Morgunblaðið - 23.12.2003, Side 50

50 ÞRIÐJUDAGUR 23. DESEMBER 2003 MORGUNBLAÐIÐ
ÞEGAR jólahátíðin er að ganga í
garð fer fólk oft að velta því fyrir sér
út á hvað hún gengur. Þegar ég er
spurð að því hvenær jólin byrji hjá
mér þá svara ég iðulega að þau hefjist
klukkan sex á Þorláksmessu, í frið-
argöngunni niður Laugaveginn.
Í ár verður gangan haldin í 24.
skipti en að henni stendur samstarfs-
hópur friðarhreyfinga hér á landi.
Þessi hefð er nú orðin fastur liður í
jólaundirbúningi margra. Tilgangur-
inn með göngunni er að vekja fólk til
umhugsunar um mikilvægi þess að
við sem einstaklingar tökum ábyrgð á
gangi mála í heiminum og séum með-
vituð um að við getum lagt af mörk-
um til að skapa betri heim. Það getur
oft verið erfitt að trúa því að við höf-
um áhrif á heiminn, sérstaklega núna
í ljósi þess sem hefur verið að gerast í
heimsmálunum á þessu ári. Þá getur
verið auðvelt að efast um hvaða áhrif
friðarganga sem þessi hefur.
Ég fór að velta þessu fyrir mér í
byrjun ársins þegar ég gekk ásamt
hundruðum þúsunda manna í friðar-
göngu um götur London, í átt að
Hyde Park, til þess að mótmæla árás-
inni á Írak. ,,Ætli þetta hafi nokkur
áhrif?“ Þessi hugsun hvarf um leið og
ég leit í kringum mig. Við hlið mér
gekk hópur Palestínumanna með
fána sinn á lofti og við hlið þeirra
gengu Ísraelar með þjóðfána sinn.
Báðir hóparnir voru að syngja sama
lagið, hrópa sömu kröfuna: ,,Friður
núna takk!“ Ég hef aldrei séð eins
gríðarlegan hafsjó af mismunandi
fánum og þjóðbúningum. Prestar
gengu við hlið rabbína, búddamúnka
og hóps af tattóveruðum unglingum.
Öll báðu þau á sinn hátt, brostu og
sýndu hvert öðru stuðning. Það sem
skipti máli við þennan atburð voru
ekki sjálf mótmælin, heldur hitt að
með því að ganga saman vorum við í
raun þegar að lifa þann frið og það
umburðarlyndi sem við vorum að
biðja um. Friður er nefnilega ekki
bara stund á milli stríða heldur lif-
andi afl sem við þurfum að skapa með
jafnmiklu erfiði og stríð eru háð. Það
er ekki nóg að vilja frið, við þurfum að
lifa hann með því að sýna samhug og
friðarvilja. Fyrir mér er það þetta
sem þessi hátíð ljóss og friðar gengur
út á. Því vil ég enn og aftur minna á
friðargönguna á Þorláksmessu.
EYRÚN ÓSK JÓNSDÓTTIR,
leiklistarnemi og þátttakandi í
samstarfshópi friðarhreyfinga
á Íslandi.
Friðargangan á
Þorláksmessu
Frá Eyrúnu Ósk Jónsdóttur
Morgunblaðið/Sverrir
Clifton - Kóbrukossinn
Svínið mitt
framhald ...
© DARGAUD
© DARGAUD
KOMNAR
NIÐUR! OG EF þÚ ERT HÆTTUR ÞESSU FLAÐRI Í SÍM-ANN, ÞÁ BÍÐUR LEIGUBÍLLINN EFTIR ÞÉR.
ÞÉR ERUÐ SANNKÖLLUÐ PERLA UNG-
FRÚ! ... HVERNIG FÆRI ÉG AÐ ÁN YÐAR?
GÆTIÐ NÚ ALLS VEL Í FJARVERU
MINNI! ... HAFIÐ SAMBAND ÞÓ AÐ
MINNSTU VANDAMÁL KOMA UPP ...
OG FARÐU NÚ VARLEGA,
EKKI ÞIGGJA SALGÆTI AF
NOKRUM MANNI.
EN HVURSLAGS, HVAÐ ER NÚ ÞETTA?
VARIÐ YÐUR OFURSTI!
ÞETTA ER ...
ÉG HÉLT AÐ ÞETTA GÆTI KOMIÐ SÉR VEL ... EF VÉLIN
YRÐI FYRIR SKEMMDUM Á LEIÐINNI ...
Á LEIÐINNI ... YFIR
ERMASUNDIÐ ...
KRAKK!
HÚN MISSTI
TÖNN!
ÞETTA VERÐUM VIÐ AÐ
HALDA UPP Á, ÉG SÆKI ÓSKA
KÓRÓNUNA
NÚ ERT ÞÚ PRINS-
ESSAN OG MÁTT
ÓSKA ÞÉR EILÍFA
VINÁTTU EINHVERS ...
HMM..
HM.. JÁ VELDU
NÚ...
JÁ HVER
ER NÚ SÁ
HEPPNI ...
SNIFF...
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÉG vil endilega svara greininni hans
Gunnlaugs um blaðburðarstörf
svona út af því ég er nú fyrrverandi
blaðberi hjá Fréttablaðinu. Ég skil
nú alveg að þú viljir kenna barninu
þínu um gildi peninga og að bera
virðingu fyrir vinnu sinni. Mér finnst
þetta vera mjög sniðugt hjá foreldr-
um að leyfa börnum aðeins að svitna
fyrir launum sínum en ekki láta þau
halda að peningar vaxi á trjám eða í
buddunni hennar mömmu. En því
miður er ekki mikið um atvinnu fyrir
börn og unglinga. Því kjósa margir
blaðburðastörf. Ég bar út fyrir
Fréttablaðið fyrir tveim árum síðan.
í einu orði var þessi reynsla fyrir mig
Helvíti. Ég réð ekki við það að vakna
kl 6 á morgnana til að bera út 260
blöð í blokkir og raðhús. Þetta var
alltof þungt fyrir 14 ára ungling að
bera, og ekki bætti það þyngdina
þegar auglýsingabæklingarnir
komu. Suma morgna langaði mig
bara að henda þessum bæklingum
beinustu leið í ruslatunnuna. Ég lét
mig hafa þetta í mánuð eða svo áður
en ég sagði upp. Launin voru alltof
lág, einhverjar skitnar 1000 krónur á
dag. Starfsfólkið hjá Fréttablaðinu
var ekki lengi að skamma mann þeg-
ar því bárust kvartanir úr hverfínu.
Þetta var fyrir neðan allar hellur og
ég var ekki lengi að hætta hjá
blaðinu því mér fannst þetta ekki
borga sig. Gunnlaugur, þú og sonur
þinn vinnið hjá Fréttablaðinu. Þið
eigið ekki að sætta ykkur við þennan
dónaskap sem Fréttablaðið sýnir
ykkur með slæmum launum og auka-
þyngd. Ég veit þú vilt kenna barninu
þínu ábyrgð, en Fréttablaðið er ekki
leiðin. Að mínu mati er þessi vinna
mannskemmandi og allir blaðberar
Fréttablaðsins ættu að hætta í dag!
SIGNÝ SIGMUNDARDÓTTIR,
Rjúpufelli 4, 111 Reykjavík.
Af hverju hættirðu
ekki að bera út blöðin?
Frá Signýju Sigmundardóttur