Morgunblaðið - 14.05.2003, Blaðsíða 18
HÖFUÐBORGARSVÆÐIÐ
18 MIÐVIKUDAGUR 14. MAÍ 2003 MORGUNBLAÐIÐ
FerðalögFimmtudaginn . maí fylgir Morgunblaðinu blaðauki um29
Meðal annars verður fjallað um:
• gönguferðir • tjaldsvæði landsins • ferðalög á hálendið • nestið í
ferðalagið • viðburði og uppákomur vítt og breitt um landið í sumar
• óviðjafnanlegar náttúruperlur • nýjungar í afþreyingu • nýja gististaði
og veitingahús • leiki og skemmtun fyrir börnin í aftursætinu.
Blaðið verður í nýju broti, þverformi 25x19 sm, heftað og prentað á
60 gr pappír. Pöntunarfrestur auglýsinga er til kl. 16 föstudaginn
23. maí. Skilafrestur er til kl. 12 mánudaginn 26. maí.
Hafið samband við auglýsingadeild
Morgunblaðsins í síma 569 1111 eða
á augl@mbl.is
HVARVETNA um höfuðborgarsvæðið eru hverfi að
fyllast af kátum krökkum sem kunna vel að meta
veðurblíðu vorsins og birtu langt fram á kvöld.
Þannig koma útileikir í stað dundurs innivið og
börnin búin að dusta rykið af boltum, sandkassadóti,
reiðhjólum og öðrum tækjum og tólum sem heyra til
sumarsins.
Nokkrir krakkar í 3. bekk D í Melaskóla skruppu
t.a.m. um helgina í Hljómskálagarðinn að spila krik-
ket og amerískan fótbolta. Bergrún bekkjarsystir
þeirra fann sér þó fljótlega annað til að hafa fyrir
stafni því á meðan hinir krakkarnir voru í bolta-
leikjunum fékk hún Collie-hundinn Jaka lánaðan.
Jaki var þó ekki alveg á því að missa af öllu fjör-
inu með hinn undarlega bolta svo að vinkona hans
mátti hafa sig alla við að leiða hann á réttar brautir.
Eigandi hvutta nýtti sér hins vegar tækifærið og
fékk sér blund í sólarblíðunni á meðan.
Morgunblaðið/Ómar
Að kljást við hvutta
Miðborg
ÁKVEÐIÐ hefur verið að
breyta ljósum á gatnamót-
um Miklubrautar og
Kringlumýrarbrautar á
þann hátt að sett verða
beygjuljós á umferð frá
Kringlumýrarbraut inn
Miklubraut. Beygjuljósin
verða hins vegar einungis
virk á kvöldin og um helg-
ar.
Talsverð bílaröð mynd-
ast allajafna við umræddar
beygjur þegar umferð er
mikil og er ekki laust við
að einhverjir ökumanna
aki gegn rauðu ljósi til að
komast leiðar sinnar þeg-
ar svo stendur á. Sam-
kvæmt upplýsingum frá
lögreglunni er þó ekki vit-
að hversu oft bílar aka
gegn rauðu ljósi á þessum
beygjum þar sem mynda-
vélar á gatnamótunum mynda að-
eins þá umferð sem ekur beint yfir
gatnamótin en fylgist ekki með bíl-
um sem aka til vinstri inn Miklu-
brautina af Kringlumýrarbrautinni.
40 prósent slysa vegna
vinstribeygju
Umferðarstofa hefur hins vegar
tekið saman tölur yfir hversu mörg
umferðaróhöpp verða á gatnamótun-
um þar sem kemur til kasta lög-
reglu, en þá eru undanskilin óhöpp
þar sem ökumenn fylla sjálfir út
árekstraskýrslur og senda til trygg-
ingafélaga. Samkvæmt tölum Um-
ferðarstofu hafði lögregla afskipti af
220 óhöppum sem urðu á gatnamót-
unum sjálfum á árunum 1996–2000.
Þar af urðu langflest eða um 40%
þar sem vinstri beygja annars eða
beggja ökumanna kom við sögu.
Sigurður Skarphéðinsson, gatna-
málastjóri í Reykjavík, staðfestir að
stærstur hluti þeirra umferðar-
óhappa, sem verði á þessum gatna-
mótum, séu vegna vinstri beygju af
Kringlumýrarbraut inn Miklubraut.
Flest þeirra verði hins vegar utan
annatíma.
Hann segir samgöngunefnd borg-
arinnar hafa samþykkt á fundi sín-
um í síðustu viku tillögur sem eiga
að leiða til úrbóta á vandamálinu.
Tillögurnar voru svo til kynningar í
borgarráði í gær og gerði það ekki
athugasemd við afgreiðslu sam-
göngunefndar á málinu.
„Við munum breyta ljósum á
gatnamótunum þannig að á kvöldin
og um helgar verði sett upp beygju-
ljós á beygju af Kringlumýrarbraut-
inni, svokölluð fjögurra fasa ljós,“
segir Sigurður. „Ljósakerfið mun
virka þannig að venjulega verður
blikkandi gult ljós á beygjunni sem
síðan breytist í græn, gul og rauð
ljós á ákveðnum tímum sólarhrings-
ins. Þannig fá ökumenn sérstakt ljós
til að beygja á.“
Einungis bráðabirgðalausn
Í bréfi Verkfræðistofu til Lögregl-
unnar í Reykjavík kemur fram að
gert er ráð fyrir að ljósin verði virk
frá kl. 19 á kvöldin til kl. 7 á morgn-
ana á virkum dögum og allan daginn
um helgar. Með þessu má fækka um-
ferðarslysum á gatnamótunum um
25%.
Sigurður segir að samt sem áður
sé einungis um bráðabirgðalausn að
ræða enda sé beðið eftir heildar-
lausn fyrir gatnamótin. „Það hafa
verið til skoðunar ýmsir möguleikar
til að byggja þarna mislæg gatna-
mót. Aftur á móti er mjög þröngt
þarna þannig að menn hafa ekki enn
komið sér niður á lausn sem hentar
öllum.“
Beygjuljós sett á gatnamót Kringlu-
mýrarbrautar og Miklubrautar
Áætlað að
slysum fækki
um 25 prósent
Beygjuljós verða nú sett upp til að stjórna um-
ferð frá Kringlumýrarbraut inn Miklubraut.
Þau verða hins vegar aðeins virk milli kl. 19 og
7 á virkum dögum og allan daginn um helgar.
Kringlan
Morgunblaðið/Kristinn
UMFERÐARÁTAK meðal grunn-
skólanemenda á Seltjarnarnesi hefst
í dag.
Með átakinu eru foreldrar hvattir
til að láta börn sín ganga í og úr skóla
en eru jafnframt minntir á að börn
hafa ekki sama þroska og fullorðnir
til að meta aðstæður og eru því í
meiri slysahættu í umferðinni.
Skipulag átaksins verður með þeim
hætti að kennarar í Mýrarhúsaskóla
vinna verkefni með nemendum sem
tengd eru umferðinni og starfsmenn
frá forvarnardeild lögreglunnar
verða með fræðslu í öllum bekkjum.
Einnig mun umferðardeild lögregl-
unnar verða með sérstakt átak í
hraðamælingum á helstu umferðar-
götum á Seltjarnarnesi þessa daga.
Starfsmenn frá Sjóvá Almennum
munu bjóða nemendum í 6.–10. bekk
að prófa veltibíl, en tilgangurinn er
að leggja áherslu á mikilvægi notk-
unar bílbelta.
Átakinu lýkur síðan laugardaginn
17. maí með árlegum hjóladegi
Slysavarnadeildar kvenna á Sel-
tjarnarnesi á lóð Mýrarhúsaskóla.
Umferðarátak meðal grunnskólabarna 14.–17. maí
Börn hvött til að ganga til og frá skóla
Seltjarnarnes