Morgunblaðið - 26.05.2003, Side 15

LISTIR
MORGUNBLAÐIÐ MÁNUDAGUR 26. MAÍ 2003 15
Í næsta tölublaði af sérblaðinu bílar verður
fjallað um bílskúra og fyrirkomulag í bílskúrum,
bílskúrshurðir, gólfefni í bílskúra, hönnun á
innanrými, fyrirmyndarbílskúrinn o.fl.
Allar stærðir og gerðir sérauglýsinga á góðu verði.
Auglýsendur pantið fyrir kl. 16 mánudaginn 26. maí.
Fulltrúar auglýsingadeildar Morgunblaðsins veita þér allar upplýsingar um
auglýsingamöguleika og verð í síma 569 1111 eða á netfangi augl@mbl.is
bílar
bílskúrar
Borgartúni 28, símar 520 7901/520 7900
LISTAHÁSKÓLI Íslands hvetur til
þess að fjárveitingar hins opinbera til
háskólakennslu og rannsókna verði
stórauknar svo þær verði sambæri-
legar við það sem best gerist í ná-
grannalöndum okkar; að fjárveiting-
ar til háskóla taki mið af fjölda
nemenda, gerð náms og stærð við-
komandi deildar ásamt gæðum og
umfangi rannsókna og listsköpunar;
einnig telur hann að opinber framlög
eigi að vera óháð sértekjum sem skól-
arnir sjálfir afla sér með öðrum hætti,
s.s. með skólagjöldum eða framlögum
úr atvinnulífinu.
Þetta kom meðal annars fram í
ræðu Hjálmars H. Ragnarssonar
rektors við brautskráningu nemenda
síðastliðinn laugardag. „Í þessum efn-
um á Listaháskólinn samleið með
þeim tveimur öðrum íslenskum há-
skólum sem reknir eru sem sjálfs-
eignarstofnanir, þ.e. Háskólanum í
Reykjavík og Viðskiptaháskólanum á
Bifröst,“ bætti hann við.
Hjálmar sagði að Listaháskólinn
stæði á ákveðnum tímamótum. „Upp-
haflegum áætlunum um uppbyggingu
hans hefur verið náð og við stöndum
gagnvart því að festa skólann í sessi
og móta stefnuna til lengri framtíðar.
Enginn efast lengur um að skynsam-
lega var staðið að stofnun hans á sín-
um tíma og að hugmyndafræðin sem
býr að baki hefur þrælvirkað. Hvert
sem litið er í menningarlífinu má sjá
fingraför sem rekja má til skólans, og
bæði kennarar og nemendur eru
áberandi í hvers konar listflutningi og
sýningarhaldi. Skólinn hefur náð
formlegu samstarfi við margar helstu
menningarstofnanir þjóðarinnar og
er víst að frekari útvíkkun verður á
því samstarfi á næstu árum. Dæmi
um þetta er hin glæsilega sýning út-
skriftarnemenda í hönnun og mynd-
list hér í Listasafni Reykjavíkur. Þá
get ég einnig nefnt nýlega samninga
við Sinfóníuhljómsveit Íslands og öfl-
ugt samstarf við fræðsludeild Þjóð-
leikhússins.
Listaháskólinn hefur markvisst
byggt upp samstarf við aðra háskóla
hér í landinu. Kennaranámið er rekið
í samvinnu við Kennaraháskóla Ís-
lands, og komið er á öflugt samstarf
við Háskólann í Reykjavík um nám-
skeið á sviði hönnunar og viðskipta-
fræða. Næsta haust verður síðan boð-
ið upp á nám í listfræði í samvinnu við
heimspekideild Háskóla Íslands og
væntum við mikils af því samstarfi.“
Hugmyndir um framhaldsnám
Meðal helstu verkefna Listahá-
skólans á næstu árum verður efling
rannsókna á þeim sviðum lista sem
skólinn lætur sig varða. Nú þegar
tekur skólinn þátt í þó nokkrum rann-
sóknarverkefnum þar sem viðfangs-
efnið er listsköpun eða listræn tjáning
í sinni víðustu merkingu. „Til þess
hins vegar að ná markverðum árangri
á þessum sviðum er nauðsynlegt að
byggja upp framhaldsnám við skól-
ann sem leiðir til meistaragráðu eða
sambærilegrar menntunar. Hug-
myndir liggja fyrir um þetta og verða
þær útfærðar á næstu misserum.
Hvort þetta tekst er hins vegar undir
því komið hvort skólanum takist að
sannfæra yfirvöld menntamála um að
slíkt nám sé til hagsbóta og eflingar
menningarlífs í landinu,“ sagði rekt-
or.
Hjálmar gerði húsnæðismál skól-
ans líka að umræðuefni. „Lykillinn að
því að skólinn geti nýtt ávinninginn af
sambúð listgreinanna felst í því að
nemendur og starfsfólk allra deilda
geti umgengist daglega og unnið sam-
an að þeim verkefnum sem hverju
sinni tengja listgreinarnar. Leiksýn-
ingar, hreyfimyndagerð, arkitektúr,
myndlistarsýningar, tónleikar, tísku-
sýningar, grafísk framsetning, hönn-
un til iðnframleiðslu, leiktjaldasmíði,
búningahönnun, kvikmyndir, videó, –
allt eru þetta viðfangsefni sem nem-
endur úr mismunandi listgreinum
geta unnið saman, og við gætum nýtt
kennara skólans þvers og kruss yfir
landamæri listgreinanna. Vegna
skiptingar skólans í mismunandi hús
fjarri hverju öðru eru okkur hins veg-
ar sett afar mikil takmörk hvað þetta
varðar og dugar ekki til þótt mikill
vilji sé fyrir hendi hjá öllum aðilum að
efla samstarfið. Það er einfaldlega
mjög óþægilegt og tímafrekt að hend-
ast um borgina þvera og endilanga í
verkefnum sem krefjast mikillar ein-
beitingar og samstillts átaks allra
sem að koma. Á meðan það ástand
varir verður samstarf á milli list-
greina alltaf rekið áfram af handafli
þeirra sem stýra hverju sinni og til
lengdar mun það aldrei duga.
Stjórn skólans bindur miklar vonir
við að framtíðarlausn finnist á hús-
næðisvandræðum skólans á allra
næstu misserum. Nú þegar liggur
fyrir nákvæm greining á þörfum skól-
ans til næstu framtíðar og hefur hún
verið kynnt yfirvöldum menntamála í
landinu og öðrum þeim aðilum sem
koma beint að málinu. Á grundvelli
þessarar þarfagreiningar hafa verið
gerðar áætlanir um kostnað við end-
urbyggingu hússins að Laugarnes-
vegi 91, sem hefur verið eyrnamerkt
skólanum frá því löngu áður en hann
var stofnaður, og einnig gerðar áætl-
anir um kostnað við nýbyggingu á
óskilgreindum stað. Þessar kostnað-
argreiningar verða innan tíðar kynnt-
ar fyrir yfirvöldum menntamála.
Með þessar upplýsingar á borðinu
getur skólinn loksins tekið rökstudd-
ar ákvarðanir um hvers konar hús
þarf að byggja eða endurhanna, og
jafnframt greint hvaða möguleikar
felast í þeim kostum sem skólanum
kunna að bjóðast. Eitt er þó kristals-
ljóst: góð lausn til framtíðar verður
ekki fundin nema til komi öflugur
stuðningur frá ríkisvaldinu og sam-
vinna um byggingu hússins. Fyrirheit
hafa verið gefin og mun skólinn leita
eftir efndum þegar rétti tíminn er
kominn.“
Vaxandi hlutverk
Ólafur Ragnar Grímsson, forseti
Íslands, flutti hátíðarræðu við út-
skriftina. Hann sagði að Listaháskól-
inn hefði á undraskömmum tíma orð-
ið að þróttmikilli menntastofnun,
lifandi miðstöð skapandi hugsunar og
nýsköpunar, endurnýjunar og ögr-
andi samræðu við samtíðina. „Sú
orkustöð sem hér virkjar ímyndunar-
afl og sköpunarþrótt á eftir að gegna
vaxandi hlutverki í samfélagi nýrrar
aldar og sýna okkur hvernig við nýt-
um best sóknarfærin sem okkur eru
búin í breyttum heimi. Listaháskólinn
er vitnisburður um metnað okkar Ís-
lendinga til að láta að okkur kveða á
nýrri öld, flaggskip sem gerir miklar
kröfur til allra sem hér koma að verki.
Og kannski er sá skóli bestur þar sem
sköpunarkraftur nemendanna siglir
fram úr kennurunum, kemur þeim og
okkur öllum sífellt á óvart.“
Ólafur Ragnar sagði ennfremur að
þótt mikilvægt væri að Listaháskól-
inn fái sem fyrst samastað við hæfi þá
skuli menn ekki gleyma því að góður
skóli er ekki hús eða hallarbygging;
„góður skóli er sá andi og innblástur
sem hann færir nemendum til að gera
þeim kleift að skapa eitthvað nýtt,
láta að sér kveða, gera heiminn öðru-
vísi, ögra venjum og vanahugsun,
skora umhverfið á hólm og láta í sér
heyra þegar aðrir þegja.“
78 nemendur brautskráðust frá
skólanum að þessu sinni. Skiptist
hópurinn þannig að 27 útskrifuðust
með BA-gráðu frá myndlistardeild,
26 útskrifuðust í grafískri hönnun,
vöruhönnun og fata- og textílhönnun
frá hönnunar- og arkitektúrdeild, 8
útskrifuðust með BFA-gráðu frá leik-
listardeild, 16 nemendur hlutu dipl-
óma í kennslufræðum og einn nem-
andi diplóma í fiðluleik frá tónlistar-
deild.
Nemendur voru alls 332 í vetur.
Listaháskóli Íslands útskrifar 78 nemendur við hátíðlega athöfn í Hafnarhúsi
Vill auknar fjárveiting-
ar til háskólakennslu
Morgunblaðið/Sverrir
Hjálmar H. Ragnarsson, rektor Listaháskóla Íslands, ávarpar gesti við útskriftina í porti Hafnarhússins á laugardag.
AUGLÝSINGADEILD
netfang: augl@mbl.is eða sími 569 1111