverkfræð-
ings kemur fram að útreikn-
ingarnir hafi sýnt að umferð-
arhávaði utanhúss við hús
íbúanna í Skógarhjalla sé á
bilinu 57–60 desibel en við-
miðunarmörk séu 65 desibel.
Við útreikningana hafi ekki
verið gert ráð fyrir hljóð-
varnarvegg við Nýbýlaveg
og Dalveg, sem settur hefur
verið upp, né hljóðvarnar-
vegg sem eftir á að setja upp
við SV-rampa gatnamótanna.
Segir að líklegt sé að þessar
aðgerðir muni draga enn úr
umferðarhávaða í Skógar-
hjalla og næsta nágrenni.
Þá segir í bréfinu: „Að
mati undirritaðs eru niður-
stöður útreikninga það langt
undir viðmiðunarmörkum að
ólíklegt er að raungildi
mælist yfir mörkum. Í því
sambandi verður að hafa í
huga að kostnaður við eina
mælingu skv. viðurkenndum
stöðluðum aðferðurm er tal-
inn a.m.k. 300 þús. kr. Að
öllu samanlögðu er því ekki
tilefni til að framkvæma sér-
staka mælingu í hverfinu
umfram reglubundið eftir-
lit.“
Samþykkti bæjarráð um-
sögn bæjarverkfræðings um
málið og að hún yrði send
bréfriturum.
Ekki ráðist í há-
vaðamælingar í
Suðurhlíðunum
Kópavogur
HÉRAÐSFUNDUR Reykja-
víkurprófastsdæmis vestra
hefur samþykkt tillögu bisk-
upafundar um breytingu á
prófastsdæmaskipan í
Reykjavíkurprófastsdæmi
eystra og í Kjalarnespró-
fastsdæmi. Tillagan felur í
sér að Kjalarnesprófasts-
dæmi verði skipt upp í þrjú
mismunandi prófastsdæmi.
Breytingin felst í því að
Reykjavíkurprófastsdæmi
eystra nái yfir svæðið frá
Breiðholti og upp í Kjós. Nýtt
prófastsdæmi yrði fyrir
Kópavog, Garðabæ, Álftanes
og Hafnarfjörð og myndi það
kallast Garðaprófastsdæmi.
Loks yrðu Reykjanes og
Vestmannaeyjar sérstakt
prófastsdæmi.
Að sögn Jóns Dalbú Hró-
bjartssonar, prófasts í
Reykjavíkurprófastsdæmi
vestra, fer tillagan fyrir nú-
verandi prófastsdæmi á um-
ræddu svæði áður en hún
kemur til afgreiðslu Kirkju-
þings í haust. Reykjavík-
urprófastsdæmi vestra hafi
riðið á vaðið með samþykkt
tillögunnar en einnig sé
Reykjavíkurprófastsdæmi
eystra búið að afgreiða svip-
aða tillögu.
„Breytingin er mest í Kjal-
arnesprófastsdæmi en það
skiptist í þrennt við þetta.
Kjalarnesprófastsdæmi nær
upp í Kjós og það verður
Reykjavíkurprófastsdæmi
eystra. Svo yrði Garðapró-
fastsdæmi nýtt prófastsdæmi
og loks yrði það sem eftir er
af Kjalarnesprófastsdæmi
sérprófastsdæmi úti á
Reykjanesi og hugmyndin er
að Vestmannaeyjar fylgi því.“
Kirkjugarðar
sameinaðir
Héraðsfundurinn sam-
þykkti einnig ályktun þar
sem bent er á að ef þessar
breytingar verði að raun-
veruleika sé nauðsynlegt að
hefja samhliða athugun á
málefnum kirkjugarða á
svæðinu. „Stefna ber að sam-
einingu kirkjugarða þessara
þriggja prófastsdæma,
Reykjavíkurprófastsdæma
og Garðaprófastsdæmis,
enda augljóst hagræði af
slíkri skipan og til verði
Kirkjugarðar höfuðborgar-
svæðisins,“ segir í ályktun-
inni.
Jón segir að í raun sé stór
hluti höfuðborgarsvæðisins í
samstarfi hvað varðar kirkju-
garða nú þegar þar sem
Kópavogur falli undir Kirkju-
garða Reykjavíkur. „Kirkju-
garðar Reykjavíkur eru það
stórir í dag að þessi viðbót
yrði ekki svo mikil heldur er
þetta spurning um skipulag
og að samhæfa hlutina eðli-
lega,“ segir hann.
Hann segir fólk þó áfram
munu hafa val um hvílustað
sé þess kostur að uppfylla
óskir þess. „Það er reynt að
verða við öllum óskum fólks
með þetta og engar þvinganir
hvað það varðar.“
Breytingar á prófasts-
dæmaskipan fyrirhugaðar
Höfuðborgarsvæðið
ÞESSIR krakkar höfðu
ástæðu til að vera stoltir á
svipinn enda ekki á hverjum
degi sem þeir afhenda lista-
verk eftir sjálfa sig og vini
sína. Þetta eru þau Salvör,
Ólöf Sunna, Hulda María,
Jökull Óskar, Lárus og Andri
Pétur sem öll eru fimm ára
listamenn á leikskólanum
Gullborg við Rekagranda.
Nýlega afhentu þau Þjóð-
arbókhlöðunni þessa glæsi-
legu leirþrykksmynd sem
þau og vinir þeirra á leik-
skólanum gerðu. Í tengslum
við afhendinguna hafa
krakkarnir á Gullborg farið í
heimsóknir á Þjóðarbókhlöð-
una og kynnt sér starfsemina
þar.
Önnur leikskólabörn í
Vesturbænum hafa einnig
farið í heimsóknir á ýmsar
stofnanir í borginni en þess-
ar heimsóknir eru liður í
þeirri viðleitni að kynna
barnamenningu í stofnunum
og fyrirtækjum borgarinnar.
Lágvaxnir listamenn
Vesturbær
FORSTÖÐUMAÐUR Fjöl-
skyldu- og húsdýragarðsins
leggst gegn rekstri tívolís í
Laugardalnum í sumar og
segir tívolí og dýragarð ekki
eiga saman. Þetta kemur
fram í bréfi hans sem lagt var
fram í borgarráði á þriðju-
dag.
Eins og Morgunblaðið hef-
ur greint frá hafa breskir að-
ilar óskað eftir því að reka
tívolí við hliðina á Laugar-
dalshöll á sama tíma og Jör-
undur Guðmundsson, sem
rekið hefur tívolí á hafnar-
bakkanum undanfarin ár,
verður með sitt tívolí þar.
Íþrótta- og tómstundaráð
hefur lýst sig fylgjandi þessu
en borgarráð hefur hingað til
frestað afgreiðslu erindisins.
Í bréfi Tómasar Óskars
Guðjónssonar, forstöðu-
manns Fjölskyldu- og hús-
dýragarðsins, til borgarráðs
segir að risatívolí og dýra-
garður sé ekki góð blanda þar
sem dýrum og gestum sé
nauðsynlegt að hafa ákveðið
næði í dýragarðinum.
Aukavakt vegna hættu
á dýraníðingu
„Nú þegar er álagið á dýr-
unum oft á mörkum þess sem
undirritaður telur viðunandi
og því miður fer það yfir
strikið einstaka sinnum. Að
auki má búast við að tívolíið
starfi á kvöldin þannig að
álag varðandi hávaða og um-
gang eykst verulega. Skyn-
færi flestra dýra, s.s. heyrn,
eru mun næmari en mannsins
svo taka verður tillit til slíkra
þátta,“ segir í bréfinu.
Þá segir að reynslan sýni
að bæta þurfi við einum næt-
urverði í garðinn við margar
kvölduppákomur við Laugar-
dalshöll vegna „hættu á dýra-
níðingu og skemmdarverkum
á mannvirkjum, búnaði og
tækjum“. Leggur forstöðu-
maðurinn því til að tívolíinu
verði fundinn annar staður.
Var samþykkt í borgarráði
að fela framvæmdastjóra
íþrótta- og tómstundaráðs að
taka upp viðræður við rekstr-
araðila tívolíanna um stað-
setningu, tímasetningu og
fleira.
Morgunblaðið/Árni Sæberg
Sigrún Ebba Tómasdóttir, sem er 7 ára, horfir hér hugfangin á vænar bleikjur í Hús-
dýragarðinum í fyrradag en forstöðumaður hans er mótfallinn tívolíi við hlið garðsins.
Forstöðumaður Fjölskyldu- og húsdýragarðs-
ins leggst gegn tívolíi við Laugardalshöll
Of mikill hávaði og
umgangur fyrir dýrin
Laugardalur