Morgunblaðið - 17.08.2002, Qupperneq 55

FRÉTTIR
MORGUNBLAÐIÐ LAUGARDAGUR 17. ÁGÚST 2002 55
GÓÐAR veiðifréttir berast enn
víða að og vekur athygli að göngur
eru enn í mörgum ám, kannski ekki
eins kröftugar og í síðasta mánuði,
en miðað við síðustu veiðisumur er
það skemmtileg nýlunda því lax-
agöngur hafa átt það til að fjara
gersamlega út uppúr mánaðamót-
um júlí og ágúst. Mestur kraftur er
í göngum á norður- og norðaust-
urhorninu þar sem heita má að sé
mokveiði. Þannig hafa fjórir síð-
ustu daga í Hofsá gefir rétt yfir 200
laxa að sögn Eddu Helgason leigu-
taka árinnar. „Vikan var að gefa
rúma 200 laxa um daginn, en síð-
ustu dagar hafa verið ansi athygl-
isverðir, eiginlega hefur verið
fremur rífandi veiði,“ sagði Edda í
samtali við Morgunblaðið.
Á næstunni má búast við að
veiðitölur snarhækki í stöku á þar
sem maðkaholl eru enn leyfð, þrátt
fyrir að kvótar og eftirlit hafi auk-
ist í umræddum ám er öruggt að
mikið mun veiðast á fáum dögum.
Allir voða hissa
„Það gengur mjög vel í Vestur-
dalsá og allir voða hissa yfir þessu.
Það byrjaði illa og mönnum leist
ekki á blikuna, en síðan fór bara að
veiðast og veiðast vel. Í fyrramorg-
un heyrði ég að 135 laxar væru
veiddir og þá voru 307 gengnir um
teljarann sem er um miðbik árinn-
ar. Á móti kemur að það er minna
af sjóbleikju og segja mér menn
sem hafa þekkt þessa á mun lengur
en ég, að það haldist alltaf í hend-
ur, meiri lax, minni bleikja og svo
öfugt. Líklega er það vegna þess að
bleikjan kemur seinna inn þegar
laxagöngurnar eru sterkar,“ sagði
Lárus Gunnsteinsson, einn af um-
sjónarmönnum Vesturdalsár, í
samtali við Morgunblaðið í gær.
Lárus sagði ennfremur að laxinn
væri vel dreifður, vatnsmagn væri
gott og það sem skipti ekki
minnstu máli, lax væri enn að
ganga. Hollin hafa verið að fá 14 til
27 laxa eftir að veiðin byrjaði fyrir
alvöru. Það er mjög gott, kvótinn
er raunar 27 laxar,“ bætti Lárus
við.
Áður hljóðir hyljir lifna
Ástþór Jóhannsson leigutaki
Straumfjarðarár sagði í samtali við
Morgunblaðið að allt væri í góðum
gír þar vestra. „Það eru komnir
uppúr ánni 230 laxar sem telst vera
mjög gott miðað við undanfarin ár
og enn er eftir tæpur mánuður af
veiðitímanum. Hér er veitt fram yf-
ir fyrstu viku af september. Ef
skilyrðin verða áfram hagstæð er
ekkert nema gott útlit um fram-
haldið. Hér er talsvert enn af nýj-
um grálúsugum fiski og hængarnir
eru nú að byrja að koma sterkir inn
í aflatölurnar, auk þess sem mikið
var af laxi fyrir í ánni. Það sem hef-
ur helst einkennt veiðina í sumar
er, að veiðst hefur nokkuð jafnt um
alla á og fiskur dreift sér víðar.
Þannig hefur m.a. veiðst ágætlega í
gamalfrægum hyljum, sem um ára-
bil hafa verið hljóðir og eykur slíkt
á ánægju veiðimanna. Enn hafa
engir drekar komið á land þótt til
þeirra hafi sést á nokkrum stöðum
í ánni. Mest hefur þetta verið fisk-
ur í kringum 6 pundin og einn og
einn 10 til 12 punda slæðist með,“
sagði Ástþór.
Glæðist í Gljúfurá
Allþokkaleg veiði hefur verið í
Gljúfurá í Borgarfirði síðustu tvær
til þrjár vikurnar, t.d. veiddust þar
nýverið 9 laxar á tveimur vöktum
og sáu menn laxa víða, aðallega þó í
ánni ofanverðri. Um miðja viku
voru komnir 75 laxar á land.
Morgunblaðið/Golli
Þeir þurfa ekki allir að vera stórir fiskarnir til að gleðja veiðimenn.
Þessir voru veiddir í Volanum.
200 fiskar
úr Hofsá á
fjórum dögum
ERU ÞEIR AÐ FÁ’ANN?
SVÍNASKARÐSLEIÐ, sem er göm-
ul alfaraleið milli Hrafnhóla og Kjós-
ar í austanverðri Esju, verður farin
með Ferðafélagi Íslands sunnudag-
inn 18. ágúst. Um er að ræða eina af
afmælisgöngum félagsins.
„Svínaskarðsleið er gömul alfara-
leið í austanverðri Esju, nánar tiltekið
milli Móskarðshnjúka og Skálafells.
Þessi leið var fyrrum fjölfarin og á
fyrri hluta síðari aldar voru uppi hug-
myndir um að leggja þar akfæran
veg. Laust eftir 1930 var m.a.s. farið
með bifreið þessa leið þótt líklega hafi
bíllinn sá frekar verið dreginn en hon-
um ekið, a.m.k. hluta leiðarinnar. Á
vetrum geta verið þarna vonskuveður
og snjóþungt og sá sorgaratburður
varð eitt sinn að þar varð úti ungur
piltur. En á björtum sumardegi er
þetta fögur leið með mikilli og víðri
útsýn yfir Kjalarnes, Mosfellssveitina
og höfuðborgarsvæðið allt og svo inn
til Svínadals og yfir til Kjósar,“ segir í
fréttatilkynningu.
Áætlað er að gangan taki 5–6 klst.
og hæst er Svínaskarð í um 400 m y.s.
Fararstjóri í þessari ferð verður Sig-
urður Kristjánsson, brottför er frá
BSÍ kl. 10.30 á sunnudaginn og þátt-
tökugjald 1.500 krónur fyrir félaga en
1.800 krónur fyrir aðra. Fólk er minnt
á stimplana.
FÍ með göngu
eftir Svína-
skarðsleið
Til að auglýsa á þessari síðu hafðu
samband við okkur í
síma 569 1111 eða sendu okkur
tölvupóst á augl@mbl.is