Morgunblaðið - 08.06.2002, Blaðsíða 50

FRÉTTIR
50 LAUGARDAGUR 8. JÚNÍ 2002 MORGUNBLAÐIÐ
F
ORSVARSMENN nokk-
urra bifreiðaumboða
gagnrýna hvernig ríkið
stóð að útvegun bifreiða
sem notaðar voru við
akstur utanríkisráðherranna 45 sem
sóttu vorfund Atlantshafsbandalags-
ins í síðasta mánuði og telja að útboð
hefði átt að fara fram.
Utanríkisráðuneytið samdi við
Bifreiðar og landbúnaðarvélar
(B&L), umboðsaðila BMW hérlend-
is, sem lagði til 45 bíla af BMW-gerð,
er notaðir voru við akstur utanrík-
isráðherranna á fundinum.
Flutti umboðið 30 bíla til landsins
vegna þessa. Samgönguráðuneytið
veitti B&L starfsleyfi til reksturs
bílaleigu til bráðabirgða, með mjög
stuttum fyrirvara, vegna umræddra
bifreiða og hefur sú leyfisveiting
einnig verið gagnrýnd.
Utanríkisráðuneytið svarar gagn-
rýninni á þann veg að framkvæmd
fundarins falli undir undanþágu-
ákvæði laga um opinber innkaup og
hafi ekki verið útboðsskyld.
Framkvæmd fundarins byggðist á
samningi íslenskra stjórnvalda og
NATO, skv. upplýsingum ráðuneyt-
isins.
Athugasemdir við
útgáfu bílaleiguleyfis
Sigfús R. Sigfússon, forstjóri
Heklu, telur að reglum um útboð hafi
ekki verið fylgt, þegar utanríkis-
ráðuneytið útvegaði glæsibifreiðar
fyrir utanríkisráðherrana. „Tilgang-
ur reglnanna er auðvitað að tryggja
jöfn tækifæri þeirra sem hagsmuna
eiga að gæta. Auðvitað átti að hafa
útboð vegna þessara viðskipta. Það
umboð sem best bauð hefði þá
hreppt hnossið. Svo er það ekki síður
athugunarefni hvernig staðið var að
því að útvega tilteknu fyrirtæki bíla-
leiguleyfi. Maður spyr sig hvers
vegna bílaleigurnar í landinu fengu
ekki þetta verkefni, frekar en að
leigja notaða bíla af tilteknu bifreiða-
umboði. Mistök af þessu tagi eru
mjög slæm og leiðinlegur blettur á
annars vel heppnuðu skipulagi utan-
ríkisráðuneytisins á fundinum,“ seg-
ir Sigfús.
Bogi Pálsson, forstjóri Toyota-
umboðsins P. Samúelsson hf., gerir
miklar athugasemdir við fram-
kvæmd vorfundarins. Hann segir að
allar reglur hafi verið sveigðar og
beygðar og það sé óþolandi fyrir
önnur bílaumboð en B&L.
Bogi segir að ríkið hafi ákveðnar
reglur um hvernig staðið skuli að op-
inberum innkaupum. Þegar kostnað-
ur sé kominn upp fyrir ákveðið mark
skuli framkvæmt útboð. Enginn hafi
hins vegar haft samband við P. Sam-
úelsson í sambandi við þessa fram-
kvæmd. „Auðvitað vekur það líka
ákveðnar spurningar þegar maður
sér að utanríkisráðuneytið hefur ný-
lega fest kaup á BMW bifreið fyrir
ráðherra, án þess að útboð hafi farið
fram. Verðið var þó alveg ábyggilega
það hátt að útboð hefði átt að fara
fram,“ segir hann.
Bogi segir að utanríkisráðuneytið
hafi reynt að komast hjá því að þurfa
að bjóða framkvæmdina út með því
að kaupa ekki bílana sjálft, heldur
leigja þá. „Væntanlega hafa þessir
bílar ekki fengist til landsins á þeim
gríðarlega afslætti sem raun bar
vitni nema með þeim formerkjum að
þeir yrðu notaðir til að flytja ráð-
herrana. Verksmiðjurnar hefðu aldr-
ei farið að gefa svona afslátt að
ástæðulausu,“ segir hann. Hann seg-
ir þetta verklag bera vott um siðferð-
isbrest.
Að sögn Boga ákvað ríkið að
hunsa samninga sína við bílaleigur,
sem gerðir voru eftir útboð, senni-
lega að því gefnu að þær ættu ekki
bifreiðar við hæfi. Einnig hafi verið í
gildi samningar við leigubílastöðvar,
en ákveðið að skipta ekki við þær,
líklega af sömu ástæðum. „Þegar bíl-
arnir komu til landsins átti að taka
þá strax í notkun. Þá uppgötvaði ein-
hver, á elleftu stundu, að nauðsyn-
legt væri að leigja bílana af einhverj-
um. Sá galli var hins vegar á gjöf
Njarðar að B&L, sem flutti þá til
landsins, hafði ekki bílaleigustarfs-
leyfi. Þá var farið í að gefa út slíkt
leyfi fyrir fyrirtækið, þrátt fyrir að
það gangi fyrir sig með öðrum hætti
ef aðrir sækja um. Slíkt leyfi er afar
ströngum skilyrðum háð, varðandi
tryggingar og fleira,“ segir Bogi.
Voru á rauðum
númerum
Hann segir að bílarnir hafi borið
rauð númer og til þess hæf yfirvöld
hafi gert athugasemdir við það. „Þá
var því bjargað samstundis, með því
að gefa út aukaleyfi til að í þetta
verkefni megi nota bíla á rauðum
númerum. Það er öllum öðrum al-
gjörlega óheimilt,“ segir hann.
Bogi segir að það sé fyrir neðan
allar hellur að leyft sé að leigja út
bifreiðar sem ekki sé búið að toll-
afgreiða eða greiða af nein opinber
gjöld. „Ég er ansi hræddur um að
ríkið myndi snarlega beita sér fyrir
því að starfsleyfið yrði tekið af hverj-
um þeim sem undir venjulegum
kringumstæðum myndi sýna þá
hegðun,“ segir hann. „Það er algjör-
lega óþolandi fyrir aðra í þessari
grein að allar reglur séu beygðar og
sveigðar að vild í þessu máli.“
Bogi segir líka að þessi mikli inn-
flutningur geti valdið tímabundnu
offramboði á markaði fyrir lúxus-bif-
reiðar og sé þegar farinn að hafa nei-
kvæð áhrif á verð BMW bíla sem nú
séu í offramboði á markaðnum, enda
sé greinilegt að einhverjir þeirra
sem fest hafi kaup á þessum tilboðs-
bílum hafi einungis ætlað að kaupa
afsláttinn með því að losa sig strax
við bílana.
Lúxusbifreiðir um 5,8%
af markaði fyrir fólksbíla
„Það var ekki haft samband við
okkur, sem hefði verið eðlilegt, sér-
staklega ef eitthvað hefur verið
borgað fyrir [bílana],“ segir Egill Jó-
hannsson, framkvæmdastjóri Brim-
borgar. Að hans sögn gerði fyrirtæk-
ið þó ekki athugasemdir við þetta
þar sem hann sagði að menn væru
löngu orðnir þreyttir á hvernig
stjórnvöld stæðu að málum af þessu
tagi. Eðlilegur framgangsmáti hefði
verið að viðhafa útboð eða í það
minnsta að leita eftir því við bifreiða-
umboðin hvort þau vildu vera með.
Samkvæmt útreikningum sem
Egill hefur gert er innflutningur svo-
nefndra glæsibifreiða til landsins
það sem af er árinu um 5,8% af heild-
armarkaði fólksbíla hér á landi. Hef-
ur innflutningur þessara bifreiða
tvöfaldast á sl. fimm árum. Ef gert
er ráð fyrir að fluttir verði inn um
7.000 fólksbílar á þessu ári eru lúx-
usbifreiðar þar af að hámarki um 300
talsins.
Búið að selja alla bílana
B&L, umboðsaðili BMW hérlend-
is, lagði til umrædda BMW bíla sem
notaðir voru við akstur utanríkisráð-
herranna á fundinum og flutti inn 30
bíla vegna þessa. Alls voru lagðir til
fimm bílar af svokallaðri 7-línu, 10
X5-jeppar og 28 bílar úr 5-línunni.
Að sögn Guðmundar Gíslasonar hjá
B&L hafa allir bílarnir nú verið seld-
ir.
Aðspurður um þá gagnrýni sem
fram hefur komið á að ráðuneytið
viðhafði ekki útboð sagði Guðmund-
ur að það væri utanríkisráðuneytis-
ins að svara fyrir það. Hann tók fram
að bílarnir hefðu ekki verið leigðir
heldur hafi ráðuneytið fengið afnot
af bílunum þessa daga í kringum ut-
anríkisráðherrafundinn.
Aðspurður hvort bílarnir sem-
fluttir voru til landsins hefðu fengist
á sérstökum afslætti sagði hann að
alltaf fengjust betri samningar þeg-
ar um væri að ræða innkaup á mörg-
um bílum í einu lagi.
Guðmundur segir mjög stóran
Forsvarsmenn bílaumboða gagnrýna hvernig staðið
var að útvegun bifreiða fyrir ráðherrafund NATO
Ríkið greiddi
3,1 milljón fyrir
ráðherrabílana
Utanríkisráðuneytið
greiddi rúmlega 3,1
milljón kr. fyrir afnot af
45 glæsibifreiðum sem
notaðar voru á vorfundi
utanríkisráðherra
NATO. Forsvarsmenn
nokkurra bílaumboða
gagnrýna harðlega að
ekki var viðhaft útboð
en að mati ráðuneytisins
var framkvæmdin ekki
útboðsskyld.
Morgunblaðið/Árni Sæberg
Utanríkisráðuneytið útvegaði bifreiðir fyrir utanríkisráðherra og sendi-
nefndir þátttökuríkja á vorfundi NATO í Reykjavík 14. og 15. maí sl.
„Þegar þú komst í heiminn gréstu
en þínir nánustu voru glaðir.
Lifðu þannig að þegar þú ferð
gráti þínir nánustu en þú sjálfur
verður glaður.“ (S. Kierkegaard.)
Elsku Þórdís og Arnar. Það var
stoltur faðir sem hringdi til okkar að
kveldi 21. maí. Fæddur var lítill
snáði. Við réðum okkur ekki fyrir
kæti, loksins var hann fæddur, það
var búið að bíða eftir þessum atburði
í mörg ár. Það var varla búið að
leggja á þegar það kom upp að hann
var mikið veikur og þurfti að fara í
aðgerð. Við vorum svo hreykin að þú
fékkst að bera nöfnin okkar og það
var skrítin tilfinning að eiga lítinn og
sætan nafna. Við vorum bjartsýn á
að þetta tækist allt saman hjá þér,
hetjan okkar. Svo kom bakslagið og
óvissan um hvort þú hefðir krafta til
að takast á við veikindin. Það voru
þung spor þegar afi þinn kom og bað
mig um að koma heim. Þá vissi ég að
það voru ekki góðar fréttir sem hann
hafði að færa. Elsku drengurinn
okkar var látinn, þessi litli kroppur
sem var búinn að þurfa að þola svo
mikið á stuttri ævi sinni.
Elsku börnin mín, ég veit að þið
þráðuð hann heitt og áttuð skilið að
fá að hafa hann hjá ykkur miklu
lengur, en þetta var tíminn sem þið
fenguð, hann var ljúfur en erfiður.
Elsku Þórdís mín og Arnar, Guð
varðveiti minningarnar um litla
drenginn ykkar. Megi hann veita
ykkur styrk í þessari miklu sorg.
Afi og amma, Stykkishólmi.
Það voru miklar gleðifréttir þegar
litli sonarsonurinn kom í heiminn
ljúfan sumardaginn 21. maí. Mikið
voru foreldrarnir og fjölskyldurnar
búnar að hlakka til þessarar stundar
að fá lítinn sólargeisla í faðminn.
GUÐMUNDUR INGI
ARNARSSON
✝ Guðmundur IngiArnarsson fædd-
ist 21. maí 2002.
Hann lést 1. júní síð-
astliðinn.
Foreldrar hans
eru hjónin Arnar
Kristjánsson, f. 2. júlí
1969, og Þórdís
Anna Guðmunds-
dóttir, f. 17. apríl
1971.
Útför Guðmundar
Inga verður gerð frá
Grundarfjarðar-
kirkju í dag og hefst
athöfnin klukkan 15.
En vegir Guðs eru
órannsakanlegir. Erfitt
er að skilja hvers vegna
þessi fallegi litli dreng-
ur er hrifinn burtu úr
ástríkum faðmi foreldr-
anna eftir tíu daga erf-
iða baráttu hér heima
og í London og enn erf-
iðara er að sætta sig við
það.
Elsku Þórdís og
Arnar, megi almáttug-
ur Guð styrkja og
hugga í ykkar miklu
sorg.
Farðu í Guðs friði,
elsku Guðmundur Ingi.
Sr. Jóni Baldvinssyni í London
eru færðar innilegar þakkir fyrir
ómetanlega aðstoð.
Amma og afi, Grundarfirði.
Elsku Guðmundur Ingi minn, ég
man þá gleðitilfinningu sem um mig
fór þegar Addi bróðir tilkynnti mér
um komu þína í heiminn. Ég er þakk-
látur fyrir þann stutta tíma sem þú
varst með okkur. Þegar ég leit þig
augum fylltist ég stolti og fegurð þín
fer mér aldrei úr huga. Þó að ég hafi
einungis litið þig augum einu sinni
þá var hugur minn alltaf hjá þér og
foreldrum þínum. Líf þitt var bar-
átta frá fyrsta degi sem endaði með
því óhjákvæmilega. Núna ertu í
faðmi Guðs sem veitir mér mikla
huggun.
Ég er þakklátur öllu hinu góða
fólki sem lagði sitt lóð á vogarskál-
arnar til að lengja dvöl þína hérna
með okkur, einnig öllu því góða fólki
sem sýndi samhug og stóð með for-
eldrunum og fjölskyldunni þessa erf-
iðu daga.
Elsku foreldrar, Arnar og Þórdís,
Guð veri með ykkur á þessum erfiðu
tímum sem og um ókomna framtíð.
Þórarinn Kristjánsson.
Elsku Þórdís og Addi. Þegar ég
fékk fréttirnar um að hann Guð-
mundur Ingi væri fæddur grét ég af
gleði og Embla hoppaði af kæti. Síð-
ar, þegar það kom í ljós að litla hjart-
að hans var veikt, héldum við í von-
ina. Nú sitjum við með hendur í
skauti okkar, harmi slegnar yfir
þeim stutta tíma sem hann fékk til að
dvelja meðal okkar.
Minning hans mun lifa í hjarta
okkar.
Guðrún og Embla.
4   
&
1 ,2)"
  (   
) 
5
  

 


 #
"# 

 

'A ""  +$ >##!$$
%-!"C$# $!.
- .  
 

"    
 " "  
" 
0D.0D>
$$ !
!("!!E 
  4
    1
2


  (    (  

 67  
 (   


" 1
     

$$ 

 $% %&
$!* +
'( #'!

'(&." ,%$
&"   " ,#'! F" +$%$
$!* +
'( #'!
" ,=)F"%$
 $A!"#
'( #'!
$$   F"#'!
F"!
MINNINGAR