Morgunblaðið - 09.06.2002, Blaðsíða 58

FÓLK Í FRÉTTUM
58 SUNNUDAGUR 9. JÚNÍ 2002 MORGUNBLAÐIÐ
ÁSGARÐUR, Glæsibæ: Dansleikur
kl. 20:00 til 23:30. Caprí-tríó leikur
fyrir dansi.
GRAND ROKK: Vorblót 2002: Hádeg-
isdjass. Kl. 14: Stuttmyndasýning. 15:
Bókauppboð. 17: Djass og dægurlög.
21: Djass og upplestur glæpasagna.
Súkkat kemur einnig fram.
O’BRIEN’S: James Hickman.
SIRKUS: Raftónleikar með EXOS,
Einóma, Dj Kára
og Jega sem
gefnir hafa verið
út af Matador og
Skam, sem hefur
m.a. einnig gefið
út efni með Au-
techre og Boards
of Canada. Að-
gangur ókeypis.
VÍDALÍN: Örkuml.
Í DAG
 Sjá einnig Staður og stund á mbl.is
EXOS
ÞAÐ VAR rífandi stemning meðal
hátt á fimmta hundrað tónleikagesta
sem lögðu leið sína á veitingastaðinn
NASA við Austurvöll sl. fimmtudags-
kvöld þegar Mezzoforte steig þar á
svið í fyrsta sinn á Íslandi í mörg ár. Í
tilefni af 25 ára starfsafmælinu var
ákveðið að halda í tónleikaferð til
Danmerkur og Noregs og lokatón-
leikarnir voru í Reykjavík.
Það þurfti ekki annað en svipast
um í salnum til að sjá að uppistaðan í
áheyrendahópnum voru fornir fylgis-
menn hljómsveitarinnar sem var á
sínu blómaskeiði á níunda áratug síð-
ustu aldar. Og þeir fengu sinn
skammt refjalaust og á fullum styrk.
Á efnisskránni voru lög af sex síð-
ustu plötum hljómsveitarinnar en alls
eru þær níu. Þrjár þær fyrstu voru
látnar liggja milli hluta. Lögin heita
flest enskum nöfnum enda grimmt
verið stílað inn á erlendan markað og
vinsældir Mezzoforte jafnan verið
mun meiri á erlendri grund en á Ís-
landi, þótt harður kjarni Mezzoforte-
manna hafi jafnan fylgt sveitinni.
Byrjað var á „The Squid“ af Monkey
Fields, sem kom út árið 1996. Þá var
Óskar Guðjónsson saxófónleikari ný-
genginn til liðs við Mezzoforte og setti
hann strax fríkaðan tón í sveitina sem
mörgum þótti hið besta mál, þar á
meðal undirrituðum. Óskar er lag-
rænn með afbrigðum en á léttflipp-
aðan hátt sem gagnast heildarsvip
Mezzoforte vel. Friðrik Karlsson var
fjarri góðu gamni en í hans stað var
kominn Staffan nokkur Olsson – afar
flinkur gítarleikari sem á greinilega
rætur í hörðu rokki. Hann var vel
með á nótunum og spilaði feiknar-
flotta sólóa auk þess að lita allt
Mezzoforte-léreftið með alltumlykj-
andi hljómaspili. Hann á sér líka allt
aðrar hliðar, eins og best má heyra á
tríó-diski hans, sem lá frammi til sölu
í NASA. Þar kveður við angurværan
djassgítartón í gömlum þekktum
popp- og djasssmellum sem voru upp-
eldisfélagar Olsson í Svíþjóð.
Mezzoforte keyrði dagskrána
áfram án mikilla kynninga og seið-
mögnuð stemmning myndaðist í saln-
um, enda ekkert til sparað í hljóm-
styrk, ljósagangi og dalalæðan
liðaðist um sviðið. Hljómstyrkurinn
var reyndar á tíðum meiri en salurinn
ber og barði hljóðhimnurnar mis-
kunnarlaust. En það var klúbbstemn-
ing á staðnum og menn könnuðust við
prógrammið. Gaman hefði verið að
heyra nýtt efni en það er líklega
heimtufrekja því tónleikarnir voru til
að fagna fjórðungi úr öld og upprifjun
því hið sjálfsagðasta mál. Mezzoforte-
liðar hafa þó sagt að á döfinni sé að
endurvekja sveitina fyrir fullt og fast
og þá verður ekki langt að bíða nýrrar
hljómplötu því sköpunargleðin er til
staðar og hljómsveitin svingar sem
aldrei fyrr.
Styrkur Mezzoforte liggur ekki síst
í snjöllum hljóðfæraleikurum sveitar-
innar sem allir eiga létt með að spinna
langa sólókafla út frá fremur einföld-
um lagasmíðunum. Jóhann Ásmunds-
son fór til að mynda fullkomlega á
kostum en vörumerki hans er galvan-
íseraður naglahljómur og rytmískur
ásláttur ásamt aðdáunarverðri
fingrafimi. Það er allt á hreinu hjá
þessum mæta manni, sem gaf út sinn
fyrsta sólódisk í hittiðfyrra. Gunn-
laugur Briem gaf sömuleiðis út fyrsta
sólódiskinn á síðasta ári og efast eng-
inn um að þar fer einn af snjallari
trommuleikurum sem þessi þjóð hef-
ur alið. Hann kallaði fram gæsahúð á
hverjum manni með löngu og stór-
glæsilegu trommusólói um miðbik
tónleikanna og uppskar mikið lof.
Fönkið er uppistaðan í Mezzoforte
og það gerist ekki svalara en í „Play-
ing for Time“ sem flaut með á efnis-
skránni en þar var líka að finna trega-
skotnara lag af Daybreak, „Journey’s
End“. Eyþór spilaði á hljómborð með
grand piano hljómi og var djassaðri
en á velmektardögum sveitarinnar.
Síðasta lag var gulleggið „Garden
Party“ sem á íslensku kallast „Sprett
úr spori“; óaðfinnanlega flutt og gam-
an að heyra það á ný í lifandi flutningi,
en það er einhver holur hljómur í því
núna, nítján árum eftir að það ærði
poppþyrsta í Bretlandi og á megin-
landi Evrópu. Altént er meira spunn-
ið í flest önnur lög sveitarinnar að
mati þess sem þetta skrifar, ekki síst
af síðustu diskum, s.s. Monkey Fields,
Daybreak og Playing for Time.
Mezzoforte slapp ekki af sviðinu
fyrr en eftir aukalag sem var reyndar
skemmtilega samsettur hræringur af
stefjum úr hinni og þessari átt úr 25
ára sögunni.
Nú vilja menn bara meira og ekki
mega líða önnur fimm ár þar til þessi
góða bræðingssveit stígur á svið á ný.
Mezzo-
forte á
fullum
styrk
Morgunblaðið/Golli
Óskar, Jóhann og Staffan Olsson í tónlistarlegri einingu
á tónleikunum á fimmtudagskvöld.
NASA
Tónleikar
Tónleikar með Mezzoforte á veitinga-
staðnum NASA 6. júní 2002. Hljómsveit-
ina skipuðu Gunnlaugur Briem á tromm-
um, Eyþór Gunnarsson á hljómborði,
Jóhann Ásmundsson á bassa, Staffan
Olsson á gítar og Óskar Guðjónsson á
saxófón.
MEZZOFORTE
Guðjón Guðmundsson