Morgunblaðið - 13.10.2003, Blaðsíða 8

FRÉTTIR
8 MÁNUDAGUR 13. OKTÓBER 2003 MORGUNBLAÐIÐ
Stjórnunarvika Stjórnvísi
Óáþreifanleg
verðmæti
StjórnunarvikaStjórnvísi er árvissviðburður. Þá held-
ur félagið ráðstefnur,
morgunverðarfundi og
námskeið þar sem fjallað
um stjórnun frá mörgum
sjónarhornum og í öllum
myndum. Í ár er vikan
helguð sjálfsmatslíkönum,
virkjun þekkingar og
mannauðsstjórnun. Á
morgun verður haldinn
morgunverðarfundur sem
opinn er fólki alls staðar úr
atvinnulífinu. Ragnheiður
Halldórsdóttir, formaður
Stjórnvísi, segir hugmynd-
ina með stjórnunarvikunni
að stuðla að umbótum í
stjórnun íslenskra fyrir-
tækja. „Sérstaða félagsins
felst í um þrettán faghóp-
um sem hver hefur ákveðið þema
sem hann starfar með. Faghóp-
arnir fjalla meðal annars um sam-
hæfð mælingakerfi, starfsþróun
og fræðslu, umhverfis- og örygg-
isstjórnun, gæðastjórnun, þekk-
ingarverðmæti og þjónustu.
Grunnurinn að starfsemi
Stjórnvísi er í gegnum þessa fag-
hópa sem hittast reglulega á fund-
um. Í faghópunum hittist fólk úr
ýmsum atvinnugreinum og mynd-
ar vettvang fyrir skoðanaskipti og
umræðu. Þar getur fólk miðlað af
eigin reynslu og fengið praktískar
hugmyndir sem það getur nýtt
sér í sínu starfi. Yfir árið höfum
við einnig marga morgunverðar-
fundi til að teygja okkur út til
annarra en félagsmanna.
Stjórnvísi gefur einnig út vef-
ritið Dropann, sem fjallar um
stjórnun í víðasta skilningi þess
orðs. Í ritinu eru greinar um
stjórnun, bæði reynslusögur fyr-
irtækja af upptöku og innleiðslu
aðferða og greinar sem útskýra
ýmsar stjórnunaraðferðir. Drop-
inn er opinn öllum í stjórnunar-
vikunni og slóðin á hann er
www.stjornvisi.is.“
– Hvað verður helst til umræðu
á ráðstefnunni „Virkjun þekking-
ar“ sem haldin er í vikunni?
„Við fáum meðal annars erlend-
an fyrirlesara frá Danmörku, Per
Nikolaj Buch, prófessor við Ár-
ósarháskóla, sem ætlar að taka
fyrir samband þekkingarstjórn-
unar og samhæfðs mælingakerfis.
Hann hefur verið með rannsóknir
á sviði þekkingarstjórnunar þekk-
ingarmats og er einn fremsti sér-
fræðingur á Norðurlöndum á
þessu sviði. Per mun fjalla um
hvernig eigi að stjórna þekkingu
og taka saman þekkingarskýrslur
og meta hin óáþreifanlegu verð-
mæti fyrirtækisins.
Síðan erum við með ýmislegt
frá innlendum aðilum. Þar er ver-
ið að spá í þekkingarmiðlun og
hvernig sumir halda að sér þekk-
ingu. Þar velta menn fyrir sér
svonefndu „þekkingarvaldi“, sem
samanstendur af þekkingarsókn
og þekkingarvörn og getur haml-
að þekkingarmiðlun innan fyrir-
tækja. Þetta er stund-
um kallað að gera sig
ómissandi í fyrirtæki.
Svo er verið að spá í
starfsþjálfun, til dæmis
starfsfóstrun eða svo-
kallað „mentorship“, þar sem einn
starfsmaður þjálfar annan. Síðan
er líka rætt við stjórnanda sem
hefur farið í gegnum stjórnenda-
þjálfun og hann segir frá þeirri
reynslu sinni.“
– Hvað verður á boðstólum á
morgunverðarfundinum í fyrra-
málið?
„Þar verða kynntar niðurstöður
könnunar, sem við stóðum fyrir
meðal íslenskra stjórnenda, um
hvað það er sem gerir fyrirtæki
góð. Í þessari könnun var skoðað
hvaða þættir það eru sem fólk tel-
ur gefa vísbendingar um að fyr-
irtæki sé til fyrirmyndar. Er það
arðsemi, ánægja starfsmanna og
viðskiptavina eða orðspor? það
verður spennandi að sjá hvað
kemur út úr könnuninni. Er það
stjórnandi, stefnumótun, fyrir-
tækjabragur eða vörurnar sjálfar
og þjónustan sem skipta mestu
máli til að fyrirtæki komist í flokk
fyrirmyndarfyrirtækja.
Einnig verður erindi frá Marel,
sem hlaut íslensku gæðaverðlaun-
in í fyrra, þar sem fjallað verður
um ávinninginn af því að fá slík
verðlaun. Síðan verður þarna er-
indi um hvernig hægt er að sam-
þætta stefnumörkun fyrirtækja
og sjálfsmatlíkanið EFQM til að
ná betri árangri.“
– Hvað er EFQM?
„EFQM er sjálfsmatslíkan sem
kemur frá Evrópsku gæðastjórn-
unarsamtökunum (European Fo-
undation for Quality Manage-
ment). Þetta hefur verið þýtt á
íslensku yfir í „Að skara fram úr –
EFQM líkanið.“ Líkanið er
grunnur að gæðaverðlaunum hér
á landi og í Evrópu. Um er að
ræða árangurslíkan þar sem fyr-
irtækið fer í gegnum níu flokka og
í hverjum flokki er ákveðinn fjöldi
spurninga sem stjórnandi þarf að
taka afstöðu til og meta þannig
hvernig fyrirtækið stendur sig á
ýmsum sviðum. Þetta eru bæði
framkvæmdaþættir
sem meta framkvæmd-
ir ýmissa hluta og einn-
ig hvaða árangri verið
er að ná hvað varðar til
dæmis ánægju starfs-
manna og viðskiptavina auk arð-
semi.
Stjórnunarvikunni lýkur síðan
á föstudaginn með morgunverð-
arfundi undir yfirskriftinni ISO
fyrir alla. Þar verður fjallað um
ISO 9001 staðalinn út frá öðru
sjónarhorni en vottun og á að
höfða til þeirra sem ekki hafa velt
honum mikið fyrir sér sem stjórn-
kerfi.“
Ragnheiður Halldórsdóttir
 Ragnheiður Halldórsdóttir
fæddist í Kópavogi 1966. Hún út-
skrifaðist úr Háskóla Íslands ár-
ið 1991 sem vélaverkfræðingur.
Árið 1995 útskrifaðist hún frá
Danmarks Tekniske Universitet
með M.Sc. í rekstrarverkfræði,
með áherslu á skipulagningu og
tæknistjórnun.
Ragnheiður starfar sem gæða-
stjóri Marels hf. Hún hefur tekið
þátt í faghópum Stjórnvísi, setið í
stjórn félagsins og verið formað-
ur Stjórnvísi í tæp tvö ár. Ragn-
heiður á tvö börn.
Sumir halda
að sér
þekkingu
ÍSLENSK erfðagreining efnir til
vísindadaga þessa viku og hefjast
þeir í dag, 13. október. Efnt er til
vísindadaga í samvinnu við fjöl-
mörg félög sjúklinga og stendur
dagskráin til 19. október. Vísinda-
menn fyrirtækisins munu kynna
niðurstöður sem fengist hafa í
rannsóknum á orsökum algengra
sjúkdóma og hvernig þær eru not-
aðar við þróun nýrra lyfja og
greiningarprófa. Í frétt frá Ís-
lenskri erfðagreiningu segir að um
100.000 manns hafi tekið virkan
þátt í þessum rannsóknum.
„Á hverjum degi fram til sunnu-
dags verður fjallað um niðurstöður
rannsókna innan ákveðins sjúk-
dómasviðs í höfuðstöðvum Ís-
lenskrar erfðagreiningar við
Sturlugötu 8 í Reykjavík. Hefst
dagskráin hverju sinni með al-
mennri kynningu á rannsóknum
fyrirtækisins innan þess sviðs sem
er til umfjöllunar. Meðal annars
verður fjallað um hvernig uppgötv-
anir í erfðafræði gera fyrirtækinu
kleift að þróa lyf og greiningarpróf
sem beint er að líffræðilegum or-
sökum sjúkdóma. Þá verður fjallað
sérstaklega um rannsóknir á
tveimur til þremur sjúkdómum þar
sem fengist hafa markverðar nið-
urstöður,“ segir ennfremur.
Fundirnir hefjast klukkan 20
alla dagana, nema laugardag og
sunnudag er þeir hefjast klukkan
16.
Í dag, 13. október, verður fjallað
um hrörnunar- og augnsjúkdóma.
Þriðjudaginn 14. október verður
fjallað um hjarta- og æðasjúk-
dóma, miðvikudaginn 15. október
um geðsjúkdóma og fimmtudaginn
16. október um öndunarfærasjúk-
dóma og ofnæmi.
Föstudaginn 17. október verður
fjallað um sjúkdóma í stoðkerfi og
húð, laugardaginn 18. október um
offitu og sykursýki og sunnudag-
inn 19. október um krabbamein.
ÍE kynnir ýmsar rann-
sóknir á vísindadögum
Við erum komin á þvílíkt hreinleikaflug í orkumálum að strætóferðir Ísland – himnaríki
gætu þess vegna orðið næstar.
MIKILL áhugi er á störfum á Vífils-
stöðum en um áramót tekur Hrafn-
ista þar í notkun öldrunarheimili
með 50 rýmum. Auglýst var eftir
starfsfólki í Morgunblaðinu á
sunnudag en að sögn Sveins H.
Skúlasonar, forstjóra Hrafnistu, er
gert ráð fyrir um 70 manns í 50
stöðugildum við þetta nýja öldr-
unarheimili. Sveinn segir áhugann
mikinn hjá fólki sem starfaði áður á
Vífilsstöðum og vill halda þar
áfram.
Hrafnista hefur gert samning við
heilbrigðisráðuneytið um rekstur
heimilis fyrir aldraða á Vífilsstöðum
til ársins 2007. Reiknað er með að
níu af hverjum tíu heimilismönnum
komi af öldrunardeildum Landspít-
alans, líkt og gert var á Sóltúni, eða
alls um 45 manns.
Framkvæmdir við
breytingar ganga vel
Sveinn segir framkvæmdir við
breytingar á húsnæðinu ganga vel,
en verktakinn, byggingarfélagið
Sökkull, á að skila tveimur hjúkr-
unarhæðum í desember og ljúka við
afganginn af húsinu um áramótin.
Verða rýmin 50 á þremur hæðum.
Hönnuður breytinganna er Halldór
Guðmundsson arkitekt.
Sveinn segir að það muni taka
nokkra mánuði að fylla rýmin 50,
það verði ekki gert á einum degi eft-
ir áramótin. Hann bendir á að á
næsta ári verði alls 150 ný hjúkr-
unarrými fyrir aldraða tekin í notk-
un á höfuðborgarsvæðinu.
Auk hinna 50 rýma á Vífilsstöðum
verða um 60 rými tekin í notkun 1.
júlí 2004 hjá Hrafnistu við Laugarás
í Reykjavík og 40 rými verða í nýrri
viðbyggingu hjúkrunarheimilisins
Eirar í Grafarvog, sem taka á í
notkun upp úr áramótum.
Að sögn Sveins er talið að um 300
aldraðir einstaklingar á höfuðborg-
arsvæðinu séu á biðlista og í brýnni
þörf eftir því að komast á hjúkr-
unarheimili.
Mikill áhugi á störfum hjá
Hrafnistu á Vífilsstöðum
Morgunblaðið/Þorkell
Öldrunarheimili verður opnað í gamla Vífilsstaðaspítalanum um áramót og
hafa margir fyrrverandi starfsmenn spítalans lýst áhuga á að starfa þar á ný.