Morgunblaðið - 14.05.2003, Blaðsíða 13
VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 14. MAÍ 2003 13
FULLTRÚAR þeirra íslensku fyr-
irtækja sem sýndu á Evrópsku
sjávarútvegssýningunni (European
Seafood Exposition) í Brussel og
Morgunblaðið ræddi við eru
ánægðir með árangurinn. Fulltrúi
Útflutningsráðs Íslands, sem stóð
að þátttöku flestra fyrirtækjanna,
segir að þátttaka fyrirtækjanna sé
hluti af heildarmarkaðsstarfi
þeirra.
Óvenjulega mikið selt
Halldór Halldórsson, fram-
kvæmdastjóri Pols, segir að Pols
hafi gengið ágætlega á sýningunni
og að menn séu mjög ánægðir með
afraksturinn. Ástandið í Asíu segir
hann að hafi ekki komið við Pols,
fyrirtækið sæki ekki á Asíumarkað.
„Við vorum aðallega að koma á
framfæri skömmtunar- og samvals-
vélum til þess að búa til fasta
skammta,“ segir Halldór, en vigtun,
flokkun og skömmtun eru kjarninn
í starfsemi Pols. Halldór segir að
gengið hafi verið frá óvenjulega
mikilli sölu. „Við gengum frá sölu á
fimm vélum og það eru mörg tilboð
sem við erum með í vinnslu.“
Kynntu starfsemi Brims
Útgerðarfélag Akureyringa tók
þátt í Evrópsku sjávarútvegssýn-
ingunni í þriðja skipti í ár, að sögn
Magnúsar Baldurssonar, sölustjóra
Útgerðarfélags Akureyringa. Að
þessu sinni var áhersla lögð á að
kynna starfsemi Brims og hvað það
fyrirtæki stendur fyrir. „Skag-
strendingur, HB og ÚA, sem
mynda Brim, hafa hvert fyrir sig
sína stöðu á markaðnum,“ segir
Magnús, „og þetta var í fyrsta
skipti sem við kynntum formlega
hið nýja fyrirtæki fyrir viðskipta-
vinum okkar.“ Einnig var sýnt
þversnið af vöruúrvali fyrirtækisins
og gefinn var út geisladiskur með
kynningarefni, m.a. í tilefni sýning-
arinnar, og honum dreift til við-
skiptavina ásamt nýjum vörubæk-
lingi.
Magnús segir að á sýningunni
hafi verið mikið um fundahöld en
ekki sé algengt að gerðir séu nýir
samningar. „Í dag er það einfald-
lega þannig að menn eru í miklu
nánara sambandi við markaðina
þannig að það er ekki eins og að
menn séu að hittast eftir margra
mánaða hlé.“ Markaðsvinnan sé
orðin svo miklu öflugri. „Við erum
mjög mikið á ferðinni á mörkuðun-
um, heimsækjum viðskiptavini okk-
ar og þeir heimsækja okkur allt ár-
ið.“
Annað sem hefur breyst, segir
Magnús, er að markvisst er stefnt
að því að eiga færri viðskiptavini en
jafnframt að eiga traustari sam-
skipti við þá. Það geri að verkum að
menn séu í miklu og góðu sam-
bandi. Unnið sé markvisst að því að
vinna náið með viðskiptavininum
sem feli í sér að menn séu betur
upplýstir um hvað sé að gerast á
mörkuðunum og hvert varan fari.
Um leið sé reynt að þjóna við-
skiptavininum betur með því að
laga vöruna að kröfum hans hverju
sinni.
„Við vorum mjög ánægðir með
sýninguna en aðsóknin var minni
en í fyrra. Ég held að menn hafi
verið sammála um að um leið varð
hún markvissari því að þeir sem
komu eru í bransanum. Í fyrra
komu margir Asíubúar sem leiddi
ekki til mikilla viðskipta.“
Að sögn Magnúsar hættu nokkur
fyrirtæki við þátttöku vegna
lungnabólgufaraldursins í Asíu,
„þannig að þetta setti talsvert mark
á sýninguna“.
Hluti af heildarmarkaðs-
starfi fyrirtækjanna
Vilhjálmur Jens Árnason, for-
stöðumaður sýningarsviðs Útflutn-
ingsráðs Íslands (ÚÍ), segir að
gestum hafi eitthvað fækkað vegna
lungnabólgufaraldursins í Asíu.
„Auðvitað var heldur minna af gest-
um þaðan og einnig frá Ameríku og
Kanada en gestum frá Evrópu
fækkaði ekki. Þetta er Evrópusýn-
ing en jafnframt sú alþjóðlegasta í
þessum geira,“ segir Vilhjálmur
Jens. Skotið hafi verið á að gestum
hafi fækkað um 10–20% en þó að
fólki hafi eitthvað fækkað hafi það
ekki endilega áhrif þar sem gestir
frá Asíu hafi ekki allir verið mjög
fjársterkir.
Vilhjálmur segir að vegna styrks
frá Nýsköpunarsjóði hafi ÚÍ getað
boðið sýnendum í sínum bási upp á
niðurgreitt pláss. „Við viljum líka
meina að við höfum náð kostnaði
niður, það verða samlegðaráhrif af
því að sýna saman.“ Einnig var ÚÍ í
samstarfi við Félag íslenskra stór-
kaupmanna og var m.a. boðið upp á
beint leiguflug til Brussel á vegum
Heimsferða.
„Sýningin er hluti af heildar-
markaðsstarfi fyrirtækjanna,“ seg-
ir Vilhjálmur. „Þó að menn skrifi
ekki endilega undir samninga gefst
fólki kostur á að koma þarna og sjá
hvað fyrirtækin eru að bjóða og
þannig myndast oft fyrstu tengsl.“
Það sé ekki algengt að menn komi
og sjái einhverja vél eða annað slíkt
og ákveði að skrifa undir samninga.
Þetta geti verið langt ferli.
„Þetta er gríðarlega mikilvægur
liður í markaðssetningu fyrirtækj-
anna. Þau tryggja tilvist sína í huga
þeirra sem eru í geiranum og ég
held að við Íslendingar séum að
mynda sterka heild þarna,“ segir
Vilhjálmur Jens.
Góður árangur á sjávar-
útvegssýningunni í Brussel
Tap Og
Vodafone
106 milljónir
TAP Og Vodafone nam 106 milljónum
króna fyrstu þrjá mánuði ársins. Af-
koma félagsins fyrstu þrjá mánuði
ársins 2003 er í samræmi við áætl-
anir, samkvæmt upplýsingum frá Og
Vodafone.
Rekstrartekjur félagsins á tíma-
bilinu námu 1.420 milljónum króna.
Rekstrargjöld Og Vodafone námu
1.095 milljónum.
Hagnaður af rekstri félagsins
fyrstu þrjá mánuði ársins fyrir sam-
runakostnað, afskriftir, fjármagnsliði
og skatta nam 325 milljónum króna.
Í árshlutareikningnum hefur verið
gjaldfærður samanlagt ríflega 55
milljóna kostnaður vegna sameining-
ar Íslandssíma, Tals og Halló!
Frjálsra fjarskipta.
Heildarkostnaður við samruna fé-
laganna er áætlaður 850 milljónir
króna. Á fjórða ársfjórðungi 2002
voru 486 milljónir bókfærðar undir
þennan kostnaðarlið, að meðtöldum
fjármagnsgjöldum vegna samruna
sem voru 133 milljónir.
Stjórn félagsins hefur ákveðið að
boða til hluthafafundar í félaginu,
þann 3. júní 2003, þar sem m.a. verður
lögð fram til samþykktar tillaga um
breytingu á nafni félagsins. Öll þjón-
usta þess er nú boðin undir nafni Og
Vodafone í takt við samkomulag sem
nýverið var gert við farsímafyrirtæk-
ið Vodafone, að því er segir í tilkynn-
ingu.
Veltufjárhlutfall Og Vodafone var
0,41 í lok mars 2003 og hækkaði úr
0,29 frá áramótum. „Hafa verður í
huga að meðal skammtímaskulda fé-
lagsins er brúarlán að fjárhæð 1.900
m.kr. Það lán verður greitt upp í
haust samfara útboði á auknu hlutafé
í félaginu. Fyrirhugað útboð er sölu-
tryggt að fullu. Að teknu tilliti til upp-
greiðslu þess láns næmi veltufjárhlut-
fall félagsins 0,91. Rétt er að benda á
að hlutfallið verður þó fyrir áhrifum
af rekstri félagsins fram að þeim tíma
þegar brúarlánið verður greitt upp,“
að því er segir í tilkynningu.
Í fréttatilkynningu sem birt var
með ársuppgjöri 13. febrúar sl. kem-
ur fram að gert er ráð fyrir að rekstr-
artekjur félagsins nemi 6.000 m.kr. á
yfirstandandi ári og að hagnaður fyrir
afskriftir, fjármagnsliði og skatta
verði 1.500 til 1.600 m.kr. á sama tíma.
- 2 5 Á R A O G T R AU S T S I N S V E R Ð
Stangarhyl 3 · 110 Reykjavík · S: 591 9000
www.terranova.is · Akureyri sími: 466 1600