Morgunblaðið - 09.06.2002, Page 49

BRÉF TIL BLAÐSINS
MORGUNBLAÐIÐ SUNNUDAGUR 9. JÚNÍ 2002 49
meistar inn. is
ÁBYRGÐ ÁREIÐANLEIKI
RAÐGREIÐSLUR
Hættum rekstri tímabundið
Mikill afsláttur
Allt á að seljast
5% aukaafsláttur m.v. staðgreiðslu
Sími 861 4883
á handhnýttum, austurlenskum gæðateppum
á Grand Hóteli, Sigtúni, Reykjavík
ÚTSALA - ÚTSALA
föstudag 7. júní kl. 13-19
laugardag 8. júní kl. 13-19
sunnudag 9. júní kl. 13-19
Mánudaginn 10. júní kl. 07:00 verður umferð hleypt á mislæg gatnamót Víkurvegar við
Vesturlandsveg og eru nýjar akstursleiðir sýndar á kortinu.
Jafnframt verða tekin í notkun ný umferðarljós á gatnamótum Víkurvegar, Reynisvatnsvegar
og Þúsaldar.
Vegfarendur eru beðnir að sýna fyllstu aðgát í akstri um svæðið næstu daga þar sem
enn er unnið að ýmsum frágangi.
Endanleg verklok eru áætluð þann 1. júlí. Gatnamálastofa í Reykjavík
Gatnamót vesturlandsvegar
og víkurvegar
Tilkynning um umferð
UNGUR maður á förnum vegi í mið-
borg Reykjavíkur varð nýlega fyrir
fólskulegri árás tveggja honum
ókunnra manna með þeim afleiðing-
um að hann lést á sjúkrahúsi
skömmu síðar án þess að komast til
meðvitundar.
Nú skyldi maður ætla að almenn-
ingi yrði hverft við svo voveiflegan
atburð og umræða ætti sér stað í
fjölmiðlum vegna þessa.
Nei. Í blöðum birtist smáfregn af
láti unga mannsins (sem átti framtíð-
ina og svo til allt lífið fyrir sér). Því
er svo bætt við í framhjáhlaupi eins
og til skýringar eða jafnvel afsökun-
ar að árásarmennirnir, sem játað
hafa verknaðinn, hafi verið undir
áhrifum áfengis.
Hvar er samúðin með aðstandend-
um?
Engu er líkara en það sé orðinn
eðlilegur hlutur og ekki umtalsverð-
ur að saklaust fólk sé drepið á götum
Reykjavíkur.
Líklega höfum við þegar sett nýtt
met af mörgum miðað við höfðatölu
og nú í ofbeldi án þess að þjóðinni
þyki það umtalsvert.
ÞÓRA JÓNSDÓTTIR,
Þorragötu 5.
Hamingjusnauð þjóð?
Frá Þóru Jónsdóttur:
ÞAÐ er margt sem hægt er að setja
í samhengi við ungmenni en sum-
arvinna er ekki þar á meðal.
Fyrir skólakrakka sem ekki vinna
með skólanum er mjög erfitt að fá
sumarvinnu. Sérstaklega er það erf-
itt fyrir aldurshópinn 16–18 ára.
Þau eru of gömul í vinnuskólann og
barnapössun, of ung í afgreiðslu-
störf og flestir vinnuveitendur vilja
eldri einstaklinga í vinnu hjá sér.
Allt er lokað.
Fyrir þessa krakka er því aðeins
eitt að gera. Leita til bæjarfélagsins
eftir vinnu. Þar er vinnuskólinn
þeim lokaður því þau eru of gömul.
Svo eru þau send á milli fjölda staða
á vegum bæjarins eins og jójó til
þess að sækja um vinnu. Á einum
staðnum fylla þau út umsókn-
areyðublað. Á þeim næsta tala þau
við yfirmenn og á þeim þriðja betla
þau. Sumir eru heppnir og komast
að en það er bara um 1/3 þeirra sem
sækja um og fæst bæjarfélög leggja
meira fé í þessi ungmenni til þess að
tryggja þeim störf. Reykjavík hefur
þó staðið sig vel í þeim efnum og
ættu önnur bæjarfélög að taka höf-
uðborgina sér til fyrirmyndar.
Þegar þeir krakkar sem eru ekki
svo heppnir að fá vinnu eru búnir að
fara nokkrum sinnum á hvern stað
er þeim sagt að eina ráðið sé að skrá
sig á atvinnuleysisbætur, sem er
mjög niðurdrepandi og leiðinlegt.
Þeim er svo sagt að það verði hringt
í þau ef vinna handa þeim finnst, en
báðir aðilar vita að svo verður ekki.
Þetta endar svo með því að krakk-
arnir sitja heima allt sumarið með
16.000 krónur á mánuði og niður-
lægð. Þetta er auðvitað leiðinlegt
fyrir krakkana, sérstaklega þá sem
tóku þá ákvörðun að vinna ekki með
skólanum til þess að geta lagt sig
fram og ná góðum árangri í náminu.
Mig langar svo í lokin að minna
stjórnendur bæjarfélaganna á það
að við unga fólkið erfum landið og
þó við séum ekki með kosningarétt
núna þá verðum við komin með
hann eftir fjögur ár. Og við erum
mörg.
KRISTÍN ÞÓRA
JÖKULSDÓTTIR,
16 ára nemi úr Keflavík.
Hugleiðing til bæjarfélaganna!
Frá Kristínu Þóru Jökulsdóttur:
alltaf á föstudögum
PIPAR OG SALT
Klapparstíg 44
S: 562 3614
Vönduð - ryðfrí
HÚSASKILTI