Morgunblaðið - 19.01.2004, Síða 15

leika og lífsmögnum þótt heita
megi óhlutlæg. Stærstu og hrif-
mestu flekarnir allir frá 2003, eða
eftir að hann hætti sem for-
stöðumaður Listasafnsins, og hef-
ur í annan tíma naumast verið
betri eða ferskari.
Jólafull að hætti listamanna
Lengi má spyrja hvar færeysk
myndlist væri stödd án þessa
manns, líkt og færeysk grafík án
Jans Andersson. Bárður óþreyt-
andi við að kynna innlenda mynd-
list, hefur skrifað nokkrar lista-
verkabækur og staðið að gerð tíu
athyglisverðra sjónvarpsþátta um
færeyska myndlist og myndlist-
armenn. Til viðbótar hefur hann
unnið nokkrar opinberar skreyt-
ingar, hannað 25 frímerkjaseríur,
samtals 80 frímerki, loks spil og
bókarkápur. Viðgangur fær-
eyskrar listar er honum allt, líf og
sál, sækir hugmyndir og efnivið í
verk sín til náttúruskapanna, veðr-
áttunnar og mannlífsins, er opinn í
skoðunum og með góða yfirsýn,
enda dvalið víða sunnar í Evrópu.
Að því kom að jólafullið á verk-
stæðinu var mál málanna, og vel
merkjanlegt að allir hlökkuðu til
pataldursins. Hinn sænski Jan
Andersson hafði tekið hamarinn og
handsögina fram og rekið saman
langborð mikið, og ásamt inn-
fæddri konu sinni Fridu Brekku
soðið efnisríka kraftsúpu í risa-
stórum potti. Ofnsteikt/soðið
nokkrar tegundir af kjöti sem uppi
hafði hangið, eða meðhöndlað á
sérstakan hátt. Meðlætið einfald-
lega stór og næringarrík jarðepli,
hér listamenn á ferð sem hugsa
meira um orkuhleðslu en hvernig
hlutirnir líta út á diskunum, hvað
þversum og hvað langsum, öllu
seigu undir tönn rennt niður með
mungáti og kristallstærum drop-
um. Þarna gerðu starfsbræður og
keppinautar sér glaðan dag, hróka-
samræður yfir borðum auk þess að
nokkrir töluðu til þingheims,
lengst hinn glaðbeitti málari Amal-
iel Nordöy sem flutti gamanmál
við góðar undirtektir. Þá kyrjaði
nefndur Bárður Jákupsson Bell-
mannsöngva á sinn sérstæða djúp-
lifa hátt, og töfraði fram tónrænt
stuð í mannskapinn. Þótt fullið
stæði þar til markaði skil nætur og
dags fór allt vel og menningarlega
fram, enda varðar heimsendi að
ganga illa um á grafíkverkstæðum
Mér var vísað til sætis milli hins
þekkta klæðahönnuðar Borgnýar
Patursson, spúsu myndlist-
armannsins Tróndar Paturssonar,
og Beintu Gregoriussen, starfs-
manns við safnið. Stutt síðan veg-
leg bók var gefin út um Trónd,
sem seldist fljótlega upp, en nýtt
og stærra upplag kemur á mark-
aðinn í febrúar. Borgný vildi endi-
lega fá okkur Zakarías til sín til
Kirkjubæjar á sunnudeginum,
gekk eftir en þó ekki án nokkurra
hremminga. Töfraði fram og gaf
okkur sitt eintakið hvorum af bók-
inni og hyggst ég fjalla um hana í
þann mund er seinna upplagið
kemur út. Vænn endir á erfiðum
degi, fyrst var að ná áttum eftir
hástemmda nóttina og svo hafði
fárviðri skollið á með morgninum
og veðurhamurinn rétt að ganga
niður er við lögðum í hann síðdeg-
is, sá varla handa skil fyrir þoku
og regnhryðjum. En Zakarías virt-
ist þekkja leiðina eins og vasann,
skynjaði hana öllu frekar, hverja
bugðu og mishæð, þurfti þó þrisv-
ar á þessum þrönga holótta vegi að
krækja um vegtálma vegna fram-
kvæmda og var mér ekki um sel.
Sjaldan greint eins áþreifanlega
hvernig hjartað ólmaðist einhvers
staðar langt langt niðri í buxunum.
(Meira síðar)
Janus Kamban: Konumynd,
brenndur leir 1941.
LISTIR
MORGUNBLAÐIÐ MÁNUDAGUR 19. JANÚAR 2004 15
Sjálfstæðisfélagið
Njarðvíkingur
Aðalfundur.
Verður haldinn fimmtudaginn 22. Janúar kl. 20.30
í sjálfstæðishúsinu Hólagötu 15, Njarðvík.
Fundarstjóri verður Margrét Sanders.
Dagskrá.
1. Venjuleg aðalfundarstörf.
2. Bæjarmálaumræður, gestur fundarins verður
Árni Sigfússon Bæjarstjóri.
3. Önnur mál.
Stjórnin.
Margrét Sanders.
Árni Sigfússon