Morgunblaðið - 17.08.2002, Qupperneq 39

LISTIR
MORGUNBLAÐIÐ LAUGARDAGUR 17. ÁGÚST 2002 39
ÖRN Þorsteinsson lagði stund á
myndlistarnám í Svíþjóð á sjöunda
áratugnum og hóf feril sinn innan
málaralistarinnar en sneri sér fljót-
lega að höggmyndalist, að hluta fyrir
tilstilli Sigurjóns Ólafssonar högg-
myndara sem sagði að hann „málaði
skúlptúr“. Síðan hefur Örn unnið
verk sín í ýmis efni, m.a. tré, brons, ál
og nú grágrýti, fjörugrjót sem hann
vinnur á sýningarstaðnum.
Lónkot í Skagafirði er rétt norðan
við Hofsós, þar er rekin ferðaþjón-
usta og haldnar myndlistarsýningar,
sú fyrsta þeirra var helguð alþýðu-
listamanninum Sölva Helgasyni sem
var ættaður úr nágrenninu og er
minnisvarði um hann í Lónkoti og
eftirprentanir af verkum hans á
veggjum í veitingahúsinu.
Verk Arnar eru unnin í fjörunni
við Lónkot, í stóra grágrýtissteina.
Sýningarsvæðið er utandyra, malar-
hringur og í kringum hann myndar
grasi gróinn veggur skeifu. Steinum
Arnar er komið fyrir á malarhringn-
um, nokkuð dreift og með jöfnu milli-
bili. Grjótið er unnið með sög, slípi-
rokk, hamri og meitli.
Steinarnir minn flestir á einhverj-
ar lífverur eða skepnur og hlutar
sumra þeirra minna á líkamsparta.
Með verkfærum sínum myndar Örn
mismunandi áferð og jafnvel mis-
munandi lit á sama steininum. Stund-
um mótar hann mynd á steininn,
næstum óháð honum að öðru leyti, en
betur tekst upp þar sem steinn, form
og mynd skapa eina heild.
Örn dregur ekki myndir sínar
fram úr steininum eins og högg-
myndarinn Páll á Húsafelli, sem
einnig vann myndir úr grjóti í Lón-
koti árið 2000, heldur mótar steininn
eftir sínu höfði. Steinar Páls halda
upprunalegum eiginleikum sínum að
miklu leyti, en Örn skapar að miklu
leyti algjörlega nýtt verk úr sínum
steinum. Tækni og menning tuttug-
ustu aldar eru sýnilega til staðar í
verkum Arnar.
Í anda Sölva Helgasonar vinnur
Örn verk sín annars vegar líkt og al-
þýðulist, hann skapar skepnur og
kynjaverur úr því sem hendi er næst.
Hins vegar býr hann að bakgrunni
sínum, reynslu og tækni sem mynd-
listarmaður. Hann gerir ekki upp á
milli þessara tveggja ólíku leiða,
heldur kýs að fara þær báðar. Þessi
afstaða hans finnst mér sterkasta
einkenni sýningarinnar og vera bæði
kostur hennar og galli.
Örn skapar fáguð verk sem að
hluta til taka mið af höggmyndalist
tuttugustu aldar. Hann leitast við að
móta form og áferð sem mynda sjálf-
stæð, óhlutbundin verk sem minna á
leið á furðuverur eða einhver nátt-
úruleg fyrirbæri. Þessi togstreita
milli þess óhlutbundna og hins
þekkta hlutveruleika einkennir sýn-
inguna alla og tekst misvel, einna síst
þar sem form eða mynd nær ekki að
tengjast steininum.
Þegar best tekst til standa verkin
undir því að vísa til tveggja heima.
Þau ná að skapa sjálfstæða fagur-
fræðilega heild sem tengist listasögu
tuttugustu aldarinnar, en á næsta
augnabliki tekur þessi mynd á sig
ásýnd sels með þangblöðku á bakinu.
Náttúran og menningin
MYNDLIST
Lónkot í Skagafirði
Sýningin stendur til ágústloka.
ÖRN ÞORSTEINSSON HÖGGMYNDIR
Ragna Sigurðardóttir
BÓKAÚTGÁFAN Salka efnir til
listaverkasýningar í samvinnu við Al-
þjóðahúsið á Hverfisgötu 18 í dag kl.
14. Tilefnið er að næstu daga kemur
út bókin Furðudýr í íslenskum þjóð-
sögum sem Björk Bjarnadóttir þjóð-
fræðingur tók saman og Guðrún
Tryggvadóttir myndskreytti. Sýnd
verða verk Guðrúnar og innihald
bókarinnar kynnt en bókin kemur út
samtímis á íslensku, ensku og þýsku.
Salka hefur opnað nýja heimasíðu
á slóðinni www.salkaforlag.is þar
sem nánari upplýsingar er að finna
um bókina og útgáfustarfsemi Sölku
og einnig er hægt að panta þar bæk-
ur. Útgáfan rekur einnig verslun á
Skólavörðustíg 4.
Sýningin í Alþjóðahúsinu stendur
til 6. september og er opið mán.–fim.
kl. 10–1, fös. kl. 10–3, lau. kl. 11–3,
sun. kl. 12–1.
Furðudýrasögur
Fyrstir
koma
-fyrstir
fá
Sýningarhúsgögn og lítið
útlitsgölluð húsgögn á
afslætti
30-60%
17.-18. ágúst
Aðeins í 2 daga
LAGER-
SALA
Mánudaga - föstudaga
kl. 10:00 - 18:30
Laugardaga
kl. 10:00 - 17:00
Sunnudaga
kl. 12:00 - 17:00
OPIÐ
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
KE

18
46
6
0
8/
20
02

sýning á
menningarnótt
Pétur Gautur
Verið velkomin á sýningu mína á
vinnustofu minni, sem er á horni
Njálsgötu og Snorrabrautar, frá
kl.17.00 - 23.00.
Kl.20.00 - 22.00 munu Jóel Pálsson
saxafón, Tómas R. Einarsson
kontrabassa og Hilmar Jensson
gítar leika af fingrum fram.