Morgunblaðið - 08.06.2002, Qupperneq 33

LISTIR
MORGUNBLAÐIÐ LAUGARDAGUR 8. JÚNÍ 2002 33
Þýsk
gæði!
Stúdentakjallarinn Kvartett Kára
Árnasonar trommuleikara heldur
tónleika kl. 22.30. Með Kára spila
Sigurður Flosason á saxófón, Ómar
Guðjónsson á rafgítar og Þorgrímur
Jónsson á kontrabassa. Á efnis-
skránni eru meðal annars vel þekktir
og minna þekktir djassópusar eftir
Wayne Shorter, Sonny Rollins og
John Coltrane svo einhverjir séu
nefndir.
Álafossföt bezt í Mosfellsbæ Út-
gáfuhóf vegna útkomu bókar um ferð
nemenda Listaháskóla Íslands til
Seyðisfjarðar í mars 2001. Útgefandi
er Bókaútgáfan Roth – Verlag í sam-
vinnu við Listaháskóla Íslands. Við
vinnu þeirra sem tóku þátt í og stóðu
að námskeiðinu, féllu til skissur,
vinnuteikningar, minnisblöð og
fleira. Þegar rakað var saman af
vinnu og fundarborðum varð til
blaðabunki sem sagði smásögu um
veruna á Seyðisfirði. Meginhluti
þessarar bókar er þessi bunki órit-
skoðaður en þó raðaður í höfund-
arflokka, einnig er vísir að sýning-
arskrá frá sýningunni sem haldin var
í lok námskeiðsins. Höfundar eru
Arnfinnur Amazeen, Baldur Geir
Bragason, Elín Helena Evertsdóttir,
Gunnhildur Hauksdóttir, Lars Nils-
son, Michael Johansson, Páll Banine,
Sirra Sigrún Sigurðardóttir. Umsjón
hafði Björn Roth. Upplag 50, öll ein-
tök númeruð og árituð.
Ýmsar uppákomur verða í kvöld auk
þess sem lesið verður upp úr bókinni.
Þar er einnig komið að lokadögum
myndlistarsýningar sem haldin var
af tilefni þriðju ráðstefnu Dieter
Roth Akademíunar, þar sem fjöl-
margir nafntogaðir listamenn sýna
verk sín. Þeir listamenn sem standa
að bókinni eiga einnig verk á sýning-
unni. Sýningunni lýkur 10. júní.
Skriðuklaustur Opnunardagur sýn-
ingar með verkum eftir sex lista-
menn sem eiga það sammerkt að
vera fæddir eða aldir upp á Austur-
landi. Þeir eru: Bjarni Guðmundsson,
Haukur Stefánsson, Jón Stefánsson í
Möðrudal, Ríkarður Jónsson, Stefán
Jónsson Stórval og Steinþór Eiríks-
son. Sýningin er samvinnuverkefni
Gunnarsstofnunar og Menningar-
miðstöðvar Hornafjarðar og fram-
hald af sýningu undir sömu yfirskrift
sem var á Skriðuklaustri og Höfn
sumarið 2001. Sýningin er styrkt af
menningarráði Austurlands. Allir
velkomnir og aðgangur ókeypis á
opnunardegi milli kl. 13 og 17.
Munaðarnes Menningarhátíð
BSRB hefst kl. 14. Á hátíðinni verður
opnuð sýning á verkum Hlífar Ás-
grímsdóttur. Snorri Wium syngur við
undirleik Jónasar Ingimundarsonar
og Guðrún Þ. Stephensen leikkona
les borgfirsk ljóð. Þá mun Ögmundur
Jónasson, formaður BSRB, ávarpa
hátíðargesti.
Sýningin á verkum Hlífar er opin til
2. október.
Menningarhátíðin er opin öllum og
aðgangur ókeypis. Boðið er upp á
léttar veitingar.
ash Gallerí, Lundi, Varmahlíð
Sunna Sigfríðardóttir opnar mál-
verkasýningu. Verkin eru máluð með
olíu á striga og eru landslagsmyndir
sem sýna ferðalag Sunnu frá Rauf-
arhöfn til Akureyrar.
Þetta er þriðja einkasýning Sunnu,
en hún hefur tekið þátt í samsýn-
ingum.
Sýningin er opin alla daga frá kl. 10–
18 og stendur til 28. júní.
Jómfrúin Á öðrum tónleikum sum-
artónleikaraðar veitingahússins kem-
ur fram djasstríóið B-3. Tríóið skipa
Ásgeir Ásgeirsson gítarleikari, Agn-
ar Már Magnússon orgelleikari og
Erik Qvick trommuleikari. Tónleik-
arnir hefjast kl. 16 og standa til kl. 18.
Tónleikarnir fara fram utandyra á
Jómfrúrtorginu ef veður leyfir, en
annars inni á Jómfrúnni. Aðgangur
er ókeypis.
Borgarneskirkja Kl. 16 verður Syst-
rakvartettinn í Borgarnesi með tón-
leika.
Systrakvartettinn var stofnaður í
febrúar síðastliðnum, en hann sam-
anstendur af tvennum systrum,
Birnu og Theodóru Þorsteinsdætrum
og Jónínu Ernu og Unni Hafdísi Arn-
ardætrum. Þær eru allar uppaldar í
Borgarnesi. Birna, Jónína og Theo-
dóra starfa sem tónlistarkennarar
við Tónlistarskóla Borgarfjarðar, en
Unnur er búsett á Akranesi. Syst-
urnar hafa allar stundað söngnám,
starfað sjálfstætt sem tónlistarmenn,
ýmist sem einsöngvarar, kórstjórar
eða hljóðfæraleikarar. Þetta eru
fyrstu tónleikar kvartettsins. Á tón-
leikunum mun Anna Sigríður Þor-
valdsdóttir leika með á selló. Tónleik-
arnir eru liður í dagskrá á
Borgfirðingahátíð og kallast Upp-
taktur að Borgfirðingahátíð.
Söngdagskrá tónleikanna verður fjöl-
breytt, lög úr ýmsum áttum, bæði
klassísk og létt.
Hönnunarsafn Íslands Sumarsýn-
ing á munum í eigu safnsins verður
opnuð í sýningarsal safnsins við
Garðatorg. Sýningin ber heitið Ílát,
og hefur að geyma alls 40 nytjahluti
sem eiga það sammerkt að þeim er
ætlað að geyma, rúma eða varðveita
eitthvað sem fyrir er, í allra víðasta
skilningi, jafnvel þannig að stundum
reynir á þanþol nytjahugtaksins. Um
útlit sýningarinnar sér Tinna Gunn-
arsdóttir listhönnuður.
Ílátin eru úr leir, postulíni, plasti,
gleri, plexígleri, fíbergleri, járni, eir,
stáli, hálmi, flóka, gúmmíi, harð-
plasti, silfri og steinsteypu. Meðal
höfunda eru margir helstu hönnuðir
okkar Íslendinga, þar á meðal nokkr-
ir frumkvöðlar á sínu sviði, en einnig
þekktir erlendir hönnuðir á borð við
Tapio Wirkkala, Erik Magnussen,
Philippe Starck, Richard Hutten og
Michael Young.
Sumarsýningin í Hönnunarsafninu
verður opin kl. 14–18 alla daga nema
mánudaga út júnímánuð, en síðan
eftir samkomulagi til loka ágústmán-
aðar.
Gallerí Tukt, Hinu húsinu, Póst-
hússtræti Ung Listakona, Tea
Jääskeläinen frá Finnlandi, opnar
einkasýningu milli kl. 16 og 18. Verk-
in sem hún sýnir eru „Mandölu“-
málverk. Tea hefur myndlist-
armenntun á textílsviði en vinnur nú
aðallega í blandaðri tækni. Sýningin
er opin alla virka daga frá kl. 9 til 18
og eru alir velkomnir á opnun eða síð-
ar. Sýningin stendur til 23. júní.
Í DAG
 Sjá einnig Staður og stund á mbl.is
Systrakvartettinn heldur tónleika í Borgarnesi.
Í STAÐARSKÁLA í Hrútafirði
stendur nú yfir önnur einkasýning
Sólrúnar Guðjónsdóttur frá Selfossi
og gefur að þessu sinni að líta hand-
unnar „servíettu“-myndir.
Myndlist í
Staðarskála
JÓSÚA Parker er unglingsdreng-
ur sem kætist lítið þegar móðir hans
tilkynnir honum að hann eigi að eyða
seinni hluta sumarsins í húsi ömmu
sinnar. Amman liggur veik og dótt-
irin, móðir Jósa, þarf að hugsa um
hana. Það hefur verið fremur stopult
samband á milli mæðgnanna. Jósi á
hvorki margar né gleðilegar minn-
ingar úr húsi ömmunnar og minn-
ingar móður hans virðast raska hug-
arró hennar.
Jósi er ósáttur við að þurfa að tak-
ast þessa ferð á hendur og strax á
leiðinni til ömmunnar er ljóst að for-
tíð móðurinnar hefur að geyma
leyndarmál sem hefur aldrei látið
hana í friði.
Í furðulegu húsi ömmunnar er allt
fullt af myndum og dóti og alls kyns
drasli; allt pakkað í hólf og gólf,
nema eitt herbergi. Það er háaloftið,
sem er herbergi Patreks, móður-
bróður Jósa, sem er sagður hafa lát-
ist á unglingsaldri. Þetta er herberg-
ið sem Jósi velur sér á meðan á
dvölinni stendur. Og þar finnur hann
leyniskáp. Inni í honum er kassi sem
hefur að geyma einkennilega hluti
sem þó reynast vera lyklar að skelfi-
legu fjölskylduleyndarmáli.
Hús ömmunnar er í smábæ sem
eiginlega virðist hafa orðið til við að
sveitin þéttist og það er ekki margt
sem borgarbarnið Jósi getur gert sér
til dundurs þar. Á endanum fær
hann móður sína til að gefa sér tölvu-
leik og byrjar að þræða sig í gegnum
hann, þegar móðir hans er ekki að
nota tölvuna.
Fljótlega áttar hann sig á því að
minningarnar eru farnar að sækja á
móður hans og hún er farin að skrifa
þær niður. Það sem er einkennilegt
er að skrif hennar ríma á margan
hátt við tölvuleikinn sem hann er að
reyna að skilja og ná valdi á. Í gegn-
um leikinn nær hann að rekja þá at-
burðarás sem átti sér stað á þessu
sama svæði mörgum árum áður og
afhjúpa fjölskylduleyndarmálið og
komast að því hver Patrekur, móð-
urbróðir hans, var.
Hann kemst að því að hann var
einhverfur og að einn daginn varð
fjölskyldan að losa sig við hann. En
hvað varð af honum? Hvers vegna er
er þessi löngu horfni drengur aðal-
persónan í lífi fjölskyldunnar og mið-
punktur sögunnar? Sannleikann eða
lífið er vel skrifuð spennusaga og frá-
brugðin öðrum sögum sem fjalla um
félagslegan vanda, eins og til dæmis
einhverfu, að því leyti að höfundur
fókuserar ekki á Patrek með vel
meinandi augum félagslegu-vanda-
málapakka-fræðingsins. Patrekur er
persóna í sögunni, með aðlaðandi og
óaðlaðandi eiginleika; sumum finnst
hann fórnarlamb, aðrir sjá í honum
sökudólg og fjölskyldu sinni er hann
bæði gleði og byrði. Hann er mönd-
ullinn sem allt snýst um, hvort sem
fólki líkar það betur eða verr, og sá
möndull flyst áfram á milli kynslóða.
En fyrst og fremst er þetta
spennusaga og saga um Jósa sem fer
óafvitandi að grafast fyrir um fortíð-
ina. Þetta er einkar vel skrifuð bók
og svo spennandi að það er varla
hægt að leggja hana frá sér fyrr en
henni er lokið. Fléttan er skemmti-
lega hugsuð og útfærð og þar sem sí-
fellt er verið að fárast yfir því að ung-
lingar nú til dags hangsi stöðugt yfir
tölvum – ja, þá verður að segjast eins
og er að einmitt sá nú-til-dags háttur
nýtist afar vel í þessari sögu. Þetta
er saga sem hefur að geyma nútíma-
heim unglinganna, jafnframt því að
vera hörkuskáldsaga.
Þýðingin er vel unnin og hvergi
hnökrar sem lesandinn hnýtur um.
Spennandi nú-
til-dags saga
BÆKUR
Unglingabók
Höfundur: Celia Rees Þýðandi: Kristín R.
Thorlacius. Útgefandi: Muninn 173 bls.
SANNLEIKANN EÐA LÍFIÐ
Súsanna Svavarsdóttir
♦ ♦ ♦