Morgunblaðið - 05.02.2004, Blaðsíða 8

FRÉTTIR
8 FIMMTUDAGUR 5. FEBRÚAR 2004 MORGUNBLAÐIÐ
Munið þið svo að þið megið vera reiðir, en ekki leiðir, prakkararnir ykkar.
Ferðakaupstefna Icelandair
Slá tvær flugur
í einu höggi
Icelandair stendur ítólfta skipti fyrirkaupstefnunni Mid
Antlantic Workshop&
Travel Seminar og hefst
hún í dag, fimmtudag.
Steinn Logi Björnsson er
framkvæmdastjóri sölu-
og markaðssviðs Ice-
landair og er í eldlínunni í
tilefni þessa. Morgun-
blaðið ræddi aðeins við
Stein Loga um tilurð
þessarar kaupstefnu, til-
gang hennar og árangur
af slíkum uppákomum.
– Segðu okkur fyrst
eitthvað um þessa ferða-
kaupstefnu …
„Hún heitir Mid Atlan-
tic Workshop & Travel
Seminar og Icelandair
hefurhaldið hana ellefu
sinnum, sem sagt tólfta árið í röð
að þessu sinni. Hún hefst í dag
og er dagskrá með gestum okk-
ar, einhverjum eða öllum, alveg
fram á sunnudag. Þetta er geysi-
lega eftirsótt kaupstefna og
þátttaka hefur verið vaxandi ár
frá ári. Kaupstefnan hefur þó
líklega náð sinni mestu stærð og
nú er það þannig að færri kom-
ast að en vilja. Það eru alls um
500 aðilar frá alls 13 löndum að
kynna og selja ferðamöguleika
og þjónustu tengda þeim. Þetta
eru 300 erlendir aðilar og 200
innlendir. Eins og orðið ferða-
kaupstefna bendir til þá erum
við að bjóða hingað til lands
kaupendum, sem eru ferðaskrif-
stofufólk frá löndum á borð við
Bandaríkin, Kanada, Norður-
löndin, Bretland, Rússland,
Eystrasaltslöndin Eistland og
Lettland og síðan hefur Úkraína
bæst við.“
– Hvað eruð þið að selja og
kynna?
„Við erum að kynna leiðar-
kerfi Icelandair og ákvörðunar-
staði beggja vegna Atlantshafs-
ins, og auðvitað með sérstaka
áherslu á Ísland sem ákvörðun-
arstað og viðdvalarstað fyrir far-
þega á leið yfir hafið. Við höfum
mjög verið að auka valkostina og
bæta verðið og nauðsynlegt að
kynna þetta reglulega.“
– Rússland og Úkraína?
„Já, við erum að feta okkur
inn á nýjar brautir með kynn-
ingu á Íslandi sem valkosti í
þessum löndum. Það er vaxandi
hópur fólks í þessum löndum,
einnig í Rússlandi, sem er að
leita sér að nýjum valkostum og
þetta er fólk sem á mikla pen-
inga. Það er algerlega raunhæft
að hafa þessi lönd með á ferða-
kaupstefnunni.“
– Segðu okkur aðeins nánar
hvaða aðilar það eru sem að
koma hingað …
„Þetta eru auk okkar, ferða-
skrifstofur, ferðaheildsalar, auk
fulltrúa frá hótelkeðjum, bíla-
leigum, ferðamálaráðum svo ég
nefni eitthvað.“
– En dagskráin?
„Hún verður opnuð formlega í
dag í Ráðhúsi Reykja-
víkur með hefðbund-
inni móttöku. Á morg-
un verður síðan
kaupstefna á Hótel
Sögu þar sem kaup-
endur og seljendur verða til
staðar, koma fram og kynna sína
vöru. Seinni hluti dagskrárinnar
er síðan í aðalsal og anddyri
Nordica Hótel þar sem allir
mæta og verða með sýningar-
bása. Þar geta menn rölt um og
fengið gögn og upplýsingar um
allt það sem í boði er. Þetta er
langstærsta ferðakaupstefna
sem haldin er hér á landi og
Nordica verður gersamlega troð-
full og mikill erill. Fyrri hlutinn
á Hótel Sögu er fyrir hádegið, en
seinni hlutinn, á Nordica Hótel,
stendur yfir milli klukkan 3 og 6.
Á laugardaginn er síðan uppá-
koma sem er ekki beinlínis hluti
af kaupstefnunni en segja má að
við séum með henni að slá tvær
flugur í einu höggi. Þá er opin
sýning á Nordica Hótel fyrir al-
menning þar sem fjöldi seljenda
verður með bása til að kynna það
sem í boði er. Þar verðum við hjá
Icelandair m.a. með sölubækl-
inginn okkar fyrir 2004, sem
kemur einmitt út í vikunni. Við
erum að ýta mörgum nýjungum
úr vör og erum stærri og öflugri,
og með nýtt og lægra verð en
nokkru sinni fyrr. Þessi sýning
er sem sagt fyrir almenning eins
og ég gat um áður og hún stend-
ur milli klukkan 11 og 3.“
– Væntanlega lyfta menn sér
líka eitthvað upp?
„Það er alltaf þannig þegar
fólk úr ferðaþjónustunni kemur
saman. Þetta er lífsglatt fólk og
félagslynt og margt á döfinni.
Margir þekkjast orðið mjög vel
eftir margra ára samstarf. Það
verður t.d. galadinner í Broad-
way á föstudagskvöldið og á
laugardaginn eru kaupendurnir
á kaupstefnunni lausir allra
mála. Þeim standa þá til boða
ýmsar skoðunarferðir sem enda
á kvöldverði og skemmtun með
hljómsveit í Bláa lóninu.“
– Skila svona ferðakaupstefn-
ur merkjanlegum árangri?
„Í ferðaþjónustunni
er það þannig að það
getur tekið nokkur ár
að sjá hvort eitt eða
annað sem verið er að
vinna með skilar ár-
angri eða ekki. Menn þurfa oft
bara að halda sínu striki og sjá
til. En það segir sig sjálft að með
því að við erum að halda þessa
kaupstefnu í tólfta skipti þá er-
um við ánægð með árangurinn.
Þessi kaupstefna hefur reynst
okkur einkar happadrjúg og bet-
ur en t.d. Vestnorden sem þó er
allra góðra gjalda verð og góð og
nauðsynleg samkunda.“
Steinn Logi Björnsson

Steinn Logi Björnsson er
fæddur á Höfn í Hornafirði 1.
september 1959. Stúdent frá VÍ
og lauk hagfræðiprófi frá Drew
University í New Jersey, síðan
MBA prófi við Columbia Uni-
versity í New York 1985. Hefur
unnið hjá Icelandair síðan, í New
York, Frankfurt, Baltimore og á
Íslandi og síðustu sjö árin verið
framkvæmdastjóri sölu- og
markaðssviðs. Eiginkona er
Anna H. Pétursdóttir og eiga þau
þrjú börn, Stein Loga 20, Ylfu Ýr
18 og Perlu 14 ára.
hefur reynst
okkur einkar
happadrjúg